Nau Mprơ Ơm 91:14 - Nau Brah Ndu Ngơi 2023

¹⁴ Yorlah păng rŏng ma Gâp yor nây Gâp mra tâm rklaih păng; Gâp mra king n'gang păng yorlah păng gĭt năl amoh Gâp.

Nau Mprơ Ơm 91:14 ပူးပေါင်းရင်းမြစ်များ

I Nau Rêh Jêng 29:3

Yorlah nuih n'hâm gâp rŏng ma ngih Brah Ndu gâp, pôri lĕ nau gâp ndrăp nkra jêh ma ngih brah kloh ueh, gâp ăt nhhơr đŏng ma ngih Brah Ndu lĕ rngôch ndơ ma mah jêh ri ma prăk jêng ndơ gâp,

Êsra 8:31

Nar jât ma bar khay nguay, hên hăn ntơm tă bơh dak krong Ahava ŭch hăn tât ma Yêrusalem. Ti Brah Ndu hên rgong hên, jêh ri Păng tâm rklaih hên tă bơh ti phung rlăng jêh ri phung ntŭng njŏ trong.

Nau Mprơ Ơm 59:1

Ơ Brah Ndu gâp! Tâm rklaih gâp bơh phung rlăng, Jêh ri king n'gang gâp bơh phung hao tâm rdâng đah gâp.

Nau Mprơ Ơm 9:10

Ơ Brah Yêhôva, Phung gĭt amoh May mra rnơm nsing ma May, Yorlah May mâu mâp chalơi ôh bunuyh tĭng joi May.

Nau Mprơ Ơm 9:11

Mprơ tâm rnê hom ma Brah Yêhôva jêng Nơm gŭ tâm ƀon Siôn! Mbơh hom nau kan Păng ta nklang phung ƀon lan.

Nau Mprơ Ơm 91:9

Yorlah may rnơm jêh ma Brah Yêhôva ƀư ntŭk gŭ krap Jêh ri Nơm Dŭt Prêh ƀư ntŭk gŭ,

Êsai 33:16

Bunuyh kơt nĕ mra dơi gŭ tâm ntŭk prêh, Geh pôih ma mpir lŭ mra jêng ntŭk păng du krap; Bu mra ăn ndơ sông sa ma păng Jêh ri păng mâu rvê pưt dak nhêt ôh.

Yêrêmi 39:17

Brah Yêhôva lah: ‘Ƀiălah tâm nar nây, Gâp mra rklaih may, may mâu mra jao tâm ti phung bunuyh ƀư ăn may klach ôh.

Yôhan 14:23

Brah Yêsu plơ̆ lah: “Lah mbu nơm rŏng ma Gâp, păng mra djôt prăp nau Gâp ngơi, Mbơ̆ Gâp mra rŏng ma păng, Mbơ̆ Gâp ndrel ma Gâp mra văch ma păng jêh ri gŭ ndrel ma păng.

Yôhan 16:27

yorlah Mbơ̆ nơm rŏng ma khân may, yor khân may rŏng jêh ma Gâp jêh ri hŏ chroh jêh pô aơ Gâp luh tă bơh Mbơ̆.

Yôhan 17:3

Nau rêh n'ho ro jêng nau gĭt năl Mbơ̆ jêng Brah Ndu knŏng nguay jêh ri nau nanê̆ ngăn, ndrel Yêsu Krist jêng Nơm Mbơ̆ hŏ njuăl jêh.

Samƀŭt Pôl Njuăl Ăn Ma Phung Nsing Ta Ƀon Rôm 8:28

He gĭt lĕ rngôch nau rgum ƀư khlay ma phung rŏng ma Brah Ndu, nâm bu ntĭt ma phung bunuyh dơi kuăl tĭng nâm nau mĭn Păng ŭch.

Galati 4:9

Ƀiălah aƀaơ khân may gĭt năl jêh Brah Ndu, mâu lah di lơn jêng Brah Ndu gĭt năl jêh khân may, mâm ƀư khân may ŭch plơ̆ sĭt ma lĕ ntil brah huêng rdja, o ach nây? Mâm ƀư khân may ŭch plơ̆ tay ƀư dĭk?

Yakơ 1:12

Ueh maak yơh ma mbu nơm nsrôih dơn nau rlong uănh; yorlah lôch jêh dơn nau rlong uănh, khân păng mra dơn đon hađăch nau rêh, Brah Ndu ton jêh ma phung rŏng ma Păng nơm.

Yakơ 2:5

Khân may iăt hom, hơi phung oh nâu gâp rŏng: Mâu di hĕ Brah Ndu săch jêh phung o ach ta neh ntu aơ gay ƀư ma khân păng jêng ndrŏng tâm nau chroh, jêh ri dơn ƀon bri hađăch Păng ton jêh ma phung rŏng ma Păng?