Nau Mprơ Ơm 85:2 - Nau Brah Ndu Ngơi 2023

² May yô̆ an jêh phung djơh mhĭk ma phung ƀon lan May Jêh ri nkŭm lĕ rngôch nau tih khân păng. (Sêla)

Nau Mprơ Ơm 85:2 ပူးပေါင်းရင်းမြစ်များ

Êsra 1:2

“Y-Sirus, hađăch Persi, lah: ‘Brah Yêhôva, Brah Ndu klơ lĕ ndâr trôk, ăn jêh lĕ rngôch bri dak lam ta neh ntu jêh ma gâp, jêh ri Păng nơm yơh hŏ ntăm jêh ma gâp ndâk ăn Păng du rplay ngih brah ta ƀon Yêrusalem, tâm n'gor Yuđa.

Nau Mprơ Ơm 126:1

Tơlah Brah Yêhôva hŏ njŭn phung Siôn sĭt tă bơh nau jêng bu nă, Pôri hên jêng nâm bu du nau mbơi.

Nau Mprơ Ơm 32:1

Ueh maak ngăn ma bunuyh geh nau yô̆ an ma nau tih păng tih, Dơi nkŭm brôi an nau tih păng!

Nau Mprơ Ơm 78:38

Ƀiălah yor nau Păng yô̆ nđach, Păng yô̆ an nau tih mhĭk Jêh ri mâu ƀư rai khân păng ôh; Âk tơ̆ Păng nkân nau ji nuih, Mâu ăn nau ji nuih hao toyh ôh.

Yêrêmi 50:20

Brah Yêhôva lah: “Tâm nar nây, tâm rnôk nây, bu mra joi nau tih mhĭk tâm phung Israel ƀiălah mâu saơ ôh; bu mra joi nau tih tâm phung Yuđa ƀiălah mâu mra saơ ôh; yorlah Gâp mra yô̆ an nau tih ma phung khân păng hôm e Gâp rong.”

Mika 7:18

Mbu nơm jêng Brah Ndu nâm bu May? May yô̆ an nau djơh mhĭk jêh ri mâu ndăng ôh nau ƀư tih Ma phung hôm e, jêng drăp ndơn Păng. Păng mâu prăp n'ho ro ôh nau păng nuih, Yorlah Păng răm maak nau ueh.

Nau Kơp Bunuyh 14:19

Gâp dăn ma Kôranh Brah yô̆ an nau tih ma phung ƀon lan aơ tĭng nâm nau yô̆ nđach toyh Kôranh Brah, tĭng nâm Păng hŏ yô̆ an jêh âk tơ̆ ma khân păng ntơm bơh du tă bơh Êjipt tât ma aƀaơ ri.”

Kôranh Oh Mon 13:39

bơh Păng yơh, lĕ rngôch phung chroh dơi kơp sŏng srăng ma lĕ ntil ƀiălah nau vay Y-Môis mâu dơi kơp sŏng srăng.

Kôlôh 2:13

Nôk khân may khĭt jêh tâm nau tih jêh ri tâm nglay săk mâu koh ntâu, Brah Ndu ƀư ăn ma khân may rêh ndrel ma Brah Krist, yor Păng yô̆ an jêh lĕ nau tih he.