Nau Mprơ Ơm 84:4 - Nau Brah Ndu Ngơi 2023

⁴ Ueh maak yơh phung dơi gŭ tâm ngih May! Khân păng mra mprơ tâm rnê ma May mro mrăng. (Sêla)

Nau Mprơ Ơm 84:4 ပူးပေါင်းရင်းမြစ်များ

Nau Mprơ Ơm 145:21

Bâr mbung gâp mra mprơ tâm rnê ma Brah Yêhôva; Ăn lĕ rngôch nglay săk mât ton ma amoh kloh ueh Păng tât ƀaƀơ n'ho ro.

Nau Mprơ Ơm 23:6

Nanê̆ ngăn, lĕ nau rêh gâp, Nau ueh jêh ri nau yô̆ nđach mra tĭng gâp; Gâp mra gŭ tâm ngih Brah Yêhôva Kŏ tât n'ho ro.

Nau Mprơ Ơm 27:4

Gâp hŏ dăn jêh ma Brah Yêhôva du ntil nau Jêh ri mra joi nau nây! Nây jêng lĕ nau rêh gâp Dơi gŭ tâm ngih Brah Yêhôva Gay uănh nau ueh Brah Yêhôva Jêh ri gay dăn ôp tâm ngih brah Păng.

Nau Mprơ Ơm 42:11

Ơ Huêng gâp, mâm ƀư may rdja nuih n'hâm Jêh ri uh ah tâm săk jăn gâp? Kâp gân hom tâm Brah Ndu; yorlah Gâp mra mprơ tâm rnê Păng, Jêng Nơm kơl gâp jêh ri Brah Ndu gâp.

Nau Mprơ Ơm 42:5

Ơ huêng gâp, mâm ƀư may rdja nuih n'hâm Jêh ri uh ah tâm săk jăn gâp? Kâp gân hom tâm Brah Ndu; Gâp mra mprơ tâm rnê ma Păng đŏng, Yorlah mâp măt Păng gâp dơi geh nau tâm rklaih.

Nau Mprơ Ơm 5:3

Brah Yêhôva ơi! Ơm ôi May tăng bâr gâp; Ơm ôi gâp nhhơr nau kuăl mbơh sơm jêh ri gŭ kâp.

Nau Mprơ Ơm 65:4

Ueh uĭn ngăn ma nơm May dơi săch Jêh ri dơi vay tât gŭ tâm nkual ngih May. Hên mra geh nau hơm mpay ma lĕ nau ueh tâm ngih May, Jêng ngih brah kloh ueh May.

Nau Mprơ Ơm 71:15

Bâr mbung gâp mra nkoch tay nau sŏng srăng May, Ăp nar gâp mbơh nau May tâm rklaih, Yorlah gâp mâu gĭt mâm nkoch gay ma lĕ.

Nau Mprơ Ơm 71:8

Mbung gâp bêng nau tâm rnê ma May, Gâp vay mât ton May ăp nar.

Nau Tâm Mpơl 7:15

Yor ri, khân păng gŭ râng tanăp sưng hađăch Brah Ndu, măng nâm nar pah kan tâm ngih brah ma Brah Ndu; jêh ri Nơm gŭ ta sưng hađăch mra nkŭm nking khân păng.