Nau Mprơ Ơm 86:15 - Nau Brah Ndu Ngơi 2023

¹⁵ Ƀiălah ơ Kôranh Brah, May jêng Brah Ndu blau yô̆ nđach jêh ri ƀư ueh, Mâu gơnh nuih, bêng ma nuih n'hâm ueh jêh ri nau nanê̆ ngăn.

Nau Mprơ Ơm 86:15 ပူးပေါင်းရင်းမြစ်များ

I Nau Rêh Jêng 21:13

Y-Đavit lah ma Y-Gat: “Gâp tŭp tâm nau rêh ni toyh ngăn. Ăn gâp tŭp tâm ti Brah Yêhôva, yorlah nau Păng yô̆ nđach toyh ngăn; lơi ăn ôh gâp tŭp tâm ti bunuyh.”

Nêhêmi 9:17

Khân păng mâu tông bâr ôh jêh ri mâu kah gĭt ma nau mbên khlay ngăn ngên Kôranh Brah hŏ ƀư jêh ta nklang khân păng, Ƀiălah khân păng dăng ko jêh ri tâm nôk tâm rdâng, Khân păng săch du huê kôranh chiă uănh gay leo ma khân păng plơ̆ sĭt tay nau ƀư dĭk. Ƀiălah Kôranh Brah jêng Brah Ndu rơm ndrăp yô̆ an, vay ƀư nau yô̆, jêh ri yô̆ nđach, Mâu gơnh ji nuih jêh ri bêng ma nuih n'hâm ueh. Kôranh Brah mâu chalơi khân păng ôh.

Nau Mprơ Ơm 103:8

Brah Yêhôva bêng ma nau yô̆ nđach, vay ƀư ueh, Mâu gơnh duh nuih jêh ri ndrŏng ma nau ueh.

Nau Mprơ Ơm 111:4

Păng ăn bu kah gĭt tay ma kan khlay Păng ƀư jêh. Brah Yêhôva vay ƀư ueh jêh ri bêng nuih n'hâm yô̆ nđach.

Nau Mprơ Ơm 130:4

Ƀiălah Brah Ndu rơm ndrăp nau yô̆ an Gay ma bu klach yơk mbah ma May.

Nau Mprơ Ơm 130:7

Ơ phung Israel, kâp gân hom ma Brah Yêhôva Yorlah Brah Yêhôva bêng ma nuih n'hâm ueh, Jêh ri Păng ăn nau tâm rklaih rmeh ler.

Nau Mprơ Ơm 145:8

Brah Yêhôva ăn nau ueh ƀaƀơ, vay yô̆ nđach Mâu gơnh duh nuih jêh ri bêng nau ueh.

Nau Mprơ Ơm 85:10

Nau yô̆ nđach jêh ri nau nanê̆ ngăn tâm mâp ndrel jêh; Nau sŏng srăng jêh ri nau đăp mpăn hŏ tâm chŭm jêh.

Nau Mprơ Ơm 86:5

Ơ Kôranh Brah! May jêng ueh, bêng ma yô̆ an, Ăn bêng nau ueh ma phung kuăl dăn ma May.

Nau Mprơ Ơm 98:3

Păng kah gĭt tay nau ueh jêh ri ma nau răp jăp Păng Đah ngih phung Israel; Lĕ rngôch dŭt bri neh saơ jêh Nau yô̆ Brah Ndu tâm rklaih he.

Nau Ngluh Êjipt 34:6

Brah Yêhôva hăn rgăn panăp păng jêh ri mbơh: “Yêhôva! Yêhôva! Jêng Brah Ndu geh nau ueh, yô̆ nđach, Mâu gơnh ji nuih ôh, Rmeh ler nau ueh uĭn jêh ri nau n'hêl nanê̆ ngăn,

Yôel 2:13

Hêk hom nuih n'hâm khân may jêh ri lơi hêk ôh ao. Plơ̆ sĭt hom ma Yêhôva, Brah Ndu khân may, Yorlah Păng ueh, yô̆ nđach, mâu gơnh ji nuih jêh ri ndrŏng ma nau rŏng; Rgâl nau mĭn mâu ƀư mhĭk.

Yônais 4:2

Păng mbơh sơm ma Brah Yêhôva pô aơ: “Ơ Brah Yêhôva, mâu di hĕ nau aơ jêng nau gâp hŏ lah jêh ma May dôl gâp hôm gŭ tâm bri gâp hĕ? Yor nây yơh gâp ndal hăn du ma bri Tarsis. Yorlah gâp gĭt May jêng Brah Ndu ueh, yô̆ nđach, mâu gơnh ji nuih ôh, bêng ma nau ueh jêh ri tâm rgâl nau mĭn mâu ƀư tŭp nau mhĭk.

Mika 7:18

Mbu nơm jêng Brah Ndu nâm bu May? May yô̆ an nau djơh mhĭk jêh ri mâu ndăng ôh nau ƀư tih Ma phung hôm e, jêng drăp ndơn Păng. Păng mâu prăp n'ho ro ôh nau păng nuih, Yorlah Păng răm maak nau ueh.

Nau Kơp Bunuyh 14:18

‘Brah Yêhôva mâu gơnh nuih ôh, Jêh ri ndrŏng ma nuih n'hâm yô̆ nđach, Yô̆ an nau tih jêh ri nau tâm rdâng, Ƀiălah mâu kơp nơm geh nau tih ôh jêng mâu geh nau tih, Jêh ri rmal ma phung kon sau kŏ tât pe puăn rô̆ nuyh Yorlah nau tih phung chô yau.’

Yôhan 1:17

Yorlah nau vay dơi mbơh tă bơh Y-Môis, ƀiălah nau yô̆ jêh ri nau ngăn tât tă bơh Brah Yêsu Krist.

Êphêsô 1:7

Yorlah tâm Brah Krist, he geh nau tâm chuai tă bơh mham Păng, geh nau yô̆ an nau tih tĭng nâm nau rmeh ler tâm nau yô̆ Păng,