Nau Mprơ Ơm 9:1 - Nau Brah Ndu Ngơi 2023

¹ Gâp mra tâm rnê lah ueh Brah Yêhôva ma lĕ nuih n'hâm; Gâp mra nkoch tay lĕ kan khlay Păng.

Nau Mprơ Ơm 9:1 ပူးပေါင်းရင်းမြစ်များ

I Nau Rêh Jêng 16:12

Kah gĭt tay hom lĕ nau kan khlay Păng hŏ ƀư, Lĕ nau mbên jêh ri nau phat dôih bơh bâr mbung Păng,

I Nau Rêh Jêng 16:24

Nkoch tay hom nau chrêk rmah Păng ta nklang lĕ bri dak, Mbơh lĕ nau kan hih rhâl Păng ƀư jêh ma lĕ rngôch phung ƀon lan!

Nau Mprơ Ơm 106:2

Mbu dơi nkoch bri lĕ kan toyh Brah Yêhôva ƀư jêh, Mâu lah lĕ nau mprơ tâm rnê ma Păng?

Nau Mprơ Ơm 111:1

Halêluya! Gâp mra tâm rnê ma Brah Yêhôva, ma lĕ nuih n'hâm, Tâm phung sŏng jêh ri ta klang phung tâm rƀŭn.

Nau Mprơ Ơm 138:1

Gâp mra tâm rnê lah ueh ma May ma lĕ nuih n'hâm, Mprơ nau tâm rnê ma May tanăp phung brah.

Nau Mprơ Ơm 26:7

Gay ma bâr huy tâm rnê Jêh ri nkoch tay lĕ nau kan khlay Kôranh Brah.

Nau Mprơ Ơm 51:15

Ơ Kôranh Brah, pơk hom trôm mbung gâp Jêh ri bâr mbung gâp mra mbơh nau mprơ tâm rnê ma May.

Nau Mprơ Ơm 7:17

Gâp mra nsĭt lah ma Brah Yêhôva ma nau sŏng srăng Păng, Gâp mra mprơ tâm rnê ma amoh Brah Yêhôva jêng Nơm Dŭt Prêh.

Nau Mprơ Ơm 86:12

Ơ Kôranh Brah jêng Brah Ndu gâp, ma lĕ nuih n'hâm gâp mprơ tâm rnê May, Mât ton amoh May mro mrăng.

Nau Mprơ Ơm 9:14

Gay ma gâp mbơh tay lĕ nau tâm rnê ma Kôranh Brah; Ta mpông ƀon Kon Bu Ur Siôn, Gâp răm maak ma nau May tâm rklaih.

Êsai 12:1

Tâm nar nây, may mra lah pô aơ: “Ơ Brah Yêhôva, gâp mra tâm rnê lah ueh ma May, Nđâp tơlah May hŏ ji nuih jêh ma gâp, Ƀiălah nau May ji nuih lĕ bah jêh, Jêh ri May lŏ bonh leng jêh gâp.

Êsai 43:21

Gâp hŏ njêng phung ƀon lan aơ ma Gâp, Khân păng mra mprơ nau tâm rnê ma Gâp.

Êsai 60:6

Âk râk seh samô mra nkŭm bri neh may, Nđâp ma kon seh samô bơh bri Madian jêh ri bri Êpha; Lĕ rngôch phung bơh Sêba mra văch. Khân păng djôt leo mah jêh ri ndơ ƀâu kah, Jêh ri mra nhhơr nau mprơ tâm rnê ma Brah Yêhôva.

Luka 10:27

Bunuyh nây ơh: “Ăn may lĕ nuih n'hâm, ma lĕ huêng, ma lĕ n'hâm suan, lĕ nau mĭn; yơk rŏng Brah jêng Kôranh Brah Ndu may; jêh ri rŏng ma phung chiau meng may tâm ban ma may nơm lĕ.”

ហេឞ្រើ 13:15

Pôri, yor ma Brah Yêsu, he nhhơr mpa ƀư brah ƀaƀơ ma nau tâm rnê ma Brah Ndu, nâm bu ntĭt kao play bơh trôm mbung he mbơh amoh Păng.

Nau Tâm Mpơl 15:3

Khân păng mprơ nau mprơ Y-Môis, oh mon Brah Ndu, jêh ri nau mprơ Kon Biăp pô aơ: “Ơ Kôranh Brah Ndu Geh Lĕ Nau Brah! Kan May dŭt toyh jêh ri khlay ngăn! Ơ Hađăch lĕ rngôch rnôk n'ho ro, Trong May jêng sŏng srăng jêh ri nanê̆ ngăn!