Nau Mprơ Ơm 9:2 - Nau Brah Ndu Ngơi 2023

² Ơ Nơm Dŭt Prêh, Gâp mra hâk maak jêh ri răm rhơn tâm May; Gâp mra mprơ tâm rnê ma amoh May.

Nau Mprơ Ơm 9:2 ပူးပေါင်းရင်းမြစ်များ

Nau Mprơ Ơm 138:1

Gâp mra tâm rnê lah ueh ma May ma lĕ nuih n'hâm, Mprơ nau tâm rnê ma May tanăp phung brah.

Nau Mprơ Ơm 26:7

Gay ma bâr huy tâm rnê Jêh ri nkoch tay lĕ nau kan khlay Kôranh Brah.

Nau Mprơ Ơm 27:6

Aƀaơ gâp mra n'gơr bôk Prêh lơn lĕ phung rlăng nchueng jŭm gâp; Tâm ngih bok Păng, Gâp mra nhhơr ndơ ƀư brah ma bâr mprơ răm maak; Gâp mra mprơ maak jêh ri tâm rnê ma Brah Yêhôva.

Nau Mprơ Ơm 28:7

Brah Yêhôva jêng nau ktang jêh ri jêng khêl gâp; Nuih n'hâm gâp rnơm nsing ma Păng jêh ri gâp dơi geh nau kơl. Yor ri, nuih n'hâm gâp răm maak ngăn; Gâp mra sŏk nau mprơ tâm rnê ma Păng.

Nau Mprơ Ơm 43:4

Rnôk nây gâp mra tât ta nơng Brah Ndu, Tât ma Brah Ndu jêng nau răm maak gâp n'ho ro: Ơ Kôranh Brah jêng Brah Ndu gâp, Gâp mra sŏk gong rêng mprơ tâm rnê May.

Nau Mprơ Ơm 5:11

Ăn ma lĕ rngôch phung rnơm nơm ma Kôranh Brah dơi gŭ maak, Troh bâr răm maak ƀaƀơ, Yorlah Kôranh Brah king n'gang lĕ bunuyh nây. Bunuyh rŏng ma amoh Kôranh Brah mra geh nau răm maak đŏng tâm May.

Nau Mprơ Ơm 7:17

Gâp mra nsĭt lah ma Brah Yêhôva ma nau sŏng srăng Păng, Gâp mra mprơ tâm rnê ma amoh Brah Yêhôva jêng Nơm Dŭt Prêh.

Nau Mprơ Ơm 83:18

Gay ma khân păng gĭt pô aơ jêng knŏng du huê May Nơm yơh, Amoh May jêng Brah Yêhôva, Jêng Nơm Dŭt Prêh chiă uănh tâm lam neh ntu.

Nau Mprơ Ơm 86:12

Ơ Kôranh Brah jêng Brah Ndu gâp, ma lĕ nuih n'hâm gâp mprơ tâm rnê May, Mât ton amoh May mro mrăng.

Nau Mprơ Ơm 92:1

Ơ Nơm Dŭt Prêh, ueh dŭt n'hâm ngăn tơlah mprơ tâm rnê Brah Yêhôva Jêh ri tâm rnê ma amoh May;

Nau Mprơ Ơm 92:4

Ơ Brah Yêhôva, May ƀư maak jêh ma gâp yor kan May; Jêh ri maak răm ma nau kan bơh ti May.

Nau Mprơ Ơm 96:3

Nkoch bri nau chrêk rmah Păng ta nklang lĕ bri dak, Mbơh lĕ nau kan khlay Păng ma phung ƀon lan.

Nau Mprơ Ơm 97:12

Ơ phung sŏng srăng, maak hom tâm Brah Yêhôva! Jêh ri tâm rnê lah ueh tâm amoh kloh ueh Păng.

Nau Mprơ Ơm 97:9

Yorlah ơ Brah Yêhôva! May jêng Nơm Dŭt Prêh ma lĕ rngôch neh ntu, May geh nau yơk rlau lơn ma lĕ rngôch brah.

Daniel 5:18

Ơ hađăch, Brah Ndu Nơm Dŭt Prêh ăn jêh ƀon bri hađăch, nau dơi dŭt prêh, nau chrêk rmah, jêh ri nau rnam ăn ma mbơ̆ may jêng Y-Nêbukatnetsar.

Philip 4:4

Răm maak mro hom tâm Kôranh Brah, gâp lah tay đŏng: Răm maak hom!