Nau Mprơ Ơm 90:13 - Nau Brah Ndu Ngơi 2023

¹³ Dăn plơ̆ tay! Ơ Brah Yêhôva, ndah nâm jŏ nau May ji nuih? Dăn yô̆ nđach ma phung oh mon May!

Nau Mprơ Ơm 90:13 ပူးပေါင်းရင်းမြစ်များ

Nau Mprơ Ơm 106:45

Păng kah gĭt yô̆ ma phung nây yor nau Păng tâm rnglăp. Păng yô̆ nđach ma phung nây tĭng nau ueh Păng mâu blau lôch ôh.

Nau Mprơ Ơm 135:14

Yorlah Brah Yêhôva mra koh dŏng phung ƀon lan Păng, Jêh ri yô̆ nđach ma phung oh mon Păng.

Nau Mprơ Ơm 6:5

Yor tâm nau khĭt mâu hôm bunuyh kah gĭt ma Kôranh Brah; Ƀon phung khĭt mbu mra tâm rnê lah ueh ma May?

Nau Mprơ Ơm 74:10

Ơ Brah Ndu! Ndah nâm jŏ nơm tâm rdâng mra bêk prêng ma May? Nơm rlăng mra suai ma amoh May mro lĕ?

Nau Mprơ Ơm 80:14

Ơ Brah Ndu ma phung tahan! Dăn plơ̆ văch hom, Uănh bơh trôk ta klơ, treng uănh Jêh ri chop khâl tơm krăk ƀâu aơ,

Nau Mprơ Ơm 80:15

Jêng tơm krăk ƀâu ti ma May tăm jêh, Jêh ri jêng nkeh May hŏ ăn jêh nau ktang.

Nau Mprơ Ơm 89:46

Ơ Brah Yêhôva! Ndah jŏ May mra pôn măt? Ndah jŏ nau May ji nuih mra hit nâm bu ŭnh?

Nau Ngluh Êjipt 32:12

Mâm ƀư ăn phung Êjipt mra lah: ‘Kôranh Brah ŭch ngluh jêh khân păng luh bơh n'gor aơ gay nkhĭt lơi khân păng tâm yôk, jêh ri ƀư rai khân păng bơh neh ntu’? Dăn Kôranh Brah bah ji nuih jêh ri chalơi nau mĭn ŭch ƀư nau mhĭk ma phung ƀon lan May.

Nau Ngluh Êjipt 32:14

Brah Yêhôva tâm rgâl nau păng ŭch mĭn mâu ƀư nau mhĭk ma phung ƀon lan Păng.

Êsai 63:17

Ơ Brah Yêhôva, mâm ƀư May ăn hên nkhah du bơh trong may? Mâm dĭng ăn nuih n'hâm hên dăng kŏ tât hên mâu hôm klach yơk ma May ôh? Yor phung oh mon May jêh ri phung ndŭl mpôl drăp ndơn May. Dăn Kôranh Brah plơ̆ sĭt hom!

Yêrêmi 12:15

Ƀiălah hŏ lôch jêh rôk khân păng, Gâp mra yô̆ nđach tay khân păng jêh ri djôt ăp bunuyh plơ̆ sĭt ma drăp ndơn jêh ri ƀon tơm khân păng.

Ndrom Samƀŭt bơh Ôsê 11:8

Hơi Êphraim, mâm Gâp dơi lơi may? Hơi Israel, mâm Gâp dơi jao may ma phung rlăng? Mâm Gâp dơi ƀư ma may jêng nâm bu ƀon Adma? Mâu lah nâm bu ma ƀon Sêbôim? Play nuih Gâp mpât n'gơ, Nau Gâp yô̆ nđach nâm bu gŭch nâm bu su.

Amôt 7:3

Brah Yêhôva tâm rgâl nau mĭn ma nau kan aơ. Brah Yêhôva lah: “Nau aơ mâu mra tât ôh.”

Amôt 7:6

Brah Yêhôva tâm rgâl nau mĭn ma nau kan aơ. Brah Yêhôva lah: “Nau aơ mâu mra tât ôh.”

Yônais 3:9

Gĭt lah Brah Ndu mra tâm rgâl nau mĭn jêh ri lơi lĕ nau Păng ji nuih gay ăn ma he klaih bơh nau khĭt?”

Sakari 1:16

Yor nây, Brah Yêhôva lah: ‘Gâp mra plơ̆ yô̆ đŏng ma ƀon Yêrusalem. Ngih brah Gâp mra ndâk tay ta ntŭk nĕ, jêh ri rse veh di rnhuan mra nthăng tâm ƀon Yêrusalem.’ Brah Yêhôva ma phung tahan lah.

Nau Kơp Bunuyh 10:36

Tơlah Hip Nau Tâm Rnglăp gŭ rlu, Y-Môis lah pô aơ: “Ơ Brah Yêhôva, plơ̆ sĭt hom Ndrel âk ngăn phung ƀon lan Israel!”

Nau Vay Nkah Tay 32:36

Ƀiălah tơlah Brah Yêhôva saơ n'hâm suan dăng bơh phung ƀon lan păng huănh hươi jêh, Bunuyh dĭk bu, nơm kon me lĕ roh jêh, Pôri Păng mra phat dôih tâm nau sŏng ma khân păng Jêh ri geh nau yô̆ ma phung oh mon Păng.