Nau Mprơ Ơm 80:9 - Nau Brah Ndu Ngơi 2023

⁹ May kai pŏk neh ăn păng, Păng njŭr reh jêh ri hung bêng ta klơ neh.

Nau Mprơ Ơm 80:9 ပူးပေါင်းရင်းမြစ်များ

II Samuel 7:10

Gâp hŏ rơm ndrăp jêh ma phung ƀon lan Israel Gâp du ntŭk gŭ, Gâp mra tăm khân păng ta nây, jêh ri khân păng mra gŭ mro tâm n'gor păng nơm, mâu geh nau rŭng răng ôh; phung djơh mhĭk mâu mra hôm tŭn jot khân păng nâm bu nar kăl e,

I Phung Hađăch 4:20

Phung Yuđa jêh ri phung Israel âk nâm bu choih ta kơh dak mƀŭt; khân păng sông sa nhêt hâk răm ngăn.

I Phung Hađăch 4:25

Du njăr rêh hađăch Salômôn chiă uănh, lĕ phung Yuđa jêh ri phung Israel ntơm bơh Dan tât ma Bêr-Sêba, phung ƀon lan rêh da dê tâm nau đăp mpăn, ăp nơm tâm dâng tơm krăk ƀâu jêh ri tơm rvi păng nơm.

I Nau Rêh Jêng 21:5

Y-Jôap mbơh ma Y-Đavit lĕ rngôch phung ƀon lan kơt aơ: Tâm lĕ n'gor Israel geh du rkeh ma du rsen bunuyh dơi djôt đao; tâm Yuđa geh puăn rsen pơh rmưn dơi djôt đao.

Nau Mprơ Ơm 105:44

Păng sŏk neh lĕ bri dak ăn ma khân păng, Jêh ri ăn ma khân păng sŏk play bơh kan phung mpôl băl êng

Nau Mprơ Ơm 44:3

Yorlah mâu yor ma đao khân păng dơi geh n'gor, Mâu lĕ yor ma ti khân păng dơi jêh, Ƀiălah yor ti ma May, Nting tur ti jêh ri ma nau ang muh măt May yơh, Yorlah May rŏng ma khân păng.

Êsai 27:2

Tâm nar nây, Khân may mprơ hom ma đang krăk ƀâu âk play!

Êsai 27:6

Tât mông Yakôb mra hon reh, Israel geh rmlom jêh ri dang kao, Jêh ri khân păng mra play bêng klơ neh.

Êsai 37:31

Phung klaih hôm rêh bơh ngih Yuđa mra thoi đŏng hon reh tâm dâng jêh ri geh play ta klơ.

Êsai 5:2

Păng kuyh pŏk neh, dônh lĕ lŭ, Jêh ri tăm ntil play krăk ƀâu ueh. Păng rdâk du rplay ngih tŭm gak ta nklang đang krăk ƀâu Jêh ri kuyh du ntu păt ndrănh. Păng kâp gân ma păng geh play ueh, Ƀiălah păng geh knŏng play krăk ƀâu mhĭk.

Yêrêmi 12:2

May hŏ brôi tăm khân păng, Khân păng hŏ hon reh văch ma toyh jêh ri geh play. Bâr mbung khân păng gŭ dăch May, Ƀiălah nuih n'hâm khân păng ƀah ngai ma May.

Yêrêmi 2:21

Bi Gâp, Gâp hŏ tăm may nâm bu du mlâm tơm krăk ƀâu dơi săch, Bơh ntil krăk ƀâu play ueh. Ƀiălah moh may ƀư rgâl lơi Jêng tơm krăk ƀâu bri âk ntil?

Yôsuê 24:12

Gâp njuăl ong bôk kla panăp khân may mprơh bar hê hađăch phung Amôrit luh bơh khân may; nây mâu di ma đao mâu lah ma na khân may ôh.