Nau Mprơ Ơm 90:12 - Nau Brah Ndu Ngơi 2023

¹² Dăn May sâm nti hom hên blau kơp lĕ nar hên Gay ma nuih n'hâm hên geh nau blau mĭn.

Nau Mprơ Ơm 90:12 ပူးပေါင်းရင်းမြစ်များ

Ndrom Samƀŭt bơh Yôp 28:28

Jêh nây Păng lah ma kon bunuyh: ‘Klach yơk ma Kôranh Brah, nây jêng nau blau mĭn; Der lĕ nau mhĭk, nây jêng nau gĭt rbăng.’ ”

Nau Mprơ Ơm 39:4

Ơ Brah Yêhôva, ăn gâp gĭt nau gâp nglĕ dŭt tâm nau rêh gâp Jêh ri mrô ăp nar gâp mâm jêng; Ăn gâp gĭt nau rêh gâp n'hơ ngăn!

Nau Mprơ Ơm 39:5

Aơ May ăn nar khay gâp jong tâm ban ma mpang ti, Jêh ri nau rêh gâp jêng dơm dam tanăp May; Di yơh, ăp nơm bunuyh nđâp lah gŭ nâp knŏng tâm ban ma nsôr n'hâm. (Sêla)

Nau Hôr 16:16

Dơi geh nau blau mĭn, khlay lơn ma mah chrêk! Dơi geh nau gĭt rbăng, khlay lơn ma prăk!

Nau Hôr 22:17

Rkêng tôr iăt hom nau bunuyh blau mĭn ngơi, Mĭn rvê hom tâm nau blau mĭn gâp.

Nau Hôr 23:12

Ăn gơih hom lĕ nuih n'hâm ma nau ntĭm nti, Jêh ri rkêng tôr iăt lĕ nau blau mĭn âk.

Nau Hôr 23:23

Rvăt hom nau ngăn, nau blau mĭn, nau ntĭm nti, jêh ri nau gĭt rbăng, Lơi ta tăch lơi ôh!

Nau Hôr 4:5

Joi hom nau blau mĭn jêh ri nau gĭt rbăng, Lơi ta chuêl jêh ri lơi chalơi ôh lĕ nau bơh bâr mbung gâp;

Nau Hôr 4:7

Nau blau mĭn jêng du ntil nau khlay rlau lơn, joi hom nau blau mĭn; Dŏng hom ma lĕ ndơ may geh gay rvăt nau gĭt rbăng.

Nơm Nti 7:2

Hăn tât ngih ndrê klâng Ueh lơn tât ma ngih nhêt sa, Yorlah nau nây jêng ntŭk nglĕ dŭt ma lĕ rngôch bunuyh, Jêh ri bunuyh rêh ăn nuih n'hâm klâng rvê.

Nơm Nti 9:10

Lĕ kan ti may dơi ƀư, ƀư hom lĕ nau ktang may; yorlah tâm ƀon phung khĭt, jêng ntŭk dôl may hăn tât, mâu geh nau kan, nau nchră, nau gĭt rbăng mâu lah jêng nau blau mĭn.

Yôhan 9:4

Nôk trôk hôm ang, ăn he ƀư hom lĕ kan ma Nơm hŏ njuăl Gâp; măng tât, mâu hôm geh bunuyh dơi pah kan ôh.

Nau Vay Nkah Tay 32:29

Tơlah nau blau mĭn khân păng mra gĭt rbăng nau aơ, Jêh ri gĭt vât tât dăch dŭt mâm khân păng mra jêng pakơi taơ.