Nau Mprơ Ơm 8:3 - Nau Brah Ndu Ngơi 2023

³ Tơlah gâp n'gơr uănh lĕ ndâr trôk jêng nau kan tă bơh nglau ti Kôranh Brah, Măt khay jêh ri lĕ mănh mbing Kôranh Brah hŏ rhăk njêng jêh

Nau Mprơ Ơm 8:3 ပူးပေါင်းရင်းမြစ်များ

Nau Ntơm 1:1

Ntơm saơm, Brah Ndu rhăk njêng trôk jêh ri neh.

Ndrom Samƀŭt bơh Yôp 22:12

Mâu di bơh Brah Ndu gŭ tâm ntŭk prêh klơ, tât lĕ klơ ndâr trôk? Uănh hom phung mănh mbing prêh lơn, prêh hâu ngăn ngên!

Ndrom Samƀŭt bơh Yôp 25:3

Mbu nơm dơi kơp rnoh phung tahan Kôranh Brah? Mbu nơm dơi der đah nau ang Păng sol nchrat?

Ndrom Samƀŭt bơh Yôp 25:5

Ri, khay mâu tŏng ôh nau ang, Phung mănh mbing mâu lĕ dơi jêng kloh rsang tâm dâng măt Păng;

Ndrom Samƀŭt bơh Yôp 36:24

Kah gĭt tâm rnê hom ma kan Kôranh Brah Kon bunuyh vay mprơ tâm rnê.

Nau Mprơ Ơm 104:19

Păng njêng jêh khay gay ăn bu gĭt yan; Nar gĭt mông păng nhâp.

Nau Mprơ Ơm 111:2

Kan Brah Yêhôva jêng dŭt toyh ngăn; Lĕ rngôch phung rŏng ma păng tĭng joi kan nây.

Nau Mprơ Ơm 148:3

Hơi nar jêh ri khay, tâm rnê hom ma Păng! Hơi lĕ rngôch phung mănh mbing, tâm rnê hom ma Păng!

Nau Mprơ Ơm 19:1

Lĕ rngôch ndâr trôk mbơh nau chrêk rmah Brah Ndu. Trôk tâm mpơl kan ti Păng ƀư.

Nau Mprơ Ơm 33:6

Lĕ ndâr trôk rhăk njêng bơh nau ngơi Brah Yêhôva, Lĕ rngôch khay mănh mbing luh tă n'hâm nsôr bơh bâr mbung Păng.

Nau Mprơ Ơm 89:11

Lĕ ndâr trôk jêng ndơ May da dê, neh ntu ăt ndơ May đŏng; May rhăk njêng neh ntu jêh ri lĕ ndơ gŭ tâm păng.

Nau Ngluh Êjipt 31:18

Lôch jêh ngơi đah Y-Môis ta yôk Sinai, Brah Yêhôva ăn ma păng bar Rlat Nau Tâm Rnglăp ma lŭ tă bơh nglau ti Brah Ndu nchih.

Nau Ngluh Êjipt 8:19

Phung rƀên mbơh ma Pharaôn: “Aơ jêng nglau ti Brah Ndu.” Ƀiălah nuih n'hâm Pharaôn ăt hôm dăng, mâu ŭch tông ôh nau Y-Môis jêh ri Y-Arôn, di nâm nau Brah Yêhôva hŏ lah jêh.

Luka 11:20

Ƀiălah tơlah Gâp mprơh phung brah mhĭk tă bơh nglau ti Brah Ndu, ri mơ ƀon bri hađăch Brah Ndu hŏ tât ma khân may jêh.

Samƀŭt Pôl Njuăl Ăn Ma Phung Nsing Ta Ƀon Rôm 1:20

Lĕ nau Brah Ndu măt kon bunuyh mâu dơi saơ, nâm bu ntĭt nau brah n'ho ro jêh ri nau brah Păng nơm, ntơm bơh rhăk njêng neh ntu, bu hŏ dơn gĭt jêh rah vah tơlah ntreng uănh lĕ ndơ Păng njêng; yor nây khân păng mâu dơi koh dŏng khân păng nơm ôh.

Nau Vay Nkah Tay 4:19

Lah khân may n'gơr măt klơ trôk, jêh ri khân may saơ nar, khay, lĕ mănh mbing, lĕ rngôch phung tahan tâm trôk, lơi ăn bu đŏt rdu khân may chon mbah mâu lah yơk mbah ma khân păng, yorlah ndơ nây knŏng jêng ndơ Yêhôva Brah Ndu khân may hŏ ăn jêh ma lĕ rngôch phung ƀon lan gŭ tâm dâng neh.