Nau Mprơ Ơm 86:14 - Nau Brah Ndu Ngơi 2023

¹⁴ Ơ Brah Ndu, phung sưr hao tâm rdâng jêh ma gâp, Du phung bunuyh ƀai joi gay ƀư rai ma huêng gâp; Khân păng mâu mĭn ôh May gŭ tanăp khân păng.

Nau Mprơ Ơm 86:14 ပူးပေါင်းရင်းမြစ်များ

II Samuel 16:20

Y-Apsalôm lah ma Y-Ahitôpel: “Khân may nchră hom joi moh nau he mra ƀư?”

II Samuel 17:14

Y-Apsalôm jêh ri lĕ rngôch phung Israel lah da dê: “Nau nchră Y-Husai, bunuyh Arkit, jêng ueh lơn ma nau nchră Y-Ahitôpel.” Yorlah Brah Yêhôva hŏ nal jêh ŭch ƀư roh nau nchră Y-Ahitôpel, gay ăn nau mhĭk tât ma Y-Apsalôm.

Nau Mprơ Ơm 10:11

Păng mĭn tâm nuih n'hâm: “Brah Ndu chuêl jêh, Păng lĕ pôn măt jêh ri mâu mra saơ nau aơ ôh.”

Nau Mprơ Ơm 10:13

Mâm ƀư phung mhĭk mưch ma Brah Ndu Jêh ri mĭn tâm nuih n'hâm: “Kôranh Brah mâu mra mâp ôp âk ntil ôh”?

Nau Mprơ Ơm 10:4

Phung mhĭk ngơi nau sưr, mâu tĭng joi Kôranh Brah; Păng mĭn pô aơ mâu geh Brah Ndu ôh.

Nau Mprơ Ơm 119:51

Phung sưr mưch ma gâp hâu ngăn, Ƀiălah ăt gâp mâu teng ôh bơh nau vay May.

Nau Mprơ Ơm 119:69

Phung sưr sŏk nau ngơi mƀruh ƀư lư mhĭk ma gâp, Ƀiălah gâp mra djôt prăp nau May ntăm ma lĕ nuih n'hâm.

Nau Mprơ Ơm 119:85

Phung sưr hŏ kuyh ntu jru gay ƀư mhĭk ma gâp, Jêng nau mâu ƀư tĭng nau vay May ôh.

Nau Mprơ Ơm 14:4

Di lĕ rngôch phung djơh mhĭk mâu gĭt rbăng da dê? Khân păng sa rvăn phung ƀon lan Gâp tâm ban ma sa ƀănh, Jêh ri mâu mâp kuăl mbơh sơm ma Brah Yêhôva.

Nau Mprơ Ơm 140:5

Phung sưr sân dăk, Khân păng nthăng rse ling nhuăl ta trong Jêh ri ƀư dăk sân ƀư mhĭk ma gâp. (Sêla)

Nau Mprơ Ơm 36:1

Nau tih phung mhĭk lah tâm nuih n'hâm pô aơ, Mâu geh nau klach yơk ma Brah Ndu ôh.

Nau Mprơ Ơm 36:11

Lơi ăn jâng phung sưr tĭng ban gâp. Mâu lĕ ăn ti phung mhĭk nsot gâp du.

Nau Mprơ Ơm 54:3

Yorlah phung bu năch luh hao rdâng đah gâp, Bunuyh janh ƀai joi ƀư rai nau rêh gâp. Khân păng mâu ăn Brah Ndu gŭ tanăp măt khân păng. (Sêla)

Nau Mprơ Ơm 54:5

Păng mra mplơ̆ ma phung rlăng đah gâp ma nau tih mhĭk khân păng; Dăn May ƀư rai hom khân păng tĭng nau răp jăp May.

Êsêkiêl 8:12

Păng lah ma gâp: “Hơi kon bunuyh, may saơ lĕ nau phung bu ranh ngih Israel, ăp nuyh ƀư tâm ntŭk ngo klĕng, trôm jrô kach nsêr rup brah khân păng? Yorlah khân păng lah pô aơ: ‘Brah Yêhôva mâu saơ ôh he; Brah Yêhôva hŏ chalơi jêh bri aơ!’”

Êsêkiêl 9:9

Păng lah ma gâp pô aơ: “Nau tih mhĭk ngih Israel jêh ri Yuđa hŏ toyh hâu ngăn. Bri neh bêng ma nau pling mham, tâm ƀon bêng nau mâu sŏng yorlah khân păng lah pô aơ: ‘Brah Yêhôva hŏ chalơi jêh bri neh aơ, Brah Yêhôva mâu saơ ôh.’