Nau Mprơ Ơm 90:17 - Nau Brah Ndu Ngơi 2023

¹⁷ Ăn nau yô̆ May jêng Brah Ndu phung hên ƀư tŭp ta klơ hên; Dăn May ƀư nâp nau kan ti phung hên; Di yơh, dăn ƀư nâp nau kan ti phung hên.

Nau Mprơ Ơm 90:17 ပူးပေါင်းရင်းမြစ်များ

Ndrom Samƀŭt bơh Yôp 22:28

Moh nau kan may ŭch ƀư, nau kan nây mra dơi jêng; Nau ang sol nchrat trong may hăn.

Nau Mprơ Ơm 110:3

Tâm nar Brah Ndu mpơl nau dăng ktang, Phung ƀon lan May mra ŭch nhhơr khân păng nơm ma May; Phung bu klâu ndăm ndơ nsoh kloh ueh hăn tĭng May, Chrêk rêp ƀlêp nâm bu truh dak ngom ơm ôi

Nau Mprơ Ơm 118:25

Ơ Brah Yêhôva! tâm rklaih hên ƀă; Ơ Brah Yêhôva! Ăn ma hên nau geh chăt jêng.

Nau Mprơ Ơm 27:4

Gâp hŏ dăn jêh ma Brah Yêhôva du ntil nau Jêh ri mra joi nau nây! Nây jêng lĕ nau rêh gâp Dơi gŭ tâm ngih Brah Yêhôva Gay uănh nau ueh Brah Yêhôva Jêh ri gay dăn ôp tâm ngih brah Păng.

Nau Mprơ Ơm 50:2

Bơh Siôn ueh reh rah vah ngăn, Brah Ndu nchrat ang jêh.

Nau Mprơ Ơm 68:28

Brah Ndu ah, ăn n'hâm toyh suan dăng May; Ơ Brah Ndu, dăn mpơl nau brah May, nâm bu May hŏ ƀư jêh ma hên.

Nau Mprơ Ơm 80:3

Ơ Brah Ndu, dăn ndâk njêng mhe tay hên, Jêh ri ƀư ăn nchrat ang măt May ta klơ hên pôri hên mra dơi rklaih.

Nau Mprơ Ơm 80:7

Ơ Brah Ndu ma phung tahan, dăn ndâk njêng mhe tay hom hên Jêh ri ƀư ăn muh măt May sol ang ta klơ hên pôri hên mra dơi rklaih.

Nau Hôr 16:3

Jao hom nau kan may ma Brah Yêhôva, Pôri moh nau may ŭch rvê mĭn mra dơi jêng.

Êsai 26:12

Ơ Brah Yêhôva, May ndâk nau đăp mpăn ma hên, Yorlah lĕ rngôch kan hên, May sâm ƀư an da dê jêh ma hên!

I Kôrintô 3:7

Pôri, bunuyh tăm jêh ri nơm djrah dak mâu ôh jêng khlay, ƀiălah knŏng geh Brah Ndu jêng Nơm ƀư văch ma toyh.

II Kôrintô 3:18

Lĕ rngôch muh măt he mâu nkŭm da dê gay n'gơr uănh nau chrêk rmah Kôranh Brah, dơi tâm rgâl plơ̆ jêng tâm ban ma rup Păng, tă bơh nau chrêk rmah tât ta nau chrêk rmah; yorlah nau aơ luh bơh Kôranh Brah jêng Brah Huêng Ueh.

II Têsalônik 2:16

Dăn Kôranh Brah he, jêng Brah Yêsu Krist nơm jêh ri Brah Ndu, Mbơ̆ he, Nơm rŏng jêh ma he, jêh ri bơh nau yô̆ ăn ma he nau bonh leng n'ho ro jêh ri nau kâp gân ueh,

I Yôhan 3:2

Hơi phung gâp rŏng, aƀaơ he jêng kon Brah Ndu; bi mâm nau he mra jêng ê hŏ tâm mpơl ôh. He gĭt tơlah Păng tâm mpơl, he mra tâm ban ma Păng, yorlah he mra saơ Păng nâm bu Păng ơm geh kơt nây.