Nau Mprơ Ơm 9:14 - Nau Brah Ndu Ngơi 2023

¹⁴ Gay ma gâp mbơh tay lĕ nau tâm rnê ma Kôranh Brah; Ta mpông ƀon Kon Bu Ur Siôn, Gâp răm maak ma nau May tâm rklaih.

Nau Mprơ Ơm 9:14 ပူးပေါင်းရင်းမြစ်များ

Nau Mprơ Ơm 106:2

Mbu dơi nkoch bri lĕ kan toyh Brah Yêhôva ƀư jêh, Mâu lah lĕ nau mprơ tâm rnê ma Păng?

Nau Mprơ Ơm 13:5

Ƀiălah gâp hŏ rnơm nsing jêh ntŭk nau ueh Kôranh Brah; Ăn nuih n'hâm gâp răm maak ma nau Kôranh Brah tâm rklaih.

Nau Mprơ Ơm 20:5

Hên răm rhơn yorlah dơi rklaih may, Tâm amoh Brah Ndu, hên n'hao prêh n'ha kơ hên. Dăn Brah Yêhôva ƀư dơi jêng lĕ nau hađăch vah vơl.

Nau Mprơ Ơm 21:1

Ơ Brah Yêhôva, hađăch răm maak yor nau ktang May, Yorlah nau May tâm rklaih, păng hâk răm hâu ngăn!

Nau Mprơ Ơm 22:22

Gâp mra mbơh amoh Kôranh Brah ma oh nâu gâp Jêh ri tâm rnê Kôranh Brah tâm nklang phung tâm rƀŭn.

Nau Mprơ Ơm 22:25

Nau gâp tâm rnê gŭ ta nklang phung tâm rƀŭn toyh luh tă bơh Kôranh Brah; Gâp mra ƀư ăn jêh nau gâp ton tanăp phung klach yơk ma Păng.

Nau Mprơ Ơm 35:18

Pôri gâp mra tâm rnê lah ueh ma Kôranh Brah tâm phung rƀŭn toyh. Mprơ tâm rnê tâm nklang phung ƀon lan âk.

Nau Mprơ Ơm 35:9

Huêng gâp mra răm maak tâm Brah Yêhôva, Răm rhơn ngăn nau Păng tâm rklaih.

Nau Mprơ Ơm 42:4

Kăl e gâp hăn ndrel ma băl âk, Leo khân păng tât ta ngih Brah Ndu Geh bâr troh maak jêh ri mprơ tâm rnê, Ta nklang băl âk gŭ tâm rƀŭn. Aƀaơ kah gĭt lĕ nau nây Nuih n'hâm gâp rngot klâng, nuih n'hâm rngot ngăn ngên.

Nau Mprơ Ơm 51:12

Dăn May ƀư tay nau ueh maak nau tâm rklaih ma gâp, Jêh ri sŏk nuih n'hâm nau yô̆ chông n'hao gâp.

Nau Mprơ Ơm 51:15

Ơ Kôranh Brah, pơk hom trôm mbung gâp Jêh ri bâr mbung gâp mra mbơh nau mprơ tâm rnê ma May.

Nau Mprơ Ơm 6:3

Brah Yêhôva ơi! Huêng gâp dŭt hâu uh ah ngăn; Ơ Kôranh Brah, ndah ding njŏ Kôranh Brah ƀư bah ma gâp?

Nau Mprơ Ơm 75:9

Ƀiălah gâp mra mbơh nau nây ƀaƀơ, Mra mprơ tâm rnê lah ueh ma Brah Ndu Yakôb.

Nau Mprơ Ơm 79:13

Bi hên jêng phung ƀon lan May jêh ri jêng phung biăp tâm ndrêch gơ̆ nse May, Hên mra tâm rnê ma May mro mrăng; Ntơm bơh rnôk aơ tât rnôk ri, hên mra mbơh nau mprơ tâm rnê ma May.

Nau Ngluh Êjipt 3:7

Brah Yêhôva lah: “Gâp hŏ saơ nanê̆ ngăn nau rêh ni phung ƀon lan Gâp tâm n'gor Êjipt jêh ri gâp hŏ tăng jêh nau khân păng lŭng nter yor phung kôranh uănh kan khân păng. Di ngăn, Gâp gĭt jêh nau nđêh nji khân păng.

Nau Ngluh Êjipt 3:9

Aơ, nau phung Israel nter lŭng hŏ hao tât ta Gâp; Gâp hŏ saơ nau phung Êjipt tŭn jot khân păng.

Êsai 12:3

Yor ri, khân may mra răm maak bâk dak bơh ntu dak nau tâm rklaih.

Êsai 37:22

aơ, jêng nau Brah Yêhôva hŏ lah ma păng: ‘Bu ur druh ƀon Siôn Tâm rmot ma may, gơm mưch ma may; Kon bu ur ƀon Yêrusalem Rteh bôk pakơi may!

Êsai 62:11

Aơ, Brah Yêhôva mbơh jêh Tât dŭt rplay neh: “Lah hom ma kon bu ur Siôn pô aơ: ‘Aơ, nau tâm rklaih may văch dăch! Păng djôt leo nau nkhôm, Jêh ri ndơ nkhôm hăn lor Păng.’”

Mika 4:13

Pôri hơi kon bu ur ƀon Siôn, Dâk hom jêh ri jot plên! Yorlah Gâp mra ƀư ăn nke ay dăng nâm bu loih Nchop ay nâm bu kông; Ay mra rchiăt hăch âk phung ƀon lan Jêh ri mra nhhơr drăp ndơ geh ăn ma Brah Yêhôva, Jêh ri ndô ndơ ma Kôranh Brah tâm lam neh ntu.”

Habakuk 3:18

Gâp hôm răm maak tâm Brah Yêhôva; Gâp hôm hâk răm tâm Brah Ndu ma nau tâm rklaih gâp.

Luka 1:47

Huêng nuih n'hâm gâp răm rhơn tâm Brah Ndu jêng Nơm Tâm Rklaih gâp,

I Samuel 2:1

Rnôk nây H'Anna mbơh sơm: “Nuih n'hâm gâp hâk răm ngăn tâm Brah Yêhôva, Tă bơh Brah Yêhôva, n'hâm suan gâp dăng ktang. Trôm mbung gâp gơm mưch ma phung rlăng gâp; Yorlah nau May tâm rklaih ƀư ma gâp răm rhơn.