Nau Mprơ Ơm 81:14 - Nau Brah Ndu Ngơi 2023

¹⁴ Mâu jŏ ôh Gâp ƀư ma phung rlăng khân păng kŭnh bôk da dê, Jêh ri Gâp plơ̆ tâm rdâng đah phung rlăng ma khân păng.

Nau Mprơ Ơm 81:14 ပူးပေါင်းရင်းမြစ်များ

Nau Mprơ Ơm 47:3

Păng ăn phung ƀon lan geh nau plơ̆ rŭch tanăp hên Păng ƀư lĕ bri dak mra gŭ tâm dâng jâng hên.

Êsai 48:18

Ueh lơn may hŏ rkêng tôr iăt lĕ nau vay ntăm bơh Gâp, Pônây nau đăp mpăn may mra jêng jêh tâm ban ma n'hong dak krong, Jêh ri nau sŏng srăng may tâm ban ma rbuh dak mƀŭt;

Amôt 1:8

Gâp mra ƀư rai phung gŭ tâm ƀon Asdôt, Jêh ri nơm djôt mâng jra hađăch du luh bơh Askalôn. Gâp mra yơr ti Gâp lơh ma Êkron Jêh ri đơ phung Philistin hôm klen mra khĭt” Yêhôva Brah Ndu lah pônây.

Sakari 13:7

Brah Yêhôva ma phung tahan lah: “Hơi đao, kah rngăl hom may gay lơh rmăk biăp Gâp, Jêh ri lơh bunuyh ƀư mĭt jiăng đah Gâp. Lơh hom bunuyh rmăk biăp gay phung biăp nchah rai pru pra, Gâp mra rle ti Gâp lơh phung kon se jê̆.”

Nau Kơp Bunuyh 14:45

Phung ƀon lan Amalek jêh ri phung Kanaan gŭ tâm n'gor klơ dor yôk hăn trŭnh tâm lơh rai Phung ƀon lan Israel jêh ri tĭng khân păng tât ta Hôrma.

Nau Kơp Bunuyh 14:9

Knŏng geh du nau jêng khân may mâu ƀư nau tâm rdâng ôh đah Yêhôva jêh ri lơi ta klach ôh ma phung ƀon lan tâm n'gor bri nây, yorlah khân păng mra jêng ndơ sông sa ma he. Bu sŏk lơi jêh nau king tă bơh khân păng, ƀiălah Brah Yêhôva gŭ ndrel ma he. Lơi klach ôh ma khân păng!”

Nau Vay Nkah Tay 10:12

“Pôri, Hơi phung Israel, aƀaơ aơ moh nau Yêhôva Brah Ndu khân may gay ŭch ăn khân may ƀư, knŏng klach yơk ma Yêhôva Brah Ndu, hăn tâm trong Păng, rŏng ma păng lĕ nuih n'hâm, ma lĕ huêng may jêh ri pah kan ma Yêhôva Brah Ndu,

Yôsuê 23:13

ăn khân may gĭt nanê̆ Yêhôva Brah Ndu khân may mâu mra hôm mprơh phung ndŭl mpôl bunuyh bơh khân may đŏng ôh. Ƀiălah khân păng mra jêng jal seng jêh ri ndơm dăk ma khân may, jêng mâng rvĕ rpăt ta pŭng vĕ khân may, ƀư lok ntâp trôm măt khân may, kŏ tât tơlah khân may rai yot bơh n'gor neh ueh Yêhôva Brah Ndu khân may ăn jêh ma khân may.