Nau Mprơ Ơm 82:5 - Nau Brah Ndu Ngơi 2023

⁵ Khân păng mâu gĭt mâu lĕ gĭt rbăng, Khân păng chuat hăn tâm nau ngo klĕng; Yor nây, lĕ rngôch mbon neh ntu n'gơ jêh.

Nau Mprơ Ơm 82:5 ပူးပေါင်းရင်းမြစ်များ

Ndrom Samƀŭt bơh Yôp 8:9

Yorlah he mhe pơ deh yor ri mâu hŏ gĭt, Ăp nar he gŭ rêh ta neh ntu nâm bu du mlâm gui n'hâm dơm.

Nau Mprơ Ơm 11:3

Tơlah lĕ mbon rlâm jêh, Mâm bunuyh sŏng srăng mra ƀư?”

Nau Mprơ Ơm 14:4

Di lĕ rngôch phung djơh mhĭk mâu gĭt rbăng da dê? Khân păng sa rvăn phung ƀon lan Gâp tâm ban ma sa ƀănh, Jêh ri mâu mâp kuăl mbơh sơm ma Brah Yêhôva.

Nau Mprơ Ơm 53:4

Di lĕ phung djơh mhĭk mâu gĭt rbăng? Khân păng sa rvăn phung ƀon lan Gâp tâm ban ma sa ƀănh Jêh ri mâu lĕ vah vơl dăn ma Brah Ndu.

Nau Mprơ Ơm 75:3

Tơlah neh ntu jêh ri lĕ rngôch phung bunuyh ta klơ neh mpât n'găr Gâp yơh mra mât nâp lĕ meh păng. (Sêla)

Nau Mprơ Ơm 99:1

Brah Yêhôva chiă uănh! Lĕ mpôl băl bunuyh râm sâr hom; Păng gŭ klơ phung Chêrubim; neh ntu geh nau mpât n'gơ.

Nau Hôr 1:29

Yorlah khân păng tâm rmot jêh ma nau blau mĭn, Mâu săch ôh nau klach yơk ma Brah Yêhôva,

Nau Hôr 2:13

Jêh ri phung nây chalơi trong nau sŏng Ŭch hăn tĭng trong ngo klĕng;

Nau Hôr 4:19

Bi ma trong phung djơh mhĭk bêng ma nau ngo klĕng; Khân păng mâu gĭt ôh păng nơm chêh prah moh yor!

Nơm Nti 2:14

Bunuyh blau mĭn geh trôm măt tâm bôk păng, Bi phung rluk chuat hăn tâm nau ngo. Ƀiălah, gâp saơ jêh lĕ bar hê mra hăn ndrel ma du ntŭk tâm nal.

Nơm Nti 3:16

Gâp hôm saơ tay tâm dâng nar: Ntŭk phat dôih geh nau djơh mhĭk, Ntŭk nau di geh nau mâu sŏng.

Êsai 5:7

Đang play Brah Yêhôva ma phung tahan Jêng ngih Israel, Bi ma phung Yuđa Jêng lĕ tơm si Păng răm maak tăm. Păng kâp gân gay saơ nau sŏng, Ƀiălah knŏng saơ nau mhĭk; Păng kâp gân ma nau sŏng srăng, Ƀiălah knŏng geh nau nter nđêng!

Êsai 59:9

Yor nây nau sŏng gŭ ngai đah hên, Nau sŏng srăng mâu dơi ban hên ôh. Hên kâp gân nau ang, ƀiălah knŏng saơ nau ngo, Hên kâp gân nau ral ang ƀiălah hên nhuat hăn tâm nau ngo.

Mika 3:1

Gâp lah: Hơi phung kôranh Yakôb Jêh ri phung chiă uănh ngih Israel, iăt hom! Khân may mâu gĭt nau sŏng ƀơh?

Yôhan 12:35

Brah Yêsu lah: “Nau ang hôm gŭ ndrel khân may ƀât lât dơm. Hăn hom dôl khân may hôm geh nau ang, klach nau ngo ƀât lât nkŭm khân may. Mbu nơm hăn tâm nau ngo păng mâu gĭt ôh mbah ntŭk păng hăn.

Yôhan 3:19

Nau tâm rmal nây jêng kơt aơ: Nau ang hŏ tât jêh ta neh ntu, ƀiălah kon bunuyh ŭch nau ngo rlau lơn ma nau ang, yorlah kan khân păng jêng nau djơh mhĭk.

Samƀŭt Pôl Njuăl Ăn Ma Phung Nsing Ta Ƀon Rôm 1:28

Yorlah khân păng mâu ŭch gĭt năl Brah Ndu ôh, pônây Brah Ndu n'ho jao khân păng ma nau mĭn mhĭk gay ƀư âk nau mâu khư ôh.

II Timôthê 2:19

Ƀiălah, nau mbon lĕ nâp Brah Ndu ăt gŭ nâp, ma nau tâp pŏng pô aơ: “Kôranh Brah gĭt năl phung bunuyh jêng phung Păng;” jêh ri: “Mbu moh kuăl mbơh sơm amoh Kôranh Brah, ăn der ngai bơh nau mâu di.”

I Yôhan 2:11

Ƀiălah mbu nơm tâm rmot ma oh nâu păng nơm jêng gŭ tâm nau ngo, chuat hăn tâm nau ngo jêh ri mâu gĭt ôh mbah ntŭk păng nơm hăn, yorlah nau ngo ƀư chieh jêh măt păng.