Nau Mprơ Ơm 89:12 - Nau Brah Ndu Ngơi 2023

¹² Mpeh pa lơ, mpeh pa dâng rhăk njêng ăt tă bơh May; Tabor jêh ri yôk Hermôn hâk răm tâm amoh May.

Nau Mprơ Ơm 89:12 ပူးပေါင်းရင်းမြစ်များ

Ndrom Samƀŭt bơh Yôp 26:7

Kôranh Brah lăk bri mpeh pa lơ tâm nkual ntŭk nsoih, Yông rplay neh ta ntŭk hŏng tâm trôk.

Nau Mprơ Ơm 115:16

Lĕ ndâr trôk jêng ndơ Brah Yêhôva, Ƀiălah Păng ăn neh ntu ma phung kon bunuyh.

Nau Mprơ Ơm 133:3

Păng jêng nâm bu dak ngom ta yôk Hermôn, Jŭr ta phung yôk Siôn. Yorlah ta nây Brah Yêhôva ăn jêh nau ueh uĭn Jêng nau rêh kŏ tât n'ho ro.

Nau Mprơ Ơm 24:1

Neh jêh ri lĕ rngôch ndơ ta klơ neh, Neh ntu jêh ri lĕ bunuyh gŭ tâm nây jêng ndơ Brah Yêhôva da dê.

Nau Mprơ Ơm 24:2

Yorlah Păng yơh ndâk rplay neh ta klơ dak rlai, Jêh ri dơm mbon păng ta klơ lĕ n'hor dak.

Nau Mprơ Ơm 98:8

Ăn lĕ dak krong tap ti, Lĕ rngôch yôk mprơ maak ndrel tanăp Brah Yêhôva!

Êsai 49:13

Ơ lĕ ndâr trôk, troh nter hom! Ơ neh ntu, răm maak hom! Ơ yôk, nter troh mprơ hom! Yorlah Brah Yêhôva hŏ bonh leng jêh phung ƀon lan Păng, Jêh ri yô̆ nđach ma phung rêh ni.”

Yêrêmi 46:18

Hađăch, amoh Păng jêng Brah Yêhôva ma phung tahan, lah: “Tĭng nâm Gâp gŭ rêh mro mrăng, Nơm rlăng mra tât Nâm bu yôk Tabor ta nklang ma lĕ gôl yôk êng, Nâm bu yôk Karmel ntoh tâm dak mƀŭt.

Yôsuê 12:1

Aơ jêng phung hađăch tâm n'gor phung Israel lơh jêh, jêh ri pit sŏk n'gor khân păng ta đah ri dak krong Yurdan, mpeh luh nar, bơh rlŭng Arnôn tât ma Hermôn, jêh ri lĕ neh lâng mpeh luh nar:

Yôsuê 19:22

N'har bri aơ mâp ma Tabor, Sahasuma, jêh ri Bet-Sêmes, jêh nây n'har lôch ta dak krong Yurdan. Lĕ rngôch jêng jât ma prao rplay ƀon ndrel ma lĕ ƀon jê̆ khân păng.

Phung Kôranh Phat Dôih 4:12

Geh nơm mbơh ma Y-Sisêra gĭt pô aơ Y-Barak, kon bu klâu Y-Abinôam, hăn hao jêh êp yôk Tabor.

Phung Kôranh Phat Dôih 4:6

Păng prơh bu kuăl Y-Barak, kon bu klâu Y-Abinôam, bơh Kêdês, tâm n'gor Naptali tât jêh ri lah ma păng pô aơ: “Yêhôva Brah Ndu phung Israel hŏ ntĭnh ma may: ‘Hăn hom, djôt leo jât rbăn bunuyh bơh phung kon sau Naptali jêh ri phung Sabulôn jêh ri dăp tâm lơh ta klơ yôk Tabor.