Nau Mprơ Ơm 80:8 - Nau Brah Ndu Ngơi 2023

⁸ Ntơm bơh n'gor Êjipt, May djôt sĭt jêh du mlâm tơm krăk ƀâu; May mprơh phung mpôl băl jêh ri tăm tơm nây.

Nau Mprơ Ơm 80:8 ပူးပေါင်းရင်းမြစ်များ

Nau Mprơ Ơm 31:17

Ơ Brah Yêhôva, lơi ăn geh nau bêk ma gâp Yorlah gâp vah vơl dăn ma may. Ăn phung mhĭk geh nau bêk Jêh ri gŭ rklăk tâm ƀon phung khĭt!

Nau Mprơ Ơm 44:2

May sŏk ti May nơm mprơh du phung mpôl băl bunuyh, Ƀiălah ăn phung chô yau hên gŭ ta nây; May ăn ma phung mpôl băl bunuyh rai lêk, Ƀiălah ăn ma phung chô yau hên jêng ndrŏng.

Nau Mprơ Ơm 60:3

May ăn ma phung ƀon May dơn nau rêh ni, Ăn ma hên nhêt du ntil ndrănh nhŭl ji bôk.

Nau Mprơ Ơm 78:55

Brah Ndu mprơh lĕ phung bu năch bơh nklang khân păng; Tâm nchroh tâm pă neh ƀư drăp ndơn, Njŭn phung mpôl băl Israel gŭ tâm ngih bok phung nây.

Yêrêmi 12:10

Geh âk phung rmăk biăp ƀư rai jêh đang krăk ƀâu Gâp, Jot nkrâm ta ntŭk neh Gâp, Rgâl ntŭk neh Gâp ŭch rŏng Jêng bri rdah rngot rjăp.

Yêrêmi 2:21

Bi Gâp, Gâp hŏ tăm may nâm bu du mlâm tơm krăk ƀâu dơi săch, Bơh ntil krăk ƀâu play ueh. Ƀiălah moh may ƀư rgâl lơi Jêng tơm krăk ƀâu bri âk ntil?

Êsêkiêl 15:6

Yor ri, Kôranh Brah Yêhôva lah: “Nâm bu rtau tơm krăk ƀâu ta nklang tơm si tâm krŏng Gâp sŏk ƀư long mƀăr tâm ŭnh, Gâp mra jao phung gŭ tâm ƀon Yêrusalem tâm ban pônây lĕ.

Êsêkiêl 17:6

Păng chăt hon jêng du mlâm tơm krăk ƀâu pŭm ngăn, dêh dơm. Đơ n'gĭng păng hung mpeh ma klang, reh păng sŏr jru jŭr tâm dâng neh. Pônây păng jêng du tơm krăk ƀâu geh âk n'gĭng jêh ri nkeh nse.

Êsêkiêl 19:10

Mê̆ may jêng nâm bu du tơm krăk ƀâu tâm mir Tăm jêh dăch n'hor dak. Âk n'gĭng play glet, Yor geh âk dak.

Kôranh Oh Mon 7:45

Phung chô yau he sŏk dơn jêh ngih bok nây jêh ri ndrel ma Y-Yôsuê djôt leo păng lăp tâm n'gor khân păng hŏ pit sŏk tă bơh phung mpôl băl Brah Ndu mprơh du jêh tanăp khân păng. Ngih bok nây hôm e tât ta rnôk rô̆ Y-Đavit,

Yôsuê 13:6

Bi ma lĕ rngôch phung ƀon lan gŭ tâm bri klơ dor yôk, ntơm bơh Liban tât ma Misrêpôt-Maim, lĕ rngôch phung Sidôn, Gâp nơm yơh mra mprơh khân păng luh bơh phung ƀon lan Israel. Ƀiălah may tâm pă hom bri nây ma phung Israel jêng drăp ndơn, tĭng nâm nau Gâp ntĭnh jêh ma may.