Nau Mprơ Ơm 78:8 - Nau Brah Ndu Ngơi 2023

⁸ Jêh ri ăn khân păng mâu tâm ban ôh ma phung chô yau khân păng, Jêng ndŭl mpôl dăng bôk jêh ri uh ah, Du ndŭl mpôl mâu geh nuih n'hâm nâp Jêh ri mâu geh răp jăp đah Brah Ndu.

Nau Mprơ Ơm 78:8 ပူးပေါင်းရင်းမြစ်များ

II Phung Hađăch 17:14

Ƀiălah, khân păng mâu iăt nau jêh ri dăng ko nâm bu phung chô yau khân păng, jêng phung mâu chroh ôh ma Yêhôva Brah Ndu khân păng.

II Nau Rêh Jêng 12:14

Y-Rôbôam ƀư nau mhĭk yorlah păng mâu joi Brah Yêhôva ma lĕ nuih n'hâm.

II Nau Rêh Jêng 19:3

Ƀiălah tâm may hôm geh nau ueh, yorlah may pih kloh jêh lĕ rup brah Asêrah ngluh lơi bơh n'gor bri, jêh ri lĕ nuih n'hâm tǐng joi Brah Ndu.”

II Nau Rêh Jêng 20:33

Ƀiălah păng mâu ƀư rai ôh lĕ ntŭk prêh klơ, jêh ri phung ƀon lan ê hŏ prăp ôh nuih n'hâm khân păng ma Brah Ndu phung chô yau păng nơm.

II Nau Rêh Jêng 30:19

“Dăn ma Brah Yêhôva jêng Nơm ueh, yô̆ an nau tih ma lĕ rngôch bunuyh hŏ lĕ nuih n'hâm tĭng joi Yêhôva Brah Ndu phung chô yau khân păng, nđâp lah mâu hŏ di ôh nau vay ƀư kloh tâm ngih brah kloh ueh gay ƀư kloh khân păng nơm.”

II Nau Rêh Jêng 30:7

Lơi ta kơt nâm bu phung che jêh ri phung oh nâu khân may ôh, khân păng hŏ ƀư tih mâu ŭch gŭ răp jăp ma Yêhôva Brah Ndu phung chô yau khân păng, kŏ tât Păng ƀư rai jêh khân păng tĭng nâm khân may hŏ saơ jêh.

Ndrom Samƀŭt bơh Yôp 11:13

Pônây tơlah may ndrăp nuih n'hâm may nơm ăn jêng sŏng. Jêh ri yơr ti rle mpeh Kôranh Brah,

Nau Mprơ Ơm 106:7

Dôl phung chô yau hên gŭ tâm bri Êjipt, Khân păng mâu gĭt rbăng lĕ nau mbên khlay May, Mâu lĕ kah gĭt nuih n'hâm ueh May rmeh ler, Ƀiălah ƀư nau tâm rdâng ta kơh dak mƀŭt, nây jêng Dak Mƀŭt Chăng.

Nau Mprơ Ơm 68:6

Brah Ndu ƀư ma phung rêh rngloi geh ngih gŭ, Njŭn phung dĭk bu tât ma nau ndrŏng kuăng, Ƀiălah ăn phung mâu gŭ răp jăp mra gŭ tâm neh sơh.

Nau Mprơ Ơm 78:37

Nuih n'hâm khân păng mâu jêng nâp ôh đah Brah Ndu, Khân păng mâu đŏng gŭ răp jăp đah nau Brah Ndu tâm rnglăp.

Nau Mprơ Ơm 78:40

Âk tơ̆ jêh khân păng ƀư nau tâm rdâng đah Brah Ndu tâm bri rdah, Jêh ri ƀư rngot ma Brah Ndu tâm ntŭk rngol!

Nau Mprơ Ơm 78:56

Nđâp lah pônây khân păng ăt rlong uănh Jêh ri tâm rdâng đah Brah Ndu Nơm Dŭt Prêh, Mâu tĭng djôt prăp ôh nau Brah Ndu ntĭnh.

Nau Ngluh Êjipt 32:9

Yêhôva lah đŏng ma Y-Môis: “Gâp hŏ uănh saơ jêh phung ƀon lan aơ, jêng du phung ƀon lan dăng ko.

Nau Ngluh Êjipt 33:3

gay leo khân may tât ta n'gor bêng ma dak toh jêh ri dak sŭt; ƀiălah Gâp mâu mra hăn ôh ndrel ma khân may, yorlah khân may jêng du phung ƀon lan dăng ko, klach lah Gâp mra ƀư rai khân may rŏ trong.”

