Nau Mprơ Ơm 84:2 - Nau Brah Ndu Ngơi 2023

² Huêng gâp ŭch ngăn kŏ tât huăr hươi Ma nkual nhuang Brah Yêhôva; Nuih n'hâm jêh ri nglay săk gâp hă bâr mprơ tâm rnê Ma Brah Ndu gŭ rêh mro mrăng.

Nau Mprơ Ơm 84:2 ပူးပေါင်းရင်းမြစ်များ

Ndrom Samƀŭt bơh Yôp 23:3

Ŭch ma gâp gǐt ta ntŭk dơi joi Kôranh Brah, Gâp mra văch gŭ tanăp sưng hađăch Păng!

Nau Mprơ Ơm 119:20

Huêng gâp ji hir ƀaƀơ kŏ tât rgănh huơi Ma lĕ nau vay ƀư bơh May.

Nau Mprơ Ơm 119:81

Huêng gâp rdja ngăn yor ŭch ma nau May tâm rklaih; Gâp kâp gân ma nau May ngơi.

Nau Mprơ Ơm 143:6

Gâp yơr ti let mpeh ma May; Huêng gâp ji hir ma May nâm bu neh sơh. (Sêla)

Nau Mprơ Ơm 73:26

Nglay săk jêh ri play nuih gâp mra roh rai, Ƀiălah Brah Ndu jêng nau ktang ma nuih n'hâm gâp; Jêh ri jêng ndơ ma gâp n'ho ro.

Nau Mprơ Ueh 5:8

Hơi phung bu ur druh ƀon Yêrusalem, gâp vơl dăn ma khân ay, Tơlah mâp nơm gâp rŏng, Dăn mbơh ma păng pô aơ Gâp dôl kop yor nau rŏng.

Êsai 26:9

Dôl măng huêng gâp ji hir ma May; Ơ, nuih n'hâm gâp nđơr ŭch joi May. Yorlah nau May phat dôih ƀư jêh ta neh Phung gŭ tâm neh ntu nti gĭt nau sŏng srăng.

Êsai 64:1

Ơ! Ueh lơn ma May hêk lĕ ndâr trôk jêh ri jŭr văch, Ƀư ma yôk n'gơ n'găr tanăp May;

Nau Kơp Bunuyh 24:5

Hơi Y-Yakôb! Ueh ngăn ngih bok may! Hơi Y-Israel! Ueh ngăn ntŭk may gŭ!