Nau Mprơ Ơm 86:16 - Nau Brah Ndu Ngơi 2023

¹⁶ Ơ! Dăn May uănh ma gâp jêh ri yô̆ nđach gâp; Ăn nau ktang May ma oh mon May Jêh ri tâm rklaih kon bu klâu oh mon bu ur May.

Nau Mprơ Ơm 86:16 ပူးပေါင်းရင်းမြစ်များ

Nau Mprơ Ơm 116:16

Ơ Brah Yêhôva, gâp jêng oh mon May; Nanê̆ gâp jêng oh mon May, kon bu klâu oh mon bu ur May; May doh jêh loih nkông gâp.

Nau Mprơ Ơm 119:132

Dăn May n'gĭl uănh jêh ri yô̆ nđach ma gâp, Tĭng nâm nau May vay ƀư đah phung rŏng ma amoh May.

Nau Mprơ Ơm 119:94

Gâp jêng ndơ May, rklaih hom gâp Yorlah gâp joi nau May ntăm.

Nau Mprơ Ơm 138:3

Tâm nar gâp kuăl mbơh sơm ma May, May hŏ plơ̆ lah jêh ma gâp, Ăn gâp geh nau nănh jêh ri dăng ktang.

Nau Mprơ Ơm 25:16

Dăn Kôranh Brah mêt uănh ta gâp jêh ri yô̆ nđach gâp, Yorlah gâp gŭ êng jêh ri rêh ni.

Nau Mprơ Ơm 41:5

Phung rlăng gâp ngơi nau ƀai pô aơ: “Ndah jŏ păng mra khĭt? Ndah jŏ amoh păng mra rai yot?”

Nau Mprơ Ơm 69:16

Ơ Brah Yêhôva! Dăn mplơ̆ lah nau gâp yor nau ueh May jêng ueh; Tĭng nâm nau yô̆ nđach rmeh ler May, dăn n'gĭl ma gâp.

Nau Mprơ Ơm 84:5

Ueh maak yơh ma bunuyh geh nau ktang tâm May, Jêh ri nuih n'hâm khân păng let mpeh ma gâp trong hăn ta Siôn.

Nau Mprơ Ơm 90:13

Dăn plơ̆ tay! Ơ Brah Yêhôva, ndah nâm jŏ nau May ji nuih? Dăn yô̆ nđach ma phung oh mon May!

Êsai 45:24

Bu mra lah ma Gâp pô aơ: “Knŏng tâm Brah Yêhôva yơh geh nau sŏng srăng jêh ri nau ktang;” Jêh ri bu mra văch ma Păng. Lĕ rngôch bunuyh ji nuih đah Păng mra bêk.

Sakari 10:12

Gâp mra ƀư ăn dăng khân păng tâm Brah Yêhôva Jêh ri khân păng mra chuat hăn tâm amoh Păng.” Brah Yêhôva lah pônây.

Luka 1:38

H'Mari plơ̆ lah: “Gâp jêng oh mon bu ur ma Kôranh Brah. Dăn nau nây tât ma gâp nâm nau may ntrŭnh!” Jêh nây tông mpăr du tă bơh H'Mari.

Êphêsô 3:16

Gâp mbơh sơm dăn Păng, tĭng nau ndrŏng ma nau chrêk rmah Păng, ăn ma khân may ktang tă bơh Brah Huêng Ueh Păng, gay bunuyh tâm trôm khân may plơ̆ jêng ktang;

Êphêsô 6:10

Nglĕ dŭt, ăn khân may ktang tâm Kôranh Brah jêh ri rnơm ma nau ktang brah Păng.

Philip 4:13

Gâp dơi ƀư lĕ ntil ndơ yor ma Brah Krist ăn n'hâm suan ma gâp.

Kôlôh 1:11

Bơh nau brah chrêk rmah Păng, khân may geh bêng nau ktang gay srôih sŏk dơn lĕ rngôch nau tâm nau răm maak,