Nau Mprơ Ơm 85:8 - Nau Brah Ndu Ngơi 2023

⁸ Gâp mra iăt moh nau Yêhôva Brah Ndu lah, Yorlah Păng mra lah nau đăp mpăn ma phung ƀon lan păng jêh ri phung răp jăp đah Păng; Ƀiălah khân păng mâu dơi plơ̆ tay nau rluk đŏng ôh.

Nau Mprơ Ơm 85:8 ပူးပေါင်းရင်းမြစ်များ

Nau Ntơm 34:7

Phung kon bu klâu Y-Yakôb hăn sĭt tă bơh mir. Lah tăng nau nây, khân păng ji nuih hâu ngăn yorlah Y-Sichem hŏ ƀư nau bêk prêng tâm phung Israel nôk păng bê̆ch ndrel ma kon bu ur Y-Yakôb, jêng nau bu mâu dơi vay ƀư.

Nau Mprơ Ơm 130:4

Ƀiălah Brah Ndu rơm ndrăp nau yô̆ an Gay ma bu klach yơk mbah ma May.

Nau Mprơ Ơm 29:11

Dăn Brah Yêhôva ăn nau ktang ma phung ƀon lan Păng! Dăn Brah Yêhôva ăn nau ueh lăng đăp mpăn ma phung ƀon lan Păng.

Nau Mprơ Ơm 50:5

“Tâm rgum hom phung răp jăp văch ndrel ma Gâp, Jêng phung hŏ ƀư jêh nau tâm rnglăp đah Gâp ma nau mpa ƀư brah.”

Nau Hôr 25:11

Nau ngơi nôk di mông Nâm bu play mandragôr đah mah geh lĭr prăk.

Nau Hôr 27:22

Nđâp lah may sŏk rnai juh bunuyh rluk tâm mpăl juh nsum ndrel phe, Pôri nau rluk kŏ mâu chalơi lĕ bơh păng.

Êsai 57:19

Gâp rhăk njêng nau tâm rnê ta bâr mbung khân păng: ‘Đăp mpăn! Đăp mpăn ma nơm gŭ ngai jêh ri ma phung gŭ dăch!’” Brah Yêhôva lah: “Gâp mra ƀư bah păng.

Habakuk 2:1

Gâp mra dâk ta ntŭk kâp gak, Gŭ chăm ta ntŭk pêr pôih, Lŏng uănh moh ntil nau Păng đă gâp ƀư, Jêh ri gâp mra geh nau plơ̆ lah ma yor nau gâp mâu hŏ vât.

Ndrom Samƀŭt bơh Agê 2:9

Brah Yêhôva ma phung tahan lah: ‘Nau chrêk ma lơp ngih brah pakơi aơ taơ mra toyh lơn ma nau chrêk ma lơp ngih ntơm saơm. Gâp mra ăn nau đăp mpăn tâm ntŭk aơ.’ Brah Yêhôva ma phung tahan lah pônây.”

Sakari 9:10

Gâp mra ƀư rai lơi ndeh seh bơh bri Êphraim Jêh ri seh tâm lơh tă bơh Yêrusalem; Hăr jêh ri na dŏng nôk tâm lơh bu mra nkê̆ch lơi, Jêh ri Păng mra mbơh nau đăp mpăn ăn ma lĕ bri dak; Nau dơi Păng chiă uănh mra n'hot ntơm bơh dak mƀŭt aơ tât ma dak mƀŭt ri, Ntơm bơh Dak Krong Me aơ tât ma bôl dŭt neh ntu.

Yôhan 14:27

Gâp lơi nau đăp mpăn ma khân may. Gâp ăn nau đăp mpăn ma khân may. Nau đăp mpăn Gâp ăn ma khân may mâu geh kơt neh ntu ăn ôh. Lơi dĭng ăn nuih n'hâm khân may uh ah jêh ri lơi klach ôh.

Yôhan 20:19

Dăch kêng nar nây, nar tal nguay tâm pơh, lĕ mpông ta ntŭk phung oh mon gŭ nchăng lĕ, yor klach ma phung Yuđa. Brah Yêsu văch dâk ta nklang phung khân păng jêh ri lah: “Ăn nau đăp mpăn ma khân may!”

