Nau Mprơ Ơm 9:13 - Nau Brah Ndu Ngơi 2023

¹³ Ơ Brah Yêhôva, dăn yô̆ nđach an ma gâp! Dăn treng uănh ma nau rêh ni yor phung rlăng gâp hŏ ƀư jêh; May jêng Nơm chông leo gâp tă bơh mpông pêr nau khĭt,

Nau Mprơ Ơm 9:13 ပူးပေါင်းရင်းမြစ်များ

Nau Ntơm 4:10

Brah Yêhôva ôp: “Moh nau may ƀư pônây? Nteh mham oh may tă bơh neh hŏ nter tât ma Gâp.

Nau Ntơm 4:9

Brah Yêhôva ôp Y-Kain: “Ntŭk gŭ oh may, Y-Abel?” Y-Kain ơh: “Gâp mâu gĭt ôh. Gâp hĕ jêng bunuyh mât oh gâp?”

I Phung Hađăch 21:19

Ăn may lah ma Y-Ahap pô aơ: ‘Brah Yêhôva lah: Mâu di hĕ may hŏ nkhĭt bunuyh, jêh nây pit rvan drăp ndơn păng?’ Ăn may lah tay: ‘Brah Yêhôva lah: Ta ntŭk so hŏ ler jêh mham Y-Nabôt, so mra ler mham may nơm đŏng.’”

II Phung Hađăch 9:26

‘Brah Yêhôva lah: Nanê̆ ngăn, yorlah nđaơ Gâp hŏ saơ jêh mham Y-Nabôt jêh ri phung kon bu klâu păng pling mham, pôri Gâp mra nhŭp may mplơ̆ hom nau tih ƀư nkhŭt mham ta mir nây.’ Brah Yêhôva phat dôih kơt nĕ. Pôri aƀaơ djôt leo hom săk jăn păng mƀăr lơi tâm mir nây, di nâm Brah Yêhôva ngơi jêh.”

II Nau Rêh Jêng 24:22

Pônây, hađăch Jôas mâu knŏng chuêl jêh nau yô̆ Y-Jêhôida, mbơ̆ Y-Sakari, hŏ ƀư jêh ma păng, ƀiălah hôm nkhĭt đŏng kon bu klâu păng. Nôk dăch khĭt, Y-Sakari lah: “Dăn Brah Yêhôva sek uănh jêh ri plơng bôk!”

Nêhêmi 9:32

Pôri aƀaơ, hơi Brah Ndu hên, jêng Brah Ndu dŭt toyh, nơm brah, geh nau klach yơk, Djôt prăp nau tâm rnglăp jêh ri nuih n'hâm ueh, Dăn lơi uănh n'gơch nau rêh ni hŏ ăn tât ma hên, Ma phung hađăch, ma phung kôranh chiă uănh, ma phung kôranh ƀư brah, ma phung nơm mbơh lor, ma phung chô yau hên, Jêh ri ma lĕ rngôch phung ƀon lan Kôranh Brah tă bơh rnôk phung hađăch Asiri kŏ tât ta nar aơ.

Nau Mprơ Ơm 10:12

Brah Yêhôva ơi! Dăn dâk hom; Brah Ndu ơi! Dăn yơr hom ti Kôranh Brah; Lơi ta chuêl ôh phung rêh ni.

Nau Mprơ Ơm 107:18

Khân păng tâm rmot ngăn ma lĕ ndơ sông sa, Jêh ri hăn dăch ta mpông pêr nau khĭt.

Nau Mprơ Ơm 119:132

Dăn May n'gĭl uănh jêh ri yô̆ nđach ma gâp, Tĭng nâm nau May vay ƀư đah phung rŏng ma amoh May.

Nau Mprơ Ơm 119:153

Dăn May mêt uănh ma nau rêh ni gâp jêh ri rklaih gâp, Yorlah gâp mâu chuêl ôh nau vay May.

Nau Mprơ Ơm 12:6

Nau Brah Yêhôva ton jêng nau ngơi kloh, Nâm bu prăk bu hŏ rlong jêh tâm ŭnh năk ma neh bŏk, Ƀư kloh tât pơh tơ̆.

Nau Mprơ Ơm 13:3

Ơ Brah Yêhôva Brah Ndu gâp, sek uănh hom jêh ri plơ̆ lah ma gâp. Ăn măt gâp dơi ang, klach lah gâp mra bê̆ch tâm nau khĭt!

Nau Mprơ Ơm 142:6

Dăn May iăt nau gâp nter, Yor gâp jêng rêh ni ngăn ngên. Sâm rklaih an gâp bơh phung ƀư mhĭk đah gâp Yor khân păng ktang lơn ma gâp.

Nau Mprơ Ơm 25:19

Uănh hom ma phung rlăng đah gâp văch dŭt âk ngăn; Khân păng tâm rmot ma gâp, văch janh ƀai hâu ngăn!

Nau Mprơ Ơm 30:3

Ơ Brah Yêhôva, May hŏ djôt leo jêh huêng gâp tă bơh ƀon phung khĭt. Jêh ri mât mơh nau rêh gâp gay gâp mâu jŭr tâm môch.

Nau Mprơ Ơm 38:19

Ƀiălah phung rlăng gâp hôm gŭ rêh jêh ri ktang, Phung tâm rmot ma gâp mâu geh nau âk đŏng.

Nau Mprơ Ơm 51:1

Ơ Brah Ndu! Dăn yô̆ nđach ma gâp Tĭng nuih n'hâm ueh May; Dăn jut lơi lĕ nau gâp ƀư tih Tĭng nâm nau yô̆ toyh May.

Nau Mprơ Ơm 56:13

Yorlah May tâm rklaih jêh gâp bơh khĭt, Jêh ri kuăn jâng gâp bơh chêh prah, Gay ma gâp hăn tanăp măt Brah Ndu Tâm nau ang ma nau rêh.

Nau Mprơ Ơm 86:13

Yorlah nuih n'hâm ueh May toyh ngăn ma gâp; May tâm rklaih jêh huêng gâp bơh brŏng jru ƀon phung khĭt.

Êsai 38:10

Gâp hŏ lah jêh: “Ta nklang rnôk gâp gŭ rêh, Ăn gâp hăn du; Lĕ năm hôm e ma nau rêh gâp, Gâp roh ta mpông ƀon phung khĭt!”

Nau Nhĭm Vơl 1:11

Lĕ rngôch phung ƀon lan păng n'ho hăn dăn ƀănh sa N'ho ma vah vơl; Rgâl lĕ rngôch jay prăp drăp ndơ khlay gay geh ndơ sông sa Gay ƀư ăn mpay ma huêng khân păng. “Ơ Brah Yêhôva dăn uănh hom, Yorlah prêng ngăn ma gâp!”

Nau Nhĭm Vơl 1:9

Nau ƀơ̆ ƀơch păng krêp tâm nah bŭt păng; Păng mâu mĭn ôh ma nar kăndơ̆; Păng lĕ tŭp jêng mha ngăn Mâu geh nơm bonh leng păng ôh! “Ơ Brah Yêhôva, uănh hom ma nau rêh ni gâp, Yorlah phung rlăng hŏ yơk n'hao êng păng nơm!”

Yôhan 2:6

Ta nây geh prao mlâm yăng ƀư ma lŭ, dŏng tâm nau ƀư kloh tĭng nau vay phung Yuđa, ăp yăng dơi prăp bar, pe thŭng dak.