Nau Mprơ Ơm 91:16 - Nau Brah Ndu Ngơi 2023

¹⁶ Gâp mra ăn păng hơm mpay rêh jŏ Jêh ri ntĭm ma păng saơ nau Gâp tâm rklaih.

Nau Mprơ Ơm 91:16 ပူးပေါင်းရင်းမြစ်များ

Nau Ntơm 25:8

Y-Abraham tăch n'hâm jêh ri păng khĭt ranh jong rêh, dơi maak tâm nau rêh, jêh ri păng sĭt ndrel ma chô yau păng.

Ndrom Samƀŭt bơh Yôp 5:26

May mra dơi geh âk năm lah lăp tâm môch Nâm bu nchăp ba rgum di yan.

Nau Mprơ Ơm 16:11

Kôranh Brah mra nchŏng ăn gâp gĭt trong nau rêh; Tanăp Kôranh Brah geh lĕ nau răm maak, Pa ma Kôranh Brah geh nau ueh maak ƀaƀơ n'ho ro.

Nau Mprơ Ơm 21:4

Păng dăn ma Kôranh Brah ăn nau rêh, jêh ri Kôranh Brah ăn jêh ma păng, Kŏ tât ăn ma păng năm khay jŏ jong n'ho ro.

Nau Mprơ Ơm 50:23

Mbu nơm nhhơr nau tâm rnê lah ueh, ndơ ƀư brah jêng mât ton ma Gâp, Bi ma mbu nơm hăn tĭng trong nau sŏng, Gâp mra ăn saơ nau Brah Ndu tâm rklaih.”

Nau Hôr 10:27

Nau klach yơk ma Brah Yêhôva ntop jŏ nar khay gŭ rêh, Bi năm gŭ rêh ma phung mhĭk mra n'hŭch lơi ăn ƀhôi.

Nau Hôr 22:4

Nau nkhôm ăn nau dêh rhêt jêh ri klach yơk ma Brah Yêhôva Jêng nau ndrŏng, nau bu yơk jêh ri nau rêh.

Nau Hôr 3:16

Ti ma nau blau mĭn djôt kuăn nau rêh jong, Bi ti chiau geh nau ndrŏng kuăng jêh ri lư n'găr.

Nau Hôr 3:2

Yorlah păng mra ăn may dơi ntop âk năm gŭ rêh, Jêh ri dơi geh nau geh jêng lư n'găr.

Êsai 45:17

Bi Israel, Brah Yêhôva mra tâm rklaih, Ma nau tâm rklaih n'ho ro; Kŏ tât n'ho ro, Khân may mâu mra bêk mâu lah uh ah ôh!

Luka 2:30

Yorlah măt gâp saơ jêh nau tâm rklaih bơh May,

Luka 3:6

Jêh ri lĕ kon bunuyh mra saơ nau tâm rklaih tă bơh Brah Ndu.”

Nau Vay Nkah Tay 6:2

Bơh nây, gay khân may, phung kon sau khân may du njăr rêh mra klach yơk ma Yêhôva Brah Ndu khân may, djôt prăp lĕ nau vay dăp jêh ri nau vay ntăm bơh Păng jêng nau gâp ntĭnh ma khân may, gay ma khân may dơi rêh jŏ năm.