Nau Mprơ Ơm 78:58 - Nau Brah Ndu Ngơi 2023

⁵⁸ Khân păng nsônh nuih Kôranh Brah yor lĕ ntŭk prêh, Ƀư ma Păng ji nuih yor lĕ rup trah.

Nau Mprơ Ơm 78:58 ပူးပေါင်းရင်းမြစ်များ

I Phung Hađăch 11:10

hŏ ntĭnh jêh ma hađăch lơi ta tĭng phung brah êng ôh, ƀiălah hađăch mâu tông bâr ôh nau ntăm bơh Brah Yêhôva.

I Phung Hađăch 11:7

Nôk nây, Y-Salômôn ndâk đŏng du ntŭk prêh ta klơ yôk tâm tra đah ƀon Yêrusalem ăn ma brah Chêmôs jêng brah dŭt mhĭk tâm phung Môap, jêh ri ăn ma brah Môlek jêng brah dŭt mhĭk tâm phung Ammôn.

I Phung Hađăch 12:31

Y-Jêrôbôam ƀư tay đŏng tâm ntŭk yơk mbah ta klơ lĕ ntŭk prêh, săch bunuyh tâm nklang phung ƀon lan jêh ri njêng khân păng ƀư kôranh brah, mâu di săch bunuyh tâm noi deh Lêvi.

II Phung Hađăch 17:9

Phung ƀon lan Israel ƀư lĕ nau mâu di tâm nau ndâp, ŭch tâm rdâng đah Yêhôva Brah Ndu khân păng. Khân păng ndâk lĕ ntŭk prêh klơ tâm lĕ rngôch ƀon, ntơm bơh ngih tŭm gak tât ma ƀon geh pôih nâp.

II Phung Hađăch 21:7

Bi ma rup brah Asêrah păng hŏ ƀư, pôri păng ndâk tâm trôm ngih Brah Yêhôva lah jêh ma Y-Đavit jêh ri Y-Salômôn, kon bu klâu păng, pô aơ: “Tâm ngih aơ jêh ri ta ƀon Yêrusalem, ntŭk Gâp lĕ săch jêh tâm lĕ rngôