Nau Mprơ Ơm 88:4 - Nau Brah Ndu Ngơi 2023

⁴ Bu kơp gâp ndrel ma phung hăn jŭr ntu môch; Gâp jêng nâm bu du huê bu klâu mâu geh nau ktang,

Nau Mprơ Ơm 88:4 ပူးပေါင်းရင်းမြစ်များ

Ndrom Samƀŭt bơh Yôp 17:1

“N'hâm gâp nsôr hŏ roh jêh, lĕ nar gâp hŏ lôch jêh, Môch blang gŭ kâp gâp!

Nau Mprơ Ơm 143:7

Ơ Brah Yêhôva! Gơnh plơ̆ sǐt lah nau gâp dăn! Huêng gâp rgănh huơi. Lơi pôn măt May ma gâp, Klach lah gâp tâm ban ma phung jŭr ta môch.

Nau Mprơ Ơm 28:1

Ơ Brah Yêhôva, gâp kuăl May jêng lŭ toyh ma gâp; Lơi ta nsêt tôr ma gâp. Yorlah tơlah May gŭ rklăk mro đah gâp, Gâp mra jêng tâm ban lĕ phung jŭr tâm môch.

Nau Mprơ Ơm 30:9

“Ƀư pling mham gâp, ƀư ma gâp jŭr tâm môch Pôri geh nau khlay lĕ? Ndruyh neh mra tâm rnê May lĕ? Păng mra dơi mbơh nau răp jăp May lĕ?

Nau Mprơ Ơm 31:12

Tâm nuih n'hâm khân păng chuêl gâp nâm bu du huê bunuyh khĭt jêh. Gâp jêng tâm ban ma du play yăng chah hăch.

Êsai 53:3

Păng jêng Nơm bu tâm rmot jêh ri dun jêh, Lĕ mâp găn nau rêh ni, gĭt năl nau ji. Bu tâm rmot ma Păng tâm ban ma bunuyh bu nkŭm muh măt mâu ŭch uănh; He đŏng mâu uănh khlay ma Păng.

Nau Nhĭm Vơl 3:15

Păng hŏ ăn gâp glŏm bêng ma gơ̆ tăng, Rvăn tơm si tăng dĭl ngăn.

Êsêkiêl 26:20

rnôk nây, Gâp mra ăn may ndrel ma phung hŏ jŭr hăn ma brŏng jru, tât ma phung ƀon lan rnôk kăl e. Gâp mra ăn may gŭ tâm neh ntu tâm dâng, tâm ntŭk rngol ntơm bơh rnôk kăl e ndrel ma phung hŏ jŭr hăn ma brŏng jru gay may mâu hôm geh nuyh gŭ tâm may đŏng ôh, ƀiălah Gâp mra n'gân nau chrêk rmah tâm neh bunuyh hôm gŭ rêh.

Yônais 2:6

Dak văch nkŭm jŭm gâp kŏ tât huêng gâp; Brŏng jru gŭ jŭm gâp puăn mpeh; Mbrĭng dak lĕ put bôk gâp.

Samƀŭt Pôl Njuăl Ăn Ma Phung Nsing Ta Ƀon Rôm 5:6

Dôl he hôm jêng rdja Brah Krist khĭt jêh ma phung geh nau tih tĭng nâm rnôk tâm nal jêh.

II Kôrintô 1:9

Hên mĭn nâm bu hên nơm sŏk dơn jêh nau rmal nkhĭt; ƀiălah nau aơ ƀư ăn hên mâu hôm rnơm ma hên nơm ôh, ƀiălah rnơm nsing ma Brah Ndu, Nơm ƀư ăn bunuyh khĭt dâk rêh tay.

II Kôrintô 13:4

Nđâp tơlah bu pâng Păng ta si tâm rkăng tâm nau huơi, ƀiălah Păng dôl rêh ma nau brah Brah Ndu. Hên kơt nây đŏng, nđâp tơlah hên huơi tâm Păng, ƀiălah tâm nau brah Brah Ndu hên mra gŭ rêh đah Păng, gay gŭ ngao ma khân may.