Nau Mprơ Ơm 91:3 - Nau Brah Ndu Ngơi 2023

³ Yorlah Păng mra tâm rklaih may bơh dăk sĭm, Jêh ri bơh nau ji tưp ƀư rai.

Nau Mprơ Ơm 91:3 ပူးပေါင်းရင်းမြစ်များ

II Samuel 24:15

Pôri, Brah Yêhôva ƀư ăn nau ji tưp ƀư mhĭk ngăn tâm phung Israel, ntơm bơh ơm ôi nar nây tât ta mông hŏ nal jêh. Rnoh bunuyh khĭt tâm phung ƀon lan ntơm bơh Dan tât ma Bêr-Sêba jêng pơh rmưn nuyh.

I Phung Hađăch 8:37

Tơlah tâm n'gor bri geh nau ji ngot, nau ji tưp, mâu lah prăng phang, hon sêt-o, krah ndrach, krah nsăt, mâu lah geh phung rlăng nchueng jŭm lĕ mpông ƀon khân păng gŭ, mâu lah ăp nau mhĭk, nau ji;

Nau Mprơ Ơm 124:7

Huêng he klaih jêh bơh khân păng Nâm bu sĭm klaih dăk bơh nơm ƀư dăk sĭm; Dăk nkê̆ch jêh, Jêh ri he klaih yơh.

Nau Mprơ Ơm 141:9

Dăn May mât mray gâp bơh dăk khân păng sân gâp Jêh ri rklaih bơh nhuăl phung ƀư mhĭk.

Nau Mprơ Ơm 68:21

Ƀiălah Brah Ndu mra jot ăn nchah bôk phung rlăng đah Păng, Jêh ri bôk sŏk phung hôm tĭng tâm nau tih mhĭk.

Nau Mprơ Ơm 91:6

Mâu lah nau ji tưp tâm nau ngo Mâu lah nau rai yot ƀư rai dôl nklang bôk nar.

Nau Hôr 6:5

Tâm rklaih hom may nơm nâm bu yơng klaih bơh ti bunuyh nchron, Nâm bu sĭm klaih bơh ti bunuyh ndơm dăk.

Nau Hôr 7:23

Kŏ tât du chiông hăr sŏr ta klơm nơm nây, Nâm bu sĭm gơnh tŭp tâm nhuăl, Ƀiălah păng mâu năn gĭt ôh nau nây jêng dăk nhŭp kât nau rêh păng nơm!

Nơm Nti 9:12

Kon bunuyh mâu gĭt nôk găl ma păng nơm. Nâm bu ka geh nhuăl mhĭk ngăn, Nâm bu sĭm geh tâm dăk sân, Kon bunuyh ăt geh dăk sân Nau mhĭk ƀât lât jŭr ma khân păng.

Ndrom Samƀŭt bơh Ôsê 9:8

Phung nơm mbơh lor, ndrel ma Brah Ndu gâp Jêng bunuyh gak njrăng Êphraim, Ƀiălah dăk nhuăl nthăng tâm ăp trong păng, Nau ji nuih gŭ tâm ngih Brah Ndu păng.

Amôt 3:5

Mâm dĭng sĭm geh tâm nhuăl bu nthăng ta neh Tơlah mâu geh ôh dăk sâm gay nhŭp păng? Tơlah păng mâu geh nhŭp du ntil ndơ ôh, Mâm dĭng nhuăl ntlư bơh neh?

I Timôthê 6:9

Ƀiălah phung kơnh ma nau ndrŏng, mra tŭp tâm nau ndơm, văk tâm dăk, tŭp tâm lĕ nau kơnh nau rluk mâl jêh ri nau mhĭk, jêng lĕ nau nây ƀư ngâm kon bunuyh tâm nau ƀư rai jêh ri nau rai roh.

II Timôthê 2:26

jêh ri kah gĭt gay klaih bơh dăk brah mhĭk sân, yorlah brah mhĭk nhŭp kât khân păng gay ƀư tĭng nau păng ŭch.