Nau Mprơ Ơm 90:8 - Nau Brah Ndu Ngơi 2023

⁸ May dơm jêh nau djơh mhĭk hên tanăp May, Gay lĕ nau tih ndâp hên tâm nau ang muh măt May.

Nau Mprơ Ơm 90:8 ပူးပေါင်းရင်းမြစ်များ

Ndrom Samƀŭt bơh Yôp 10:14

Tơlah gâp ƀư tih, May mra kâp rmiăng, Mâu yô̆ an ôh nau djơh mhĭk gâp.

Ndrom Samƀŭt bơh Yôp 34:21

Yorlah măt Păng kâp uănh trong kon bunuyh, Păng saơ ăp nhuat khân păng chuat.

Nau Mprơ Ơm 10:11

Păng mĭn tâm nuih n'hâm: “Brah Ndu chuêl jêh, Păng lĕ pôn măt jêh ri mâu mra saơ nau aơ ôh.”

Nau Mprơ Ơm 109:15

Ăn lĕ nau tih nĕ gŭ tanăp măt Brah Yêhôva ƀaƀơ Gay ma Păng jut lĕ nau ndray khân păng bơh neh ntu.

Nau Mprơ Ơm 19:12

Mbu nơm dơi gĭt rbăng lĕ nau tih păng? Dăn Kôranh Brah yô̆ an lĕ nau tih gâp mâu gĭt.

Nau Mprơ Ơm 50:21

Nây jêng nau may hŏ ƀư jêh, bi Gâp gŭ rklăk; May mĭn pô aơ Gâp ăt tâm ban ma may. Ƀiălah Gâp mra nduyh rmal may, Mpơl lĕ nau nây tanăp măt may.

Nau Mprơ Ơm 80:16

Tơm play krăk ƀâu nây ŭnh sa jêh ri bu koh; Yorlah nau muh măt May nduyh lah, khân păng mra rai yot.

Nau Hôr 5:21

Yorlah lĕ trong kon bunuyh hăn gŭ panăp măt Brah Yêhôva, Păng rli lâng lĕ rngôch trong hăn khân păng.

Nơm Nti 12:14

Yorlah Brah Ndu mra djôt leo phat dôih lĕ rngôch kan, Ndrel ma lĕ rngôch nau ndâp, nđâp lah ueh mâu lah mhĭk.

Yêrêmi 16:17

Yorlah măt Gâp kâp uănh tâm lĕ trong khân păng. Khân păng mâu dơi du ôh bơh măt Gâp, jêh ri nau tih khân păng mâu đŏng dơi king măt Gâp.

Yêrêmi 2:22

Nđâp lah geh dŏng dak si ƀư kloh Jêh ri âk saƀu gay ma jut rao păng nơm, Pôri tanăp măt Gâp, têl nau tih mhĭk may ăt hôm ta ntŭk nây.” Brah Yêhôva lah pônây.

Yêrêmi 23:24

Brah Yêhôva lah: “Mbu dơi nde krap păng nơm tâm ntŭk ndâp gay Gâp mâu dơi saơ lĕ?” Brah Yêhôva lah đŏng: “Mâu di hĕ Gâp mpơl ăp ntŭk, ăp lĕ ndâr trôk jêh ri neh ntu hĕ?

Êsêkiêl 8:12

Păng lah ma gâp: “Hơi kon bunuyh, may saơ lĕ nau phung bu ranh ngih Israel, ăp nuyh ƀư tâm ntŭk ngo klĕng, trôm jrô kach nsêr rup brah khân păng? Yorlah khân păng lah pô aơ: ‘Brah Yêhôva mâu saơ ôh he; Brah Yêhôva hŏ chalơi jêh bri aơ!’”

Kan Lêvi 4:23

Tơlah păng gĭt năl jêh nau tih păng hŏ ƀư, ăn păng njŭn du mlâm be nkuăng mâu geh têl khap ôh gay ƀư ndơ nhhơr.

Kan Lêvi 4:28

Dôl păng gĭt năl jêh nau tih păng hŏ ƀư, ăn păng têk du mlâm be me mâu geh têl khap ôh gay ƀư ndơ ƀư brah chuai nau tih păng hŏ ƀư jêh.

Samƀŭt Pôl Njuăl Ăn Ma Phung Nsing Ta Ƀon Rôm 2:16

Ta nar nây, Brah Ndu ăn Yêsu Krist mra phat dôih lĕ nau kan ndâp kon bunuyh bơh Brah Yêsu Krist, tĭng nâm Nau Mhe Mhan Ueh gâp nti.

I Kôrintô 4:5

Pôri, lơi dĭng phat dôih gơnh ir, gŭ kâp hom Kôranh Brah plơ̆ văch; Păng mra mpơl ta ntŭk ang lĕ rngôch moh nau pôn jêh tâm ntŭk ngo, jêh ri mpơl lĕ nau ŭch tâm nuih n'hâm. Nôk nây, ăp nơm mra dơn nau tâm rnê tă bơh Brah Ndu.

I Yôhan 3:20

ăp tơ̆ nuih n'hâm he nduyh ma he. Yorlah Brah Ndu jêng toyh lơn ma nuih n'hâm he, jêh ri Păng gĭt lĕ rngôch ndơ.

Nau Tâm Mpơl 20:12

Gâp saơ phung khĭt, toyh jêh ri jê̆, dâk tanăp sưng hađăch nây da dê, jêh ri bu pơk jêh lĕ ndrom samƀŭt. Du ndrom samƀŭt êng jêng ndrom samƀŭt nau rêh bu pơk đŏng. Bu phat dôih phung khĭt tĭng nâm kan khân păng ƀư jêh, tĭng nâm lĕ nau bu nchih jêh tâm ndrom samƀŭt nây.