Nau Mprơ Ơm 90:16 - Nau Brah Ndu Ngơi 2023

¹⁶ Ăn kan May mpơl ma phung oh mon May, Jêh ri nau chrêk rmah May ral ang ta phung kon khân păng!

Nau Mprơ Ơm 90:16 ပူးပေါင်းရင်းမြစ်များ

Nau Mprơ Ơm 44:1

Ơ Brah Ndu, trôm tôr hên tăng, Phung chô yau hên hŏ nkoch jêh Kan May ƀư jêh tâm rnôk khân păng Ntơm bơh kăl e.

Nau Mprơ Ơm 77:12

Ăt mra mĭn rvê ma lĕ rngôch kan May, Jêh ri mĭn ma lĕ nau May ƀư.

Nau Mprơ Ơm 92:4

Ơ Brah Yêhôva, May ƀư maak jêh ma gâp yor kan May; Jêh ri maak răm ma nau kan bơh ti May.

Habakuk 3:2

Ơ Brah Yêhôva! Gâp tăng jêh nau bu nkoch lư n'găr amoh May, Yor ri gâp klach yơk ma May. Ơ Brah Yêhôva! Ta nklang năm khay mro mrăng, Dăn Kôranh Brah ăn njêng mhe tay nau kan May, jêh ri tâm mpơl ma lĕ rngôch bunuyh gĭt. Tâm nau ji nuih, dăn Kôranh Brah kah gĭt ma nau yô̆ nđach!

Nau Vay Nkah Tay 1:39

Bi phung kon jê̆ khân may, khân may mĭn khân păng mra jêng ndơ ma phung rlăng pit sŏk, jêh ri phung kon bu klâu khân may, nar aơ ê mâp gĭt năl nau ueh mâu lah nau mhĭk, khân păng mra dơi lăp tâm n'gor nây. Gâp mra ăn n'gor nây ma khân păng gay ƀư drăp ndơn.

Nau Vay Nkah Tay 32:4

Păng jêng Lŭ Toyh, nau kan Păng jêng rah vah ngăn, Yorlah lĕ rngôch trong Păng jêng nau di. Brah Ndu Nơm răp jăp jêh ri mâu geh nau tih ôh, Nau di jêh ri nau sŏng ƀaƀơ.

Yôsuê 23:14

Aƀaơ ri gâp dăch hăn tâm trong lĕ phung neh ntu vay hăn. Pôri ma lĕ nuih n'hâm, ma lĕ huêng gĭt năl hom lĕ nau ueh Yêhôva Brah Ndu khân may hŏ ntăm jêh ma khân may, mâu geh du ntil nau mâu di, ƀiălah lĕ rngôch tât di ngăn jêh ma khân may. Nanê̆, mâu geh du ntil nau mâu di.