Nau Mprơ Ơm 90:5 - Nau Brah Ndu Ngơi 2023

⁵ May ƀư ma khân păng rdu nâm bu n'hor dak lip; khân păng nâm bu du rngăl bê̆ch, Jêng nâm bu gơ̆ mhe hon ôi.

Nau Mprơ Ơm 90:5 ပူးပေါင်းရင်းမြစ်များ

Ndrom Samƀŭt bơh Yôp 20:8

Păng mpăr nâm bu du nau mbơi, mâu geh ôh bunuyh dơi joi tay; Bu ntrŭt lơi nâm bu nau tâm saơ dôl măng.

Ndrom Samƀŭt bơh Yôp 22:16

Khân păng bu mra pih kloh lĕ êlor nar tâm nal, Ntŭk mbon khân păng lĕ dak rdu tǐng n'hong dak;

Ndrom Samƀŭt bơh Yôp 4:20

Du ôi du măng khân păng bu rchiăt hăch; Khĭt roh n'ho ro, mâu geh ôh nơm dơi gĭt.

Ndrom Samƀŭt bơh Yôp 9:26

Khân păng rgăn ngăch nâm bu rkĭt tơm rpho, Nâm bu klang ƀŭng jŭr pah mpa sa.

Nau Mprơ Ơm 73:20

Ơ Kôranh Brah, tâm ban bu uănh mâu khlay nau mbơi tơlah kah rngăl, Pôri May ăt nsot lơi gui rup khân păng tơlah May kah rngăl kơt nây.

Êsai 38:12

Bu rôk lơi ntŭk ngih gâp gŭ, jêh ri trơn păng ngai tă bơh gâp Tâm ban ma ngih bok phung rmăk biăp. Gâp klôn lơi nau rêh gâp tâm ban ma nơm tanh klôn bok; Kôranh Brah koh lơi gâp tă bơh ndơ dŏng tanh; Ơm ôi hôm tât măng roh, Kôranh Brah nglĕ dŭt nau rêh gâp!

Êsai 38:13

Gâp gŭ klăk klêm kŏ tât ôi, Ƀiălah Păng hŏ nkhêk lơi lĕ nting gâp tâm ban ma yau mŭr. Ơm ôi hôm tât măng roh, Kôranh Brah nglĕ dŭt nau rêh gâp!

Êsai 40:6

Geh bâr lah: “Nter hom!” Jêh ri geh nter plơ̆ lah: “Moh nau gâp mra nter?” “Lĕ rngôch bunuyh jêng tâm ban ma gơ̆, Lĕ rngôch nau ueh păng jêng tâm ban ma kao gơ̆ tâm mir.

Êsai 40:7

Gơ̆ kro, kao rŭng, Yorlah n'hâm Brah Yêhôva khôm ta klơ păng. Nanê̆, kon bunuyh knŏng jêng gơ̆:

I Pêtrôs 1:24

Yorlah, “Lĕ rngôch nglay săk nâm bu gơ̆, Jêh ri lĕ rngôch nau chrêk rmah păng nâm bu kao gơ̆. Gơ̆ kro, kao rŭng,