Nau Mprơ Ơm 83:2 - Nau Brah Ndu Ngơi 2023

² Yorlah ri, phung rlăng May ƀư nau uh ah, Jêh ri phung tâm rmot đah May n'gơr bôk.

Nau Mprơ Ơm 83:2 ပူးပေါင်းရင်းမြစ်များ

II Phung Hađăch 19:28

Yorlah may ji nuih jêh tâm rdâng đah Gâp, Jêh ri nau ngơi ƀlăch ƀlêr may hŏ hao tât ta tôr Gâp, Pôri Gâp nklĕ ndar ta trôm muh may, Dơm kang thao tâm trôm mbung may. Gâp mra ƀư ăn ma may plơ̆ sĭt Tĭng trong may hŏ văch jêh.’

Nau Mprơ Ơm 109:1

Ơ Brah Ndu, Nơm gâp tâm rnê, Lơi gŭ rklăk ôh!

Nau Mprơ Ơm 74:23

Lơi chuêl ôh bâr nter lah phung rlăng đah May, Nau uh ah phung tâm rdâng đah May hao ƀaƀơ.

Nau Mprơ Ơm 74:4

Phung rlăng May ngrông ta nklang ntŭk tâm rƀŭn; Khân păng ndâk n'hao bok kơ gay ƀư nau tâm mbên.

Nau Mprơ Ơm 81:15

Phung tâm rmot ma Yêhôva mra pah kan ma Păng Bi ma phung ƀon lan Gâp mra hôm e n'ho ro.

Nau Mprơ Ơm 93:3

Ơ Brah Yêhôva, hao rbuh dak mƀŭt, Dak rlai nter ngrông; Dak Mƀŭt bâr nteh djhut djhut.

Êsai 17:12

Ơ, phung ndŭl mpôl bunuyh âk râk ƀư nteh drơu drơu! Khân păng ngrông tâm ban ma nteh rbuh dak mƀŭt! Nteh drơu drơu tâm phung ndŭl mpôl bunuyh Ngrông tâm ban ma nteh âk dak leng hoch!

Êsai 37:23

Ma mbu nơm may mưch rmot jêh ri ngơi djơh tât? Ma mbu nơm may tâm rdâng ma bâr nter Jêh ri n'gơr măt ma nau sưr? May janh tâm rdâng đah Nơm Kloh Ueh phung Israel hĕ!

Êsai 37:29

Yorlah may ji nuih jêh tâm rdâng đah Gâp, Jêh ri nau ngơi ƀlăch ƀlêr may hŏ hao tât ta tôr Gâp Pôri Gâp nklĕ ndar ta trôm muh may, Dơm kang thao tâm trôm mbung may, Gâp mra ƀư ăn ma may plơ̆ sĭt Tĭng trong may hŏ văch jêh.’

Yêrêmi 1:19

Khân păng tâm lơh đah may ƀiălah mâu dơi ôh — Brah Yêhôva lah pônây — yorlah Gâp gŭ ndrel ma may gay tâm rklaih may.”

Mathay 27:24

Yor ri, nôk Pilat saơ păng nơm mâu dơi ƀư ôh, ƀiălah geh nau nteh uh ah lơ hâu lơn, pôri păng sŏk dak jêh ri rao ti tanăp phung ƀon lan, jêh nây lah: “Gâp mâu tih ôh đah mham bunuyh aơ; nây jêng nau khân may.”

Kôranh Oh Mon 16:22

Phung âk plơ̆ dâk tâm rdâng ma bar hê khân păng; phung kôranh phat dôih đă bu nkhêk ao khân păng jêh ri dong ma mâng.

Kôranh Oh Mon 17:5

Ƀiălah phung Yuđa tâm rmot, jă âk bunuyh janh ƀai tâm trong sâng, tâm rgum phung âk jêh ri ƀư nau uh ah tâm ƀon. Khân păng n'hoch tât ta ngih Y-Yason, joi nhŭp Y-Pôl jêh ri Y-Silas gay ma njŭn leo tanăp phung ƀon lan.

Kôranh Oh Mon 21:30

Lĕ ƀon lan jêng uh ah, âk bunuyh nchuăt văch nhŭp Y-Pôl jêh ri têk păng luh tă bơh ngih brah, jêh ri bu nchăng lơi mpông ro.

Kôranh Oh Mon 22:22

Khân păng gŭ iăt nau Y-Pôl, ƀiălah tât ta nau nây, khân păng ntơm nter toyh: “Nkhĭt lơi bunuyh nây bơh neh ntu! Păng mâu khư gŭ rêh ôh.”

Kôranh Oh Mon 23:10

Yor nau rlăch nây lơ hô jêng ngơi tâm ndăng, kôranh chiă uănh klach phung ƀon lan ƀư rai săk jăn Y-Pôl, ntrŭnh ma tahan păng jŭr, pit sŏk leo Y-Pôl luh tă bơh khân păng jêh ri djôt lăp ta pôih.

Phung Kôranh Phat Dôih 8:28

Phung Madian gŭ chŭn tâm dâng nau chiă uănh phung ƀon lan Israel, mâu hôm n'gơr bôk hao ôh. Tâm nau rêh Y-Gidêôn, n'gor bri geh nau đăp mpăn tâm puăn jât năm.