Nau Mprơ Ơm 9:5 - Nau Brah Ndu Ngơi 2023

⁵ Kôranh Brah hŏ nduyh jêh lĕ bri dak, ƀư rai phung mhĭk, Lâm lĕ n'ho ro amoh khân păng.

Nau Mprơ Ơm 9:5 ပူးပေါင်းရင်းမြစ်များ

II Samuel 17:23

Tơlah Y-Ahitôpel saơ bu mâu ƀư tĭng nau nchră păng, păng dăp ưn seh bri păng hăn trong plơ̆ sĭt ma ngih păng tâm ƀon păng nơm. Jêh păng ƀư lôch lĕ kan ma ngih vâl păng, păng nkhĭt săk nơm. Bu tâp păng tâm môch mbơ̆ păng.

Nau Mprơ Ơm 149:7

Gay plơng bôk ma phung mpôl băl, Tâm rmal phung ƀon lan,

Nau Mprơ Ơm 2:1

Mâm ƀư lĕ bri dak geh nau uh ah? Jêh ri lĕ phung ƀon lan mĭn ŭch nau dơm dam?

Nau Mprơ Ơm 5:6

Kôranh Brah ƀư rai lơi phung ngơi mƀruh; Brah Yêhôva uănh ji ngăn phung ji hir mham jêh ri phung ƀư nau ndơm.

Nau Mprơ Ơm 7:12

Tơlah du huê bunuyh mâu rmal ôh nau tih, pôri Brah Ndu mra tôl đao; Păng van na gŭ kâp.

Nau Mprơ Ơm 78:55

Brah Ndu mprơh lĕ phung bu năch bơh nklang khân păng; Tâm nchroh tâm pă neh ƀư drăp ndơn, Njŭn phung mpôl băl Israel gŭ tâm ngih bok phung nây.

Nau Mprơ Ơm 79:10

Mâm ƀư phung mpôl băl lah pô aơ: “Mbah ntŭk Brah Ndu khân păng?” Ăn nau har plơng yor mham phung oh mon May hŏ nkhŭt jêh Dơi ƀư nklang phung ƀon lan tanăp hên.

Nau Hôr 10:7

Nau ndray ma bunuyh sŏng srăng geh nau tâm rnê, Bi amoh phung djơh mhĭk mra ôm rai.

Nau Hôr 13:9

Nau ang phung sŏng srăng troh nau maak, Ƀiălah ŭnh kađen bơh phung ƀai gơnh geh nau nhhât.

Yêrêmi 49:38

Brah Yêhôva lah: “Gâp mra ndâk sưng hađăch Gâp tâm bri Êlam, mra ƀư rai hađăch jêh ri phung kôranh khân păng.

Nau Nhĭm Vơl 3:58

Ơ Kôranh Brah, May hŏ koh dŏng jêh nau di ăn ma gâp, Tâm chuai nau rêh gâp.

Malachi 4:3

Khân may mra jot phung djơh mhĭk, yorlah khân păng mra jêng buh tâm dâng mpang jâng khân may ta nar Gâp ƀư.” Brah Yêhôva ma phung tahan lah pônây.

Nau Vay Nkah Tay 9:14

Lơi ta mpăng Gâp ôh, Gâp mra ƀư rai khân păng jêh ri jut lơi amoh khân păng bơh neh ntu aơ. Ƀiălah Gâp mra ƀư ma may dơi jêng du ndŭl mpôl dăng lơn jêh ri âk lơn ma khân păng.’

Nau Tâm Mpơl 19:15

Tă bơh trôm mbung Păng geh du mlâm đao hơr ngăn gay ma dong lĕ bri dak; Păng mra chiă uănh khân păng ma du mlâm mâng jra loih. Păng mra jot mpet thŭng play krăk ƀâu ma nau ji nuih Brah Ndu Geh Lĕ Nau Brah.

I Samuel 25:32

Y-Đavit lah ma H'Abigêl: “Tâm rnê ngăn ma Yêhôva Brah Ndu phung Israel, yorlah nar aơ Păng prơh hăn jêh ay hăn tât tâm mâp đah gâp!

I Samuel 25:39

Tơlah Y-Đavit gĭt ma Y-Nabal lĕ khĭt jêh, păng lah: “Tâm rnê ngăn ma Brah Yêhôva, yorlah Păng hŏ koh dŏng jêh gâp ma nau Y-Nabal ƀư bêk prêng ma gâp, jêh ri mât mray jêh oh mon Păng tă bơh nau ƀư mhĭk! Brah Yêhôva ƀư ăn jêh ma nau djơh mhĭk Y-Nabal nkhŭt tay klơ bôk păng nơm!” Jêh nau nây, Y-Đavit prơh bunuyh hăn ôp H'Abigêl gay ăn păng jêng ur păng.

I Samuel 31:4

Y-Sôl lah ma nơm djôt ndơ tâm lơh păng: “Tŏk hom đao may jêh ri ntâp gâp, klach lah phung mâu koh ntâu aơ văch tât ntâp gâp jêh ri ƀư bêk prêng gâp.” Ƀiălah nơm djôt ndơ tâm lơh mâu nănh ƀư ôh yorlah klach ngăn. Yor ri, Y-Sôl sŏk đao jêh ri kŭnh tom tra ntang ntơh sân đah đao nây.