Nau Mprơ Ơm 86:8 - Nau Brah Ndu Ngơi 2023

⁸ Ơ Kôranh Brah! Tâm lĕ rngôch brah mâu geh nơm tâm ban ma May, Mâu geh lĕ nau kan tâm ban ma nau kan May.

Nau Mprơ Ơm 86:8 ပူးပေါင်းရင်းမြစ်များ

II Nau Rêh Jêng 2:4

Nar aơ, gâp ntơm ndâk du mlâm ngih brah ma amoh Yêhôva Brah Ndu gâp, prăp êng ngih brah nây jêng kloh ueh ma Păng, gay gŭch ndơ ƀâu kah panăp Păng, nhhơ piăng let nhhơr ƀaƀơ, nhhơr ndơ ƀư brah gŭch ăp kêng ôi jêh ri kêng mhaơ, tâm nar lĕ saƀat, nar rƀŭn khay mhe, mâu lah lĕ nar rƀŭn Yêhôva Brah Ndu ma hên. Nây jêng lĕ du nau vay rƀŭn n'ho ro ma phung Israel.

Nau Mprơ Ơm 135:5

Gâp gĭt Brah Yêhôva jêng dŭt toyh, Kôranh Brah he ta klơ lơn ma lĕ rngôch brah.

Nau Mprơ Ơm 136:4

Knŏng du huê Păng nơm ƀư lĕ kan khlay dŭt toyh, Yor nuih n'hâm ueh Păng hôm tât ƀaƀơ n'ho ro.

Nau Mprơ Ơm 89:6

Yorlah mbu nơm gŭ ta klơ lĕ ndâr trôk dơi tâm rđĭl ma Brah Yêhôva? Tâm lĕ phung brah, mbu nơm dơi tâm ban ma Brah Yêhôva?

Nau Mprơ Ơm 89:7

Brah Ndu khư ma nau klach yơk tâm phung kloh ueh, Khư klach yơk ngăn rlau lơn ma lĕ rngôch phung gŭ văr jŭm păng.

Nau Mprơ Ơm 89:8

Ơ Brah Yêhôva Brah Ndu ma phung tahan, Mbu nơm geh nau brah tâm ban ma May? Ơ Brah Yêhôva, nau răp jăp May gŭ văr jŭm May.

Nau Mprơ Ơm 95:3

Yorlah Brah Yêhôva jêng Brah Ndu dŭt toyh, Jêng Hađăch dŭt prêh ta klơ lơn ma lĕ rngôch brah.

Nau Ngluh Êjipt 15:11

Ơ Brah Yêhôva! Tâm phung brah, mbu moh jêng tâm ban ma May? Mbu dơi jêng nâm bu May, chrêk rmah tâm nau kloh ueh, Khư ma nau klach yơk jêh ri tâm rnê, Ƀư lĕ nau kan khlay ir?

Nau Ngluh Êjipt 8:6

Y-Arôn yơr ti tâm lĕ tu dak n'gor Êjipt jêh ri kĭt vơr hao nkŭm lam neh.

Êsai 40:18

Pôri, đah mbu khân may ŭch rđĭl ma Brah Ndu, Mâu lah moh rup khân may tâm rđĭl ma Păng?

Êsai 40:25

Nơm Kloh Ueh lah: “Mbu đah khân may tâm rđĭl ăn tâm ban ma Gâp? Mbu nơm mra tâm ban đah Gâp?”

Yêrêmi 10:16

Drăp ndơn Y-Yakôb mâu nâm bu pônây ôh, Yorlah Păng yơh jêng Nơm hŏ rhăk njêng jêh lĕ rngôch ndô ndơ, Jêh ri Israel jêng mpôl băl drăp ndơn Păng. Amoh Păng jêng Brah Yêhôva ma phung tahan.”

Daniel 3:29

Yor nây, gâp ăn samƀŭt nau ntrŭnh aơ: Lĕ rngôch mbu phung ƀon lan, mbu bri dak, mbu nau ngơi geh nau ngơi mhĭk ma Brah Ndu Y-Sadrak, Y-Mêsăk, Y-Abetnêgô bu mra choh săk jăn khân păng, jêh ri ngih khân păng mra jêng mbŭch djah; yorlah mâu geh brah êng ôh mra dơi tâm rklaih tâm ban pônây.”

Nau Vay Nkah Tay 3:24

‘Hơi Yêhôva Brah Ndu, May hŏ ntơm mpơl jêh ma oh mon May saơ nau chrêk rmah jêh ri ti nau brah May. Yorlah, mbu brah klơ trôk mâu lah ta neh ntu dơi ƀư lĕ nau kan jêh ri ƀư nau brah tâm ban ma May?

Nau Vay Nkah Tay 4:34

Mâu lah mâp geh lĕ du huê brah hăn săch ma păng nơm du mpôl băl bunuyh tă bơh nklang du mpôl băl êng ma lĕ nau tâm rlong, mpơl nau mbên jêh ri nau mbên mha, ma nau tâm lơh, ma ti nau dơi yơr huy, ma lĕ nau krit klach toyh, nâm bu lĕ rngôch nau Yêhôva Brah Ndu hŏ ƀư jêh ma khân may tâm n'gor Êjipt tanăp măt khân may?