Nau Mprơ Ơm 86:9 - Nau Brah Ndu Ngơi 2023

⁹ Lĕ rngôch phung mpôl băl May hŏ rhăk njêng jêh Mra văch yơk mbah tanăp măt May Jêh ri tâm rnê amoh May.

Nau Mprơ Ơm 86:9 ပူးပေါင်းရင်းမြစ်များ

II Nau Rêh Jêng 6:33

dăn ma May gŭ ta klơ trôk, jêng ntŭk gŭ May, rkêng tôr iăt jêh ri ƀư tĭng nâm lĕ rngôch nau bu năch nây kuăl mbơh sơm ma May, gay ma lĕ rngôch phung bunuyh ƀon lan ta neh ntu dơi gĭt năl amoh May, klach yơk ma May nâm bu phung ƀon lan Israel jêng phung ƀon lan May, jêh ri dơi gĭt năl ngih brah aơ gâp ndâk jêh, bu ntơ tâm amoh May.

Nau Mprơ Ơm 102:15

Rnôk aơ mpôl băl bunuyh mra klach yơk ma amoh Brah Yêhôva, Jêh ri lĕ rngôch phung hađăch tâm neh ntu mra klach yơk ma nau chrêk rmah Păng.

Nau Mprơ Ơm 102:18

Nchih hom nau aơ tât tâm rnôk kăndơ̆, Gay du mpôl băl bunuyh kăndơ̆ mra mprơ tâm rnê ma Brah Yêhôva.

Nau Mprơ Ơm 66:4

Lĕ neh ntu mra yơk mbah ma May; Khân păng mprơ tâm rnê ma May, Khân păng mprơ tâm rnê ma amoh May.” (Sêla)

Nau Mprơ Ơm 67:7

Brah Ndu mra ăn nau ueh lăng ma hên Jêh ri lĕ bunuyh gŭ lam rplay neh mra klach yơk ma Păng da dê.

Nau Mprơ Ơm 72:19

Khư mprơ tâm rnê amoh chrêk rmah Păng tât n'ho ro! Ăn lam neh ntu dơi bêng ma nau chrêk rmah Păng! Amen! Amen!

Nau Mprơ Ơm 72:8

Păng mra chiă uănh bơh dak mƀŭt aơ, tât ta dak mƀŭt ri, Bơh Dak Krong kŏ tât dŭt rplay neh.

Êsai 11:9

Khân păng mâu mra ƀư mhĭk, mâu lĕ chôk bu khĭt Tâm lĕ yôk kloh ueh Gâp, Yorlah nau gĭt rbăng Brah Yêhôva mra bêng ler lam neh ntu Nâm bu lĕ n'hong dak nkŭm bêng dak mƀŭt.

Êsai 43:7

Jêng lĕ rngôch mbu nơm bu kuăl ma amoh Gâp, Gâp hŏ rhăk njêng jêh khân may yor nau chrêk rmah Gâp, Gâp hŏ njêng jêh jêh ri hŏ ƀư jêng khân may.”

Êsai 59:19

Bơh mpeh nhâp nar, bu klach yơk ma amoh Brah Yêhôva, Ntơm bơh mpeh luh nar, khân păng yơk mbah ma nau chrêk rmah Păng; Yorlah Păng mra văch tâm ban ma n'hong dak krong hoch thăng, Yor n'hâm nsôr Brah Yêhôva khôm mpruh khân păng.

Êsai 66:23

Brah Yêhôva lah: “Bơh ăp khay mhe aơ tât ma khay mhe êng, Bơh ăp nar saƀat aơ tât ma saƀat ri Lĕ rngôch nglay săk mra văch gay yơk mbah tanăp Gâp.

Sôphôni 3:9

Rnôk nây, Gâp mra rgâl phung ƀon lan, Ƀư kloh trôm mbung, Gay lĕ rngôch kuăl amoh Brah Yêhôva da dê, Du ai pah kan ma Păng ndrel n'grŭp.

Sakari 14:9

Brah Yêhôva mra jêng hađăch ma lam neh ntu. Tâm nar nây, Brah Yêhôva mra jêng Nơm knŏng nguay, jêh ri amoh Păng mra geh knŏng nguay dơm.

Malachi 1:11

Yor ntơm bơh nar luh tât nar nhâp, tâm amoh Gâp jêng dŭt toyh ta nklang tâm lĕ rngôch bri dak. Gŭ lam ntŭk, bu mra nhhơr ndơ ƀâu kah jêh ri nhhơr ndơ ƀư brah kloh ma amoh Gâp, yor amoh Gâp jêng dŭt toyh ta nklang lĕ rngôch bri dak.” Brah Yêhôva ma phung tahan lah pônây.

Samƀŭt Pôl Njuăl Ăn Ma Phung Nsing Ta Ƀon Rôm 11:25

Hơi oh nâu, gâp ŭch ma khân may gĭt rbăng ma nau khlay ndâp aơ, gay ma khân may mâu kơp êng săk khân may nơm jêng blau mĭn, nây jêng: Du kô̆ tâm phung Israel dăng nuih n'hâm gay tât ta rnoh phung bu năch dơi lăp rĭng jêh.

Samƀŭt Pôl Njuăl Ăn Ma Phung Nsing Ta Ƀon Rôm 15:9

jêh ri ƀư ăn phung bu năch tâm rnê Brah Ndu yor nau Păng yô̆ nđach. Tâm ban geh nau nchih: “Yor nây, Gâp mra tâm rnê ma Kôranh Brah ta nklang lĕ rngôch ntil mpôl bunuyh Jêh ri mprơ mât ton ma amoh Păng”

Êphêsô 1:12

gay ma he, jêng phung bunuyh lor lơn kâp gân tâm Brah Krist, tâm rnê ma nau chrêk rmah Păng.

I Pêtrôs 2:9

Ƀiălah khân may jêng phung Brah Ndu săch jêh, jêng phung kôranh ƀư brah ta ngih hađăch, jêng phung mpôl kloh ueh, jêng phung ƀon lan sŏk prăp ma Brah Ndu, gay ma khân may mbơh nkoch nau ueh dŭt toyh Nơm kuăl jêh khân may luh bơh ntŭk ngo, njŭn lăp ntŭk ang khlay Păng.

Nau Tâm Mpơl 11:15

Tông mpăr rơh pơh uh nŭng, geh bâr dŭt nteh ngăn tă bơh ta klơ trôk lah pô aơ: “Ƀon bri hađăch neh ntu jêng ndơ Kôranh Brah he, Jêh ri Brah Krist Păng. Păng mra chiă uănh n'ho ro.”

Nau Tâm Mpơl 15:4

Ơ Kôranh Brah, mbu nơm mâu mra klach yơk Kôranh Brah, Jêh ri mâu tâm rnê amoh may? Yorlah knŏng êng Kôranh Brah jêng kloh ueh. Lĕ rngôch mpôl băl mra văch Yơk mbah tanăp Kôranh Brah, Yorlah lĕ nau sŏng srăng May tâm mpơl jêh.”

Nau Tâm Mpơl 20:3

Tông mpăr klŭp păng jŭr tâm brŏng jru, nchăng mpông brŏng jru jêh ri ndâl tâp pŏng ta klơ mpông, gay ma păng mâu hôm ndơm mƀruh lĕ bri dak, kŏ tât lôch du rbăn năm nây. Pakơi nây, bu mra doh mƀơk Satan luh ƀât lât.