Nau Mprơ Ơm 79:8 - Nau Brah Ndu Ngơi 2023

⁸ Lơi May kah gĭt tay lĕ nau tih mhĭk phung chô yau hên gay ma rmal hên ôh; Ăn nau May yô̆ nđach văch gơnh vơt rom hên, Yorlah hên rêh ni hâu ngăn ngên.

Nau Mprơ Ơm 79:8 ပူးပေါင်းရင်းမြစ်များ

Nau Ntơm 15:16

Tât rô̆ tal puăn, phung kon sau may mra plơ̆ sĭt ta aơ, yorlah nau djơh mhĭk phung Amôrit ê hŏ nă rĭng.”

I Phung Hađăch 17:18

Bu ur nây lah ma Y-Êli: “Hơi bunuyh Brah Ndu, moh nau gâp ƀư rsuak ma may? Di lĕ may hŏ văch tât ma ngih gâp gay ŭch nkah tay lĕ nau tih gâp jêh ri ƀư ăn kon bu klâu gâp khĭt?”

Nau Mprơ Ơm 106:43

Âk tơ̆ Kôranh Brah tâm rklaih khân păng, Ƀiălah khân păng sâl tâm rdâng đah Păng. Jêh ri gŭ ngâm tâm nau tih.

Nau Mprơ Ơm 116:6

Brah Yêhôva king n'gang phung tông bâr; Nôk gâp rêh ni, Păng rklaih jêh gâp.

Nau Mprơ Ơm 130:3

Ơ Brah Yêhôva, tơlah May kah gĭt prăp nau kue, Ơ Kôranh Brah! Mbu nơm hôm dơi rêh?

Nau Mprơ Ơm 142:6

Dăn May iăt nau gâp nter, Yor gâp jêng rêh ni ngăn ngên. Sâm rklaih an gâp bơh phung ƀư mhĭk đah gâp Yor khân păng ktang lơn ma gâp.

Nau Mprơ Ơm 21:3

Yorlah Kôranh Brah sŏk nau ueh uĭn jêh ri vơt dơn păng; Ndô đon hađăch ta klơ bôk păng ma mah chrêk.

Nau Mprơ Ơm 25:7

Lơi ta kah gĭt lĕ nau tih gâp, dôl hôm ndăm, mâu lah nau tâm rdâng gâp; Ơ Brah Yêhôva, kah gĭt tât ma gâp tĭng nâm nau yô̆ nđach Jêh ri nuih n'hâm ueh May.

Nau Ngluh Êjipt 32:34

Ƀiălah aƀaơ, hăn hom, njŭn leo phung ƀon lan ta ntŭk Gâp hŏ ntĭm ma may. Aơ, tông mpăr Gâp mra hăn lor ma may. Ƀiălah, ta nar nau rmal, Gâp mra tâm rmal nau tih khân păng.”

Êsai 64:9

Ơ Brah Yêhôva, lơi nuih rlau keh ôh, Mâu lĕ kah gĭt n'ho ro ma nau tih hên! Aơ, hên dăn May mêt uănh, Lĕ rngôch hên jêng phung ƀon lan May.

Êsêkiêl 2:3

Păng lah ma gâp: “Hơi kon bunuyh, Gâp prơh may hăn tât ma phung ƀon lan Israel, hăn tât ma phung vay mơng tâm rdâng đah Gâp. Khân păng jêh ri phung chô yau khân păng ƀư tih vay mơng tâm rdâng đah Gâp kŏ tât nar aơ.

Daniel 9:16

Ơ Kôranh Brah, tĭng nâm lĕ nau sŏng srăng May, gâp dăn ma May djoh ji nuih jêh ri rlu nau ji nuih đah ƀon Yêrusalem May, nây jêng yôk kloh ueh May, yorlah nau tih hên jêh ri nau mhĭk phung chô yau hên, lĕ rngôch phung gŭ jŭm hên ngơi djơh ma ƀon Yêrusalem jêh ri phung ƀon lan May.

Ndrom Samƀŭt bơh Ôsê 8:13

Nđâp tơlah khân păng nhhơr mpa ƀư brah ma Gâp Jêh ri sa puăch mpa ƀư brah, Ƀiălah Brah Yêhôva ăt mâu sŏk dơn khân păng. Abaơ Păng kah gĭt tay nau djơh mhĭk khân păng Jêh ri tâm rmal nau tih khân păng; Khân păng mra plơ̆ sĭt ma n'gor Êjipt!

Ndrom Samƀŭt bơh Ôsê 9:9

Khân păng lĕ rlâm rai jru hâu ngăn Nâm bu tâm lĕ nar Gibêa. Brah Ndu mra kah gĭt tay nau tih mhĭk khân păng, Jêh ri mra tâm rmal nau tih khân păng.

Nau Vay Nkah Tay 28:43

Phung bunuyh bu năch gŭ ta nklang khân may ƀrư̆ nar ƀrư̆ hao lơn đah khân may ƀaƀơ; bi ma khân may mra ƀrư̆ nar ƀrư̆ jŭr.

Nau Tâm Mpơl 18:5

Yorlah nau tih păng bun prêh tât ta klơ trôk. Jêh ri Brah Ndu kah gĭt ma nau tih mhĭk păng.