Nau Mprơ Ơm 90:10 - Nau Brah Ndu Ngơi 2023

¹⁰ Nar năm hên gŭ rêh dơi tât pơh jât năm, Tơlah dăng ktang jêng tât pham jât năm, Ƀiălah nau sưr păng knŏng sŏk dơn nau hŏt rơah jêh ri nau rngot, Yorlah nau rêh păng rgăn ngăch, jêh nây hên mpăr du roh.

Nau Mprơ Ơm 90:10 ပူးပေါင်းရင်းမြစ်များ

Nau Ntơm 47:9

Y-Yakôb plơ̆ lah ma Pharaôn: “Dĭng lĕ năm nau rêh gâp ta neh ntu geh du rhiăng pe jât năm. Lĕ năm gâp dơi rêh jê̆ lê̆ jêh ri hŏt rgănh, jêh ri mâu ban ôh nau rêh bơh chô yau gâp ta neh ntu.”

Nau Ntơm 6:3

Brah Yêhôva lah: “Huêng Brah Gâp mâu mra gŭ mro ôh tâm kon bunuyh yorlah khân păng knŏng jêng nglay săk, nau rêh bunuyh mra hôm e du rhiăng bar jât năm dơm.”

II Samuel 19:35

Nar aơ gâp geh jêh pham jât năm, hôm gĭt vât nau ueh mâu lah nau mhĭk đŏng? Oh mon may kŏ mâu hôm gĭt năl kah mâu lah sât ndô ndơ he sa jêh ri nhêt, mâu hôm geh nau maak lĕ tơlah tăng bu klâu mâu lah bu ur mpât mprơ? Pônây, mâm ƀư oh mon may ƀư tay nau jâk ma hađăch jêng kôranh gâp?

II Samuel 19:36

Oh mon may mra hăn ndrel may tât vah vang mpeh đah ri kơh krong Yurdan. Ƀiălah mâm ƀư hađăch ŭch nkhôm ăn gâp kơt nĕ?

I Phung Hađăch 1:1

Hađăch Đavit hŏ ranh jêh, nđâp lah bu ntâk ăn păng ma âk phôi, păng ăt mâu răm lĕ.

Ndrom Samƀŭt bơh Yôp 14:10

Ƀiălah kon bunuyh khĭt jêh ri lâng mâu mpât, Lah tăch n'hâm ntŭk khân păng tât?

Ndrom Samƀŭt bơh Yôp 20:8

Păng mpăr nâm bu du nau mbơi, mâu geh ôh bunuyh dơi joi tay; Bu ntrŭt lơi nâm bu nau tâm saơ dôl măng.

Ndrom Samƀŭt bơh Yôp 24:24

Khân păng geh nau bu n'hao knŏng ƀât lât dơm jêh nây roh hêng; Khân păng mra nhop kro jêh nây chah rai nâm bu gơ̆, Jêh ri bu rek nâm bu nkong ba.

Ndrom Samƀŭt bơh Yôp 5:7

Ƀiălah bunuyh deh gay dơn nau rêh ni Nâm bu mprănh ŭnh mpăr hao klơ trôk.

Nau Mprơ Ơm 78:39

Păng kah gĭt pô aơ khân păng knŏng jêng nglay săk, Du n'hâm ƀât lât rgăn, mâu plơ̆ tay ôh.

Êsai 38:12

Bu rôk lơi ntŭk ngih gâp gŭ, jêh ri trơn păng ngai tă bơh gâp Tâm ban ma ngih bok phung rmăk biăp. Gâp klôn lơi nau rêh gâp tâm ban ma nơm tanh klôn bok; Kôranh Brah koh lơi gâp tă bơh ndơ dŏng tanh; Ơm ôi hôm tât măng roh, Kôranh Brah nglĕ dŭt nau rêh gâp!

Kan Lêvi 27:7

Phung bu ranh ntơm bơh prao jât năm leo klơ, ăn khân may veh rnoh klăp lah du rhiăng pơh jât gram prăk ma du huê bu klâu jêh ri du rhiăng jât mprăm gram ma du huê bu ur.

Luka 12:20

Ƀiălah Brah Ndu lah ma păng: ‘Hơi bunuyh rluk! Tâm măng aơ mra sŏk huêng may; kơt nây, drăp ndơ may prăp nkrem jêh mra jêng ndơ ma mbu moh?’

Nau Vay Nkah Tay 34:7

Y-Môis geh du rhiăng bar jât năm nôk păng khĭt, ƀiălah măt păng mâu ngo ôh, n'hâm suan păng mâu djoh đŏng.

Yakơ 4:14

Ƀiălah khân may mâu gĭt ôh moh nau mra tât ma nar ôi taơ, moh nau rêh khân may jêng? Yorlah khân may jêng knŏng nâm bu n'hôl dak, tâm mpơl tâm ƀât lât jêh ri roh hêng.

Yôsuê 14:11

Nar aơ gâp hôm e ngăch dăng tâm ban nâm nar Y-Môis prơh gâp hăn; gâp ăt hôm suan tâm ban nar kăle gay hăn tâm lơh, mâu lah hăn luh lăp.