Nau Mprơ Ơm 84:3 - Nau Brah Ndu Ngơi 2023

³ Ơ Brah Yêhôva ma phung tahan Jêng Hađăch gâp jêh ri jêng Brah Ndu gâp, Nđâp ma sĭm srai ăt dơi joi du ntŭk gay gŭ Jêh ri sĭm rlêng ăt dơi joi du ntŭk gay ƀư rsuăn păng deh kon, Jêng êp ntŭk nơng ƀư brah May.

Nau Mprơ Ơm 84:3 ပူးပေါင်းရင်းမြစ်များ

II Samuel 15:25

Hađăch lah ma Y-Sadôk: “Djôt leo hom Hip Nau Tâm Rnglăp Brah Ndu plơ̆ sĭt ma ƀon. Tơlah gâp mra geh nau yô̆ tanăp măt Brah Yêhôva, Păng mra njŭn ăn gâp plơ̆ sĭt đŏng, ăn gâp saơ Hip Nau Tâm Rnglăp jêh ri ntŭk Brah Yêhôva gŭ.

Nau Mprơ Ơm 116:7

Ơ huêng gâp, lŏ sĭt hom ma ntŭk may rlu, Yorlah Brah Yêhôva ƀư ueh ma may rmeh ler.

Nau Mprơ Ơm 42:3

Ăp nar, bu ôp ma gâp: “Mbah ntŭk Brah Ndu may?” Pôri gâp rvăn dak măt ntrok ma ndơ sông sa Ăp măng nar.

Nau Mprơ Ơm 43:4

Rnôk nây gâp mra tât ta nơng Brah Ndu, Tât ma Brah Ndu jêng nau răm maak gâp n'ho ro: Ơ Kôranh Brah jêng Brah Ndu gâp, Gâp mra sŏk gong rêng mprơ tâm rnê May.

Nau Mprơ Ơm 5:2

Ơ Hađăch gâp, Brah Ndu gâp, Dăn iăt bâr gâp nter kuăl, Yorlah gâp mbơh sơm ma Kôranh Brah.

Nau Mprơ Ơm 90:1

Ơ Kôranh Brah, bơh rnôk aơ tât rnôk ri, May njêng jêh ntŭk hên gŭ.

Nau Mprơ Ơm 91:1

Mbu nơm gŭ tâm ntŭk ndâp Nơm Dŭt Prêh. Mra dơi gŭ tâm dâng gui Nơm Geh Lĕ Nau Brah.

Êsêkiêl 24:21

‘Lah hom ma ngih Israel pô aơ: Kôranh Brah Yêhôva lah: Aơ Gâp mra ƀư ƀơ̆ ntŭk kloh ueh Gâp, jêng ntŭk khân may ƀư sŏk nau khư ma nau ktang khân may, trôm măt khân may ŭch kơnh, nuih n'hâm khân may rŏng. Kon bu ur, kon bu klâu khân may hŏ chalơi jêh mra cha lôt khĭt yor ma đao.

Mathay 23:37

“Hơi Yêrusalem, Yêrusalem! May nkhĭt phung nơm mbơh lor jêh ri klŭp ma lŭ phung bu njuăl ma may! Âk tơ̆ jêh Gâp ŭch tâm rgum phung kon may tâm ban ma iăr me rtŭk kon păng, gay pôn lơi tâm dâng năr păng, ƀiălah khân may mâu ŭch ôh!

Mathay 8:20

Brah Yêsu plơ̆ lah: “Phung mpik geh trôm, phung sĭm klơ trôk geh rsuăn, ƀiălah Kon Bunuyh mâu geh ntŭk dâm bôk.”