Yôhan 20:26

Pham nar pakơi, phung oh mon rgum đŏng tâm ngih, geh Y-Thômas lĕ gŭ ndrel ma khân păng nđâp tơlah mpông hôm nchăng, Brah Yêsu văch dâk ta nklang khân păng jêh ri lah: “Ăn nau đăp mpăn ma khân may!”

Yôhan 5:14

Pakơi nây, Brah Yêsu mâp bunuyh nây tâm ngih Brah, jêh ri lah ma păng: “Aơ, may hŏ bah ji jêh, lơi hôm may ƀư tih ôh, klach lah geh nau mhĭk lơ hô rlau lơn tât ma may.”

Yôhan 8:11

Bu ur nây plơ̆ lah: “Hơi Kôranh Brah, mâu hôm geh bunuyh đŏng ôh.” Brah Yêsu lah: “Gâp ăt mâu tâm rmal ay; hăn hom, lơi hôm ƀư tih đŏng ôh.”]

Kôranh Oh Mon 10:36

Brah Ndu hŏ njuăl nau ngơi tât ma phung kon Israel, mbơh nkoch ma Nau Mhe Mhan Ueh đăp mpăn tă bơh Brah Yêsu Krist, jêng Kôranh Brah ma lĕ rngôch bunuyh.

Kôranh Oh Mon 3:26

Brah Ndu hŏ ndâk Oh Mon Păng jêh ri njuăl Păng văch ta khân may lor, gay ăn nau ueh uĭn ma khân may, gay ma ăp nơm tâm phung khân may chalơi trong djơh mhĭk khân may nơm.”

Galati 4:9

Ƀiălah aƀaơ khân may gĭt năl jêh Brah Ndu, mâu lah di lơn jêng Brah Ndu gĭt năl jêh khân may, mâm ƀư khân may ŭch plơ̆ sĭt ma lĕ ntil brah huêng rdja, o ach nây? Mâm ƀư khân may ŭch plơ̆ tay ƀư dĭk?

Êphêsô 2:17

Lah ndrĭ, Păng văch jêh mbơh nkoch nau đăp mpăn ma khân may jêng phung gŭ ngai, jêh ri nau đăp mpăn ma phung gŭ dăch.

II Têsalônik 3:16

Mbơh sơm dăn Kôranh Brah nau đăp mpăn ăn nau đăp mpăn ma khân may ƀaƀơ jêh ri tâm lĕ rngôch nau! Dăn Kôranh Brah gŭ ndrel ma lĕ rngôch khân may!

II Timôthê 2:19

Ƀiălah, nau mbon lĕ nâp Brah Ndu ăt gŭ nâp, ma nau tâp pŏng pô aơ: “Kôranh Brah gĭt năl phung bunuyh jêng phung Păng;” jêh ri: “Mbu moh kuăl mbơh sơm amoh Kôranh Brah, ăn der ngai bơh nau mâu di.”

ហេឞ្រើ 12:25

Njrăng hom, lơi dun ma Nơm ngơi đah khân may. Yorlah tơlah khân păng dun iăt nơm mbơh nau mbơh lor ma khân păng ta neh ntu, rlau lơn ma he tâm rdâng đah Nơm ntrŭnh nau mbơh lor bơh trôk, lơ hô mâu dơi klaih ôh.

Nau Tâm Mpơl 3:19

Lĕ rngôch phung Gâp rŏng Gâp nduyh, nduyh nkra; pôri, duh nđơr hom jêh ri rmal hom nau tih!

I Samuel 25:25

Dăn kôranh lơi rkêng tôr tât ta bunuyh janh ƀai nây jêng Y-Nabal, yorlah amoh săk păng tâm di ma păng nơm, jêh ri tâm păng geh nau brŭt rluk. Bi gâp, jêng oh mon bu ur may, mâu tâm mâp đah phung bu klâu kôranh hŏ prơh hăn jêh.