Nau Mprơ Ơm 9:20 - Nau Brah Ndu Ngơi 2023

²⁰ Ơ Brah Yêhôva; ƀư ăn khân păng klach krit. Ăn phung ƀon lan gĭt khân păng jêng knŏng bunuyh nglay săk. (Sêla)

Nau Mprơ Ơm 9:20 ပူးပေါင်းရင်းမြစ်များ

II Nau Rêh Jêng 14:10

Y-Asa jă hăn tâm lơh jêh ri nkrĭp dăp tahan tâm rlŭng Sêphatha dăch ta Marêsa.

Nau Mprơ Ơm 3:8

Nau tâm rklaih jêng Brah Yêhôva. Dăn Kôranh Brah ăn nau ueh uĭn ma phung ƀon lan May! (Sêla)

Nau Mprơ Ơm 62:9

Nanê̆ phung bu mâu yơk knŏng jêng nsôr n'hâm dơm, Phung bu yơk knŏng nau dơm dam; Djôt dơm ta klơ njing, khân păng n'gơch tâm ban rsau. Lĕ rngôch n'gơch lơn tâm ban ma n'hâm.

Nau Mprơ Ơm 76:12

Păng nkhĭt lơi nau sưr phung kôranh chiă uănh; Phung hađăch ta neh ntu klach ma Păng.

Nau Ngluh Êjipt 15:16

Nau klach jêh ri nau krit tât ma khân păng; Ơ Brah Yêhôva! Yor ti nau brah May, Khân păng jêng mlo nâm bu lŭ, kŏ tât phung ƀon lan May rgăn jêh; Kŏ tât phung ƀon lan May sâm chuai rgăn lăn jêh.

Nau Ngluh Êjipt 23:27

Gâp mra ăn nau klach krit jêh ri ƀư uh ah ma mbu phung ƀon lan ntŭk may bơi tât. Gâp mra ăn phung rlăng may nchuăt du bơh tra năp măt may.

Êsai 31:3

Phung Êjipt knŏng jêng bunuyh dơm, mâu di jêng Brah Ndu ôh; Seh ndơ tâm lơh khân păng knŏng jêng nglay săk, mâu di jêng huêng brah ôh. Tơlah Brah Yêhôva yơr ti Păng, Nơm kơl mra ndĭt ndĭu, nơm geh nau kơl mra prah jŭr, Lĕ rngôch khân păng mra rai yot ndrel n'grŭp.

Yêrêmi 32:40

Gâp mra ndâk ma khân păng du nau tâm rnglăp n'ho ro: Gâp mâu chalơi khân păng ôh jêh ri mâu rlu ăn nau ueh ma khân păng. Gâp mra dơm nau klach yơk ma Gâp tâm nuih n'hâm khân păng gay ma khân păng mâu chalơi Gâp đŏng ôh.

Êsêkiêl 28:2

“Hơi kon bunuyh, lah hom ma hađăch Tyre pô aơ: Kôranh Brah Yêhôva lah: ‘Yorlah nuih n'hâm may sưr ngăn, May lah pô aơ: “Gâp jêng du huê brah, Gâp gŭ ta sưng hađăch lĕ brah, Ta nklang dak mƀŭt.” Ƀiălah may knŏng jêng bunuyh mâu di jêng brah ôh, Nđâp tơlah n'hao êng nuih n'hâm may nơm Tâm ban ma nuih n'hâm brah kloh ueh.

Êsêkiêl 28:9

Tanăp phung nkhĭt may, May dơi janh lah pô aơ lĕ “gâp jêng brah”? Dôl may gŭ tâm ti phung ƀư rmanh may Pôri may jêng bunuyh đŏng mâu di hĕ jêng brah.

Êsêkiêl 30:13

Brah Yêhôva lah: ‘Gâp mra ƀư rai lơi lĕ rup brah. Jêh ri nchah lơi lĕ brah bơh ƀon Nôp. Tâm n'gor bri Êjipt mâu mra hôm geh hađăch đŏng ôh, Jêh ri Gâp mra srih nau klach tâm n'gor bri Êjipt.

Nau Vay Nkah Tay 2:25

Nar aơ Gâp ntơm ƀư ma lĕ phung ƀon lan tâm neh ntu aơ mra krit jêh ri klach ma khân may. Lah tăng nau bu nkoch bri ma khân may, lĕ phung ƀon lan nây mra râm sâr jêh ri krit tanăp măt khân may.’”