Nau Mprơ Ơm 86:10 - Nau Brah Ndu Ngơi 2023

¹⁰ Yorlah May dŭt toyh, ƀư nau kan khlay, Knŏng êng May dơm jêng Brah Ndu.

Nau Mprơ Ơm 86:10 ပူးပေါင်းရင်းမြစ်များ

Ndrom Samƀŭt bơh Yôp 11:7

Gĭt lah may dơi gĭt vât jru nau khlay ndâp Brah Ndu Jêh ri joi nau gĭt rbăng toyh bơh Nơm Geh Lĕ Nau Brah?

Nau Mprơ Ơm 72:18

Khư mprơ tâm rnê ma Yêhôva Brah Ndu jêng Brah Ndu phung Israel. Knŏng du huê Păng ƀư lĕ kan khlay ngăn!

Nau Mprơ Ơm 86:8

Ơ Kôranh Brah! Tâm lĕ rngôch brah mâu geh nơm tâm ban ma May, Mâu geh lĕ nau kan tâm ban ma nau kan May.

Nau Ngluh Êjipt 15:11

Ơ Brah Yêhôva! Tâm phung brah, mbu moh jêng tâm ban ma May? Mbu dơi jêng nâm bu May, chrêk rmah tâm nau kloh ueh, Khư ma nau klach yơk jêh ri tâm rnê, Ƀư lĕ nau kan khlay ir?

Êsai 37:16

“Ơ Brah Yêhôva ma phung tahan, Brah Ndu Israel, jêng Nơm gŭ ta klơ phung chêrubim, knŏng êng du huê May yơh jêng Brah Ndu ma lĕ rngôch ƀon bri hađăch ta neh ntu; May yơh hŏ rhăk njêng jêh trôk jêh ri neh ntu.

Êsai 37:20

Pôri aƀaơ, ơ Yêhôva Brah Ndu hên, tâm rklaih hom hên bơh ti Y-Sênakêrip, gay ma lĕ rngôch ƀon bri hađăch ta neh ntu dơi gĭt knŏng êng May yơh jêng Brah Yêhôva!”

Êsai 45:5

Gâp jêng Brah Yêhôva, mâu geh Nơm êng ôh, Rlau ma Gâp, mâu hôm geh Brah Ndu êng ôh. Nđâp tơlah may mâu gĭt năl Gâp, Gâp mra rêt an rse bŭt may,

Markôs 12:29

Brah Yêsu plơ̆ lah: “Nau vay ntăm khlay rlau lơn jêng, ‘Hơi Israel, gŭ iăt hom, Kôranh Brah, Brah Ndu he jêng Kôranh Brah knŏng nguay.

Kôranh Oh Mon 4:30

Dăn yơr ti May gay ƀư bah jêh ri ƀư lĕ nau khlay, nau mbên khlay tâm amoh Oh Mon kloh ueh May jêng Brah Yêsu.”

I Kôrintô 8:4

Pôri, ma nau nhhơr ndơ ƀư brah ma rup brah, he gĭt rup brah tâm neh ntu mâu geh ngăn ôh, knŏng geh nguay Brah Ndu mâu geh brah êng ôh.

Êphêsô 4:6

geh knŏng nguay Brah Ndu, Mbơ̆ ma lĕ rngôch bunuyh, Păng gŭ ta klơ lĕ rngôch bunuyh, ta nklang lĕ rngôch bunuyh jêh ri tâm trôm lĕ rngôch bunuyh.

Nau Vay Nkah Tay 32:39

Aƀaơ aơ, uănh hom, Gâp nơm jêng Brah Ndu Rlau ma Gâp mâu hôm geh brah êng; Gâp ƀư ăn khĭt jêh ri Gâp ăn dâk rêh tay, Ƀư ăn sôt jêh ri săm ăn bah Mâu geh ôh nơm dơi tâm rklaih bơh ti Gâp.

ហេឞ្រើ 2:4

Brah Ndu mbơh nkoch đŏng ma nau mbên khlay, nau khlay jêh ri lĕ nau brah nđâp ma lĕ nau dơi ăn bơh Brah Huêng Ueh, pă jêh tĭng nâm Păng ŭch.