Nau Mprơ Ơm 79:9 - Nau Brah Ndu Ngơi 2023

⁹ Ơ Brah Ndu jêng Nơm tâm rklaih hên, dăn kơl hên, Yorlah nau chrêk rmah tâm amoh May; Dăn May tâm rklaih jêh ri yô̆ ma nau tih hên, Ma yor amoh May.

Nau Mprơ Ơm 79:9 ပူးပေါင်းရင်းမြစ်များ

II Nau Rêh Jêng 14:11

Y-Asa nter vơl ma Yêhôva Brah Ndu păng: “Ơ Brah Yêhôva! Padih Kôranh Brah, mâu geh bunuyh kơl phung ra ai dơi lơh phung dăng. Ơ Yêhôva Brah Ndu hên ơi, dăn kơl hên, yorlah hên rnơm nsing ma May. Ma amoh Kôranh Brah, hên tâm rđâng đah phung tahan âk râk aơ. Ơ Brah Yêhôva ơi! May jêng Brah Ndu hên. Lơi ta ăn kon bunuyh dơi đah Kôranh Brah!”

Nau Mprơ Ơm 115:1

Ơ Brah Yêhôva, yor nuih n'hâm ueh jêh ri nau răp jăp May, Nau chrêk rmah mâu jêng ndơ ma hên, mâu jêng ndơ ma hên. Ƀiălah khư jêng ndơ ma amoh May yơh!

Nau Mprơ Ơm 25:11

Ơ Brah Yêhôva! Yor amoh May, Yô̆ an ma gâp, yorlah gâp ƀư tih jâk.

Nau Mprơ Ơm 31:3

Yorlah Kôranh Brah jêng lŭ toyh ngăn jêh ri pôih nâp gâp; Yor ma amoh May, njŭn leo gâp.

Nau Mprơ Ơm 65:3

Nđâp tơlah nau djơh mhĭk dơi lơn ma gâp, Ƀiălah May yô̆ an nau tih hên.

Êsai 43:25

Gâp, Gâp yơh jêng Nơm yor Gâp nơm Jut lơi lĕ nau tih may, Gâp mâu mra kah gĭt ôh ma nau tih may.

Êsai 48:9

Yor amoh Gâp dĭng Gâp ât lơi nau ji nuih; Yor nau chrêk rmah Gâp dĭng Gâp nkân lơi nau ji nuih đah may, Gay ma mâu ƀư rai may.

Yêrêmi 14:21

Yor amoh May, lơi ta mƀăr lơi, Lơi ta uănh dơm dam ôh sưng hađăch chrêk lơp May. Ăn May kah gĭt tay jêh ri lơi ta ngroh lơi Nau tâm rnglăp May hŏ njêng ma hên.

Yêrêmi 14:7

“Ơ Brah Yêhôva, nđâp lah nau mhĭk hên ƀư mbơh nau tâm rdâng đah hên, Ăn yor amoh May ƀư yơh! Yorlah âk tơ̆ hên mâu răp jăp đah May; Hên hŏ ƀư tih đah may jêh.

Êsêkiêl 20:14

Ƀiălah Gâp hŏ ƀư yor amoh Gâp gay ma amoh nây bu mâu ƀư ƀơ̆ tanăp phung ƀon lan êng, jêng phung ƀon lan hŏ saơ jêh Gâp leo khân păng du luh tă bơh khân păng.

Êsêkiêl 20:44

Khân may mra gĭt Gâp jêng Brah Yêhôva tơlah Gâp mra yor amoh Gâp nơm gay vơt khân may mâu tĭng ôh trong mhĭk jêh ri kan pah mhĭk khân may ƀư. Hơi ngih Israel, Kôranh Brah Yêhôva lah pônây.’”

Êsêkiêl 20:9

Ƀiălah Gâp ƀư yor ma amoh Gâp nơm, gay ăn amoh nây bu mâu mưch ôh tanăp măt lĕ phung bu năch, ntŭk khân păng dôl gŭ. Tanăp măt phung ndŭl mpôl nây, Gâp mpơl jêh Gâp nơm ma khân păng gĭt dôl leo khân păng du luh tă bơh n'gor bri Êjipt.

Daniel 9:19

Ơ Kôranh Brah, iăt hom! Ơ Kôranh Brah, yô̆ an hom! Ơ Kôranh Brah, uănh ntreng hom jêh ri ƀư! Ơ Brah Ndu gâp, yor amoh May, lơi ta rlu; yorlah ƀon May jêh ri phung ƀon lan May dơi rnha jêh ma amoh May!”

Daniel 9:9

Nau yô̆ nđach jêh ri yô̆ an jêng tâm Kôranh Brah da dê jêng Brah Ndu hên, yorlah hên ƀư nau tâm rdâng jêh đah May.

Malachi 2:2

Tơlah khân may mâu iăt ôh, jêh ri mâu mĭn ôh nhhơr nau chrêk ma lơp ma amoh Gâp pôri Gâp mra rak rtăp khân may, jêh ri mra rgâl nau ueh uĭn khân may jêng nau rak rtăp. Ngăn ro, Gâp hŏ rak rtăp jêh, yorlah khân may mâu mĭn ôh nau yơk ma Gâp.” Brah Yêhôva ma phung tahan lah kơt nây.

Êphêsô 1:6

gay ma tâm rnê ma nau yô̆ chrêk rmah Păng hŏ ăn jêh ma he tâm Kon Păng rŏng ngăn ngên!

Yôsuê 7:9

Phung Kanaan jêh ri lĕ rngôch phung gŭ tâm bri nây mra tăng nau nĕ, mra nchueng hên jêh ri jut lơi amoh hên bơh neh. Nôk nây, mâm May mra ƀư amoh May jêng toyh?”