Nau Mprơ Ơm 84:6 - Nau Brah Ndu Ngơi 2023

⁶ Tơlah dôl hăn rgăn rlŭng nhĭm nhhiăng. Khân păng njêng rlŭng nây jêng dak n'hor; Dak mih bôk rah nkŭm păng ma nau ueh uĭn.

Nau Mprơ Ơm 84:6 ပူးပေါင်းရင်းမြစ်များ

I Nau Rêh Jêng 16:11

Joi hom Brah Yêhôva jêh ri nau ktang Păng, Joi hom muh măt Păng ƀaƀơ!

Nau Mprơ Ơm 68:9

Ơ Brah Ndu, ăn dak mih tŭp âk ta klơ drăp ndơn May; Tơlah păng sơh kro, May ăn păng sĭt n'hâm suan.

Yôel 2:23

Hơi phung kon ƀon Siôn, maak răm rhơn hom Tâm Yêhôva Brah Ndu khân may! Yorlah Păng ăn dak mih tŭp yan bôk rah tâm di ăn ma khân may; Nkhŭt dak mih yan bôk rah jêh dak mih kêng dŭt yan Jŭr ăn ma khân may nâm bu saơm.

Yôhan 16:33

Gâp lah lĕ nau aơ ma khân may, gay ma khân may geh nau đăp mpăn tâm Gâp. Khân may mra geh nau rêh ni tâm neh ntu, ƀiălah khân may nâp hom nuih n'hâm, Gâp hŏ dơi jêh đah neh ntu.”

Kôranh Oh Mon 14:22

Bar hê khân păng ƀư nâp nuih n'hâm phung oh mon, n'hao nuih khân păng djôt nâp nau chroh, jêh ri đă pô aơ: “He găn âk nau rêh ni, ri mơ dơi lăp tâm ƀon bri hađăch Brah Ndu.”

Samƀŭt Pôl Njuăl Ăn Ma Phung Nsing Ta Ƀon Rôm 8:37

Ƀiălah, tâm lĕ nau nây phung he yor Nơm rŏng ma he, he dơi mro mrăng.

II Kôrintô 4:17

Yorlah nau rêh ni hên n'gơch jêh ri ƀât lât mra djôt ma hên nau chrêk rmah toyh lơn jêh ri n'ho ro,

Nau Tâm Mpơl 7:14

Gâp lah ma păng: “Hơi kôranh, may gĭt.” Kôranh bu ranh nây lah ma gâp: “Aơ jêng phung bunuyh luh tă bơh nau rêh ni toyh, hŏ pih jêh ao jêh ri pih tho ăn nglang ao khân păng nơm tâm mham Kon Biăp.