Nau Mprơ Ơm 9:19 - Nau Brah Ndu Ngơi 2023

¹⁹ Ơ Brah Yêhôva, dâk hôm! Lơi ăn bunuyh tih dơi ôh; Ăn lĕ bri dak dơn nau phat dôih tanăp măt May.

Nau Mprơ Ơm 9:19 ပူးပေါင်းရင်းမြစ်များ

Nau Ntơm 32:28

Bunuyh nây lah: “Săk may mâu hôm mra jêng Y-Yakôb ôh, ƀiălah jêng Y-Israel, yorlah may hŏ tâm nhăt jêh đah Brah Ndu jêh ri đah bu, jêh ri may dơi da dê.”

II Nau Rêh Jêng 14:11

Y-Asa nter vơl ma Yêhôva Brah Ndu păng: “Ơ Brah Yêhôva! Padih Kôranh Brah, mâu geh bunuyh kơl phung ra ai dơi lơh phung dăng. Ơ Yêhôva Brah Ndu hên ơi, dăn kơl hên, yorlah hên rnơm nsing ma May. Ma amoh Kôranh Brah, hên tâm rđâng đah phung tahan âk râk aơ. Ơ Brah Yêhôva ơi! May jêng Brah Ndu hên. Lơi ta ăn kon bunuyh dơi đah Kôranh Brah!”

Nau Mprơ Ơm 10:12

Brah Yêhôva ơi! Dăn dâk hom; Brah Ndu ơi! Dăn yơr hom ti Kôranh Brah; Lơi ta chuêl ôh phung rêh ni.

Nau Mprơ Ơm 149:7

Gay plơng bôk ma phung mpôl băl, Tâm rmal phung ƀon lan,

Nau Mprơ Ơm 3:7

Ơ Brah Yêhôva, dăn tâm rklaih gâp! Ơ Brah Ndu gâp, tâm rklaih hom gâp! Yorlah Kôranh tap ta trô bom lĕ rngôch phung rlăng gâp Jêh ri nkê̆ch pă sêk phung mhĭk.

Nau Mprơ Ơm 44:23

Ơ Kôranh Brah, kah rngăl hom! Mâm ƀư May bê̆ch? Ăn dâk hom, lơi ta chalơi ma hên mro mrăng ôh!

Nau Mprơ Ơm 44:26

Ăn May dâk hom gay ma sâm kơl hên; Tâm chuai hên yor nau nuih n'hâm ueh May.

Nau Mprơ Ơm 7:6

Ơ Brah Yêhôva, dăn dâk hom jêh ri ji nuih; Dăn tâm rdâng đah nau ji nuih ma phung rlăng gâp. Kah rngăl hom jêh ri kơl gâp; May hŏ nal jêh nau phat dôih.

Nau Mprơ Ơm 79:6

Nkhŭt nau May ji nuih ta phung ƀon lan Mâu gĭt May, Jêh ri ta lĕ bri hađăch Mâu kuăl mbơh sơm ma amoh May.

Nau Mprơ Ơm 80:2

Tanăp Êphraim, Benjamin jêh ri Manasê. Dăn ƀư nau brah May Jêh ri văch tâm rklaih hên.

Êsai 51:9

Ơ nting tur Brah Yêhôva Kah rngăl hom, kăl rngăl hom, nsoh hom nau ktang! Kah rngăl hom tâm ban ma rnôk kăl e Tâm ban ma rnôk saơm! Mâu di hĕ May yơh hŏ koh hăch Rahap, Nơm ntâp jêh mpa djơh dak mƀŭt?

Yêrêmi 10:25

Dăn May nkhŭt nau ji nuih ta klơ lĕ bri dak mâu gĭt năl May, Jêh ri ta klơ lĕ ndŭl mpôl mâu kuăl amoh May. Yorlah khân păng hŏ rvăn Y-Yakôb, Jêh ri hôm rvăn đŏng; Khân păng ƀư rai lĕ Y-Yakôb, Ƀư ăn ntŭk gŭ păng jêng rngot njăp.

Yôel 3:12

“Lĕ bri dak du dâk hom, hăn hao tâm rlŭng Jôsaphat, Yorlah ta nây jêng ntŭk Gâp mra gŭ phat dôih lĕ rngôch phung mpôl băl bunuyh gŭ jŭm.

Sôphôni 3:8

Yor nây, Brah Yêhôva lah: “Gŭ kâp hom Gâp, Kŏ tât nar Gâp mra dâk mbơh ăn jêng nanê̆; Yorlah Gâp hŏ mĭn jêh tâm rgum lĕ mpôl băl bunuyh Jêh ri plơ̆ rgum tay lĕ bri hađăch, Gay nkhŭt ta khân păng nau ji nuih, Nây jêng lĕ rngôch nau Gâp ji nuih hâu ngăn, Yorlah lĕ rngôch bri dak mra rai lôch. Ma ŭnh nau Gâp ntôn.

Sakari 14:18

Tơlah phung Êjipt mâu hăn hao ôh jêh ri mâu văch yơk mbah tât ta nây pôri dak mih mâu geh ôh ma khân păng, jêh ri khân păng mra dơn nau rêh ni bơh Brah Yêhôva hŏ ƀư gay tâm rmal lĕ bri dak mâu hăn hao râng kah gĭt prăp nau rƀŭn Ngih Ndưp.

Nau Tâm Mpơl 19:15

Tă bơh trôm mbung Păng geh du mlâm đao hơr ngăn gay ma dong lĕ bri dak; Păng mra chiă uănh khân păng ma du mlâm mâng jra loih. Păng mra jot mpet thŭng play krăk ƀâu ma nau ji nuih Brah Ndu Geh Lĕ Nau Brah.

I Samuel 2:9

Păng mra mât mray lĕ nhuat jâng phung gŭ răp jăp đah Păng; Bi ma phung mhĭk djơh Păng mra ƀư rai khân păng tâm ntŭk ngo klĕng; Yorlah bunuyh mâu mra dơi ôh đah nau ktang.