Nau Mprơ Ơm 8:2 - Nau Brah Ndu Ngơi 2023

² Gay plơng phung rlăng Kôranh Brah, Păng dŏng trôm mbung kon se jê̆ jêh ri kon se dôl pu gay ma ndâk njêng nau ktang Păng, Ƀư phung rlăng jêh ri phung plơng bôk mra gŭ rklăk.

Nau Mprơ Ơm 8:2 ပူးပေါင်းရင်းမြစ်များ

Nau Mprơ Ơm 148:13

Ăn lĕ rngôch ndơ tâm rnê ma amoh Yêhôva! Yorlah knŏng amoh Păng yơh khư yơk mbah! Nau chrêk rmah Păng ta klơ lơn ma neh ntu jêh ri ma lĕ ndâr trôk.

Nau Mprơ Ơm 4:4

Klach nsâr hom jêh ri lơi ta ƀư tih ôh; Dôl gŭ bê̆ch ta klơ sưng, mĭn rvê hom tâm nuih n'hâm jêh ri gŭ rklăk. (Sêla)

Nau Mprơ Ơm 44:16

Yorlah bâr ƀư mhĭk, rak rtăp, Nơm rlăng jêh ri nơm plơng bôk.

Nau Mprơ Ơm 46:10

Gŭ rklăk hom jêh ri ăn gĭt pô aơ Gâp jêng Brah Ndu; Gâp mra geh nau yơk tâm lĕ bri dak, Gâp mra geh nau yơk mbah tâm neh ntu.

Nau Mprơ Ơm 57:6

Khân păng nthăng nhuăl tâm dâng jâng gâp, Huêng gâp mpât n'gơ. Khân păng kuyh ntu jru tanăp gâp Ƀiălah khân păng nơm tŭp ta nây. (Sêla)

Nau Ngluh Êjipt 11:7

Ƀiălah, tâm phung ƀon lan Israel, nđâp ma so mâu mra groh ma bunuyh mâu lah mpô mpa, gay ma khân may gĭt Brah Yêhôva tâm nkhah phung Êjipt êng đah phung Israel.’

Nau Ngluh Êjipt 15:16

Nau klach jêh ri nau krit tât ma khân păng; Ơ Brah Yêhôva! Yor ti nau brah May, Khân păng jêng mlo nâm bu lŭ, kŏ tât phung ƀon lan May rgăn jêh; Kŏ tât phung ƀon lan May sâm chuai rgăn lăn jêh.

Êsai 40:31

Ƀiălah mbu nơm kâp gân tâm Brah Yêhôva nanê̆ mra geh nau dăng ktang mhe, Mpăr hao prêh tâm ban ma klang, Nchuăt mâu hŏt rgănh ôh, Hăn mâu huăr rgănh ôh.

Êsai 6:3

Phung sêraphim troh ndrel jêh ri lah: “Kloh ueh, kloh ueh, kloh ueh yơh Brah Yêhôva ma phung tahan! Lam bri neh bêng ma nau chrêk rmah Păng.”

Amôt 5:9

Păng yơh ƀư ma phung ktang khĭt ndal, Ƀư rai lĕ pôih nâp.

Habakuk 2:20

Ƀiălah Brah Yêhôva gŭ tâm ngih brah kloh ueh păng; Tanăp Păng, gŭ rklăk hom lĕ rngôch bunuyh klơ neh ntu!”

Mathay 11:25

Nôk nây Brah Yêsu ngơi pô aơ: “Ơ Mbơ̆, Kôranh Brah trôk jêh ri neh ntu, Gâp tâm rnê ma Mbơ̆, yorlah Mbơ̆ pôn jêh lĕ nau nây ma bunuyh blau mĭn, bunuyh gĭt rbăng, ƀiălah tâm mpơl jêh ma phung kon se jê̆.

Mathay 21:16

jêh ri lah ma Brah Yêsu pô aơ: “May tăng lĕ nau phung kon se aơ lah?” Brah Yêsu plơ̆ lah: “Ơ, khân may mâu mâp uănh hĕ nau nchih jêh pô aơ: May geh jêh nau tâm rnê tă bơh trôm mbung kon se jê̆ jêh ri kon se dôl pu?”

Luka 10:21

Tâm mông nây, Brah Yêsu răm maak tâm Brah Huêng Ueh jêh ri lah: “Ơ Mbơ̆ jêng Kôranh Brah trôk jêh ri neh ntu! Gâp tâm rnê ma Mbơ̆ yorlah Mbơ̆ pôn jêh lĕ nau nây ma bunuyh blau mĭn jêh ri gĭt rbăng, ƀiălah tâm mpơl jêh ma phung kon se jê̆! N'hêl nanê̆ ngăn, ơ Mbơ̆, yorlah nau nây ƀư ueh nau mĭn Mbơ̆ ŭch.

I Kôrintô 1:27

Ƀiălah Brah Ndu hŏ săch lĕ nau rluk mâl tâm neh ntu gay ƀư bêk prêng phung blau mĭn; Brah Ndu săch jêh lĕ nau rdja tâm neh ntu gay ƀư bêk prêng phung ktang.

I Samuel 2:9

Păng mra mât mray lĕ nhuat jâng phung gŭ răp jăp đah Păng; Bi ma phung mhĭk djơh Păng mra ƀư rai khân păng tâm ntŭk ngo klĕng; Yorlah bunuyh mâu mra dơi ôh đah nau ktang.