Nau Mprơ Ơm 83:4 - Nau Brah Ndu Ngơi 2023

⁴ Khân păng lah: “Văch hom nkhĭt lĕ khân păng bơh lĕ bri dak, Gay ma khân păng mâu hôm kah gĭt amoh Israel đŏng ôh.”

Nau Mprơ Ơm 83:4 ပူးပေါင်းရင်းမြစ်များ

Nêhêmi 4:2

Păng lah tanăp phung oh nâu păng jêh ri phung tahan n'gor Samari pô aơ: “Lĕ rngôch phung Yuđa lĕ ra-ai nây moh ndơ ƀư? Khân păng mra ndâk đŏng mpêr ƀon? Khân păng mra nhhơr ndơ ƀư brah mâu? Tâm du nar mâm khân păng mra ƀư dơi jêh lĕ? Lŭ lĕ ŭnh sa jêh, khân păng hŏ bun mbŭch jêng neh muy, jêh nây sŏk păng jêng lŭ tay dơi lĕ?”

Nau Mprơ Ơm 74:8

Khân păng lah: “Ăn he ƀư rai lĕ khân păng.” Khân păng su lĕ rngôch ngih rƀŭn Brah Ndu tâm n'gor.

Nau Ngluh Êjipt 1:10

Kay lŏng! Ăn he ƀư ma nau blau mĭn đah khân păng; lah mâu kơt nây, rnoh ƀon lan khân păng hao âk bĭk rơ̆ jêh ri lah geh nau tâm lơh tât, khân păng mra tâm rnglăp đah phung rlăng tâm lơh đah he, jêh ri du luh bơh n'gor.”

Nau Hôr 1:12

Phung he mra rvăn rêh khân păng nâm bu ƀon phung khĭt, Jêh ri rvăn glŏm nâm bu phung hăn trŭnh ma ntu môch;

Yêrêmi 11:19

Bi gâp, nâm bu du mlâm kon biăp rdơ̆ rbăn Bu têk leo tât ntŭk bu sreh nkhĭt. Gâp mâu gĭt khân păng ŭch nchră tâm rdâng ma gâp. Khân păng lah: “Ƀư rai hom nđâp ma tơm jêh ri play, Mƀăr lơi păng bơh neh phung gŭ rêh, Gay mâu hôm nơm nkah tât amoh păng đŏng ôh.”

Yêrêmi 31:36

“Tơlah nau vay nây Roh tanăp măt Gâp, Ri mơ phung kon sau Israel Mâu hôm jêng du phung ƀon lan tanăp Gâp n'ho ro.” Brah Yêhôva lah pônây.

Yêrêmi 48:2

Nau chrêk rmah ma bri Môap mâu hôm geh đŏng ôh; Tâm ƀon Hêsbôn, bu nchră ƀư mhĭk ma păng: ‘Văch hom, ăn he ngroh lơi Môap bơh ma lĕ bri dak!’ Ơ Matmen, may mra gŭ rklăk; Tak đao mra tĭng groi may.

Êsêkiêl 38:10

Kôranh Brah Yêhôva lah: “Tâm lĕ rngôch nar nây, geh nau mĭn mra nsĭch tâm rngok may jêh ri may mra geh mĭn nkra nau ƀư ƀai.

Daniel 7:25

Hađăch aơ mra ngơi djơh ma Nơm Dŭt Prêh, Ƀư huănh hươi phung kloh ueh Nơm Dŭt Prêh. Hađăch ŭch mĭn rgâl rnôk jêh ri nau vay. Phung kloh ueh bu mra jao tâm ti hađăch nây Kŏ tât du gưl, bar gưl jêh ri n'gul gưl.

Kôranh Oh Mon 4:17

Nđâp lah kơt nĕ, gay ma nau nây mâu lư đŏng ôh tâm phung ƀon lan, ăn he buay khân păng mâu dơi ôh sŏk amoh nây nti lah ma ăp nơm đŏng.”

Yôsuê 9:2

dơn nau tâm rnglăp ndrel ndrăng khân păng gay tâm lơh rdâng đah Y-Yôsuê jêh ri phung Israel.