Nau Ngluh Êjipt 33:5

Yorlah Brah Yêhôva hŏ lah jêh ma Y-Môis: “Lah hom ma phung ƀon lan Israel: ‘Khân may jêng phung ƀon lan dăng ko, tơlah Gâp hăn ndrel ma khân may knŏng ƀât lât, Gâp mra ƀư rai khân may! Pôri, aƀaơ, doh lơi hom ndơ nkrơ̆ khân may, gay ma Gâp gĭt moh Gâp mra ƀư ma khân may.’”

Nau Ngluh Êjipt 34:9

Păng ngơi: “Ơ Kôranh Brah! Tơlah gâp geh nau yô̆ tanăp măt Kôranh Brah, dăn Kôranh Brah hăn ndrel hên. Nđâp lah aơ jêng phung ƀon lan dăng ko, dăn Kôranh Brah yô̆ an ma nau djơh mhĭk jêh ri nau tih hên jêh ri dơn hên jêng drăp ndơn Kôranh Brah.”

Êsai 30:9

Yorlah khân păng jêng du phung ƀon lan tâm rdâng, Jêng phung kon mƀruh, Phung kon mâu ŭch iăt ôh Nau ntrŭnh bơh Brah Yêhôva.

Êsêkiêl 20:18

Gâp lah ma phung kon sau khân păng tâm bri rdah pô aơ: ‘Lơi ta khân may tĭng nau vay dăp mbơ̆ khân may, lơi djôt prăp nau vay ƀư mbơ̆ khân may, mâu lĕ djôt prăp nau khân păng ntĭnh mâu lah ƀư ƀơ̆ khân may nơm ma yor phung rup brah khân păng.

Êsêkiêl 20:8

Ƀiălah khân păng ŭch tâm rdâng đah Gâp jêh ri mâu ŭch iăt Gâp ôh; ăp nơm mâu mƀăr ôh lĕ nau ƀơ̆ măt khân may jêh ri mâu chalơi phung rup brah bri Êjipt. Rnôk nây, Gâp lah pô aơ Gâp mra nkhŭt nau Gâp ji nuih ta klơ khân păng, nkhŭt lĕ nau ji nuih Gâp mra tâm rdâng ma khân păng ta nklang bri Êjipt.

Kôranh Oh Mon 11:23

Tơlah păng tât jêh ta nây jêh ri saơ nau yô̆ Brah Ndu ăn. Păng răm maak jêh ri nsŭk nsôr lĕ rngôch bunuyh nâp nuih n'hâm tĭng Kôranh Brah;

Kôranh Oh Mon 7:51

Hơi phung bunuyh dăng ko, nuih n'hâm jêh ri tôr ê hŏ koh ntâu ri! Khân may tâm rdâng mro đah Brah Huêng Ueh. Phung chô yau khân may tâm ban ma khân may!

Nau Vay Nkah Tay 31:27

yorlah gâp gĭt nau tâm rdâng jêh ri nau dăng bôk khân may. Nar aơ, dôl gâp hôm e rêh ndrel khân may khân may hŏ tâm rdâng đah Brah Yêhôva, sa ang lah gâp lĕ khĭt!

Nau Vay Nkah Tay 4:4

Ƀiălah khân may jêng phung gŭ răp jăp đah Yêhôva Brah Ndu khân may, ăt hôm e rêh kŏ tât ta nar aơ.

Nau Vay Nkah Tay 9:13

Brah Yêhôva hôm lah ma gâp: ‘Gâp hŏ saơ jêh phung ƀon lan aơ jêng du phung ƀon lan dăng bôk!

Nau Vay Nkah Tay 9:24

Ntơm bơh nar gâp gĭt năl khân may tât aƀaơ, khân may tâm rdâng ƀaƀơ đah Brah Yêhôva.

Yôsuê 22:15

Khân păng văch ma phung Ruben, phung Gat, jêh ri du n'gul ndŭl mpôl Manasê tâm bri Gilêat jêh ri lah:

I Samuel 8:8

Tâm ban nau khân păng ƀư đah Gâp ntơm bơh Gâp ngluh khân păng du luh bơh n'gor bri Êjipt n'ho tât nar aơ: Khân păng hŏ dun chalơi jêh Gâp gay pah kan ma lĕ brah êng, nar aơ khân păng ƀư đŏng ma may kơt nĕ!