Nau Mprơ Ơm 91:1 - Nau Brah Ndu Ngơi 2023

¹ Mbu nơm gŭ tâm ntŭk ndâp Nơm Dŭt Prêh. Mra dơi gŭ tâm dâng gui Nơm Geh Lĕ Nau Brah.

Nau Mprơ Ơm 91:1 ပူးပေါင်းရင်းမြစ်များ

Nau Mprơ Ơm 121:5

Brah Yêhôva jêng nơm mât mray may; Brah Yêhôva jêng gui nkŭm pa ma may.

Nau Mprơ Ơm 17:8

Dăn Kôranh Brah king n'gang gâp nâm bu găr klŏ măt; Dăn pôn gâp tâm dâng gui năr May,

Nau Mprơ Ơm 25:13

Huêng păng mra gŭ tâm ntŭk ueh mpăn, Jêh ri phung kon sau păng mra geh neh ƀư drăp ndơn.

Nau Mprơ Ơm 27:5

Yorlah tâm nar rêh ni, Păng mra king n'gang tâm ngih bok Păng, Pôn gâp ntŭk ndâp tâm ngih bok Păng, Jêh ri Păng mra dơm gâp ta klơ du mlâm lŭ toyh.

Nau Mprơ Ơm 31:20

May pôn khân păng tâm ntŭk ndâp tanăp măt May Gŭ ngai đah nau kon bunuyh ŭch ƀư; May king n'gang khân păng tâm ngih bok Gŭ ngai đah mbung mpiăt tâm djrel.

Nau Mprơ Ơm 32:7

May jêng ntŭk gâp nde krap: May king n'gang gâp bơh nau rêh ni; May ăn nau mprơ ma nau tâm rklaih gay nkŭm gâp. (Sêla)

Nau Mprơ Ơm 36:7

Ơ Brah Ndu, nau ueh May khlay ngăn ngên! Phung kon bunuyh gŭ krap tâm dâng n'hâm năr May.

Nau Mprơ Ơm 52:8

Ƀiălah tâm ban ma tơm ôlive ndrêh ueh Tâm ngih Brah Ndu. Gâp rnơm nsing tâm nuih n'hâm ueh Brah Ndu Tât n'ho ro mâu blau lôch ôh.

Nau Mprơ Ơm 57:1

Ơ Brah Ndu! Yô̆ nđach ma gâp, yô̆ nđach ma gâp, Yorlah huêng gâp nde krap tâm May! Di yơh, gâp nde krap tâm dâng gui năr May Kŏ tât nau mhĭk rlau lôch.

Nau Mprơ Ơm 90:1

Ơ Kôranh Brah, bơh rnôk aơ tât rnôk ri, May njêng jêh ntŭk hên gŭ.

Nau Mprơ Ueh 2:3

Nơm ay rŏng ta nklang phung bu klâu ndăm, Nâm bu tơm si mandragôr ta nklang tơm si tâm krŏng. Gâp hâk răm dơi gŭ tâm dâng gui may, Jêh ri play may njŭng ngăn tâm mbung gâp.

Êsai 25:4

Yorlah May jêng ntŭk phung o ach nsing, Jêng ntŭk nde nâp ma phung nau ndĭt trơi tâm nôk jêr jŏt ngăn, Jêng ntŭk krap bơh sial phŭt, Jêng gui n'hâm der nôk nar duh, Nôk phung ƀai khôm n'hâm luh Tâm ban ma sial phŭt njach mpêr ƀon,

Êsai 32:2

Mra geh du huê tâm ban ma ntŭk krap ma sial, Jêh ri ntŭk nde ma sial phŭt, Tâm ban ma dak n'hor tâm ntŭk sơh, Tâm ban ma gui n'hâm lŭ toyh tâm neh nđang.

Êsai 8:14

Păng mra jêng du ntŭk kloh ueh; ƀiălah Păng jêng glo lŭ chêh jâng bu jêh ri lŭ toyh ƀư prah ma lĕ bar đah ndŭl mpôl Israel, ăt jêng tanh srang jêh ri dăk sân ma phung gŭ tâm ƀon Yêrusalem.

Nau Nhĭm Vơl 4:20

Nơm dơn Brah Yêhôva tŏ dak ƀâu kah, nây jêng nau n'hâm nsôr hên, Hŏ geh dăk khân păng jêh; Nây jêng phung hên vay lah: “Nde tâm dâng n'hâm gui săk he mra gŭ rêh ta nklang lĕ bri dak.”

Êsêkiêl 11:16

Yor nây, lah hom ma khân păng: ‘Kôranh Brah Yêhôva lah: Nđâp tơlah Gâp hŏ mprơh jêh khân păng ngai ta nklang phung băl mpôl bunuyh êng, hŏ ƀư chah rai khân păng tâm âk bri dak, Gâp ăt jêng ntŭk kloh ueh ma khân păng tâm du năng nar ta lĕ bri dak khân păng hăn tât.’

Phung Kôranh Phat Dôih 9:15

Rlô lok plơ̆ lah ma tơm si: ‘Tơlah ma nuih n'hâm nanê̆ ngăn khân may ŭch tŏ dak ƀâu kah ăn gâp jêng hađăch khân may Văch hom nde tâm dâng gui n'hâm gâp; Lah mâu pônây, ăn geh ŭnh luh bơh rlô lok Jêh ri su tơm si sêdar n'gor Liban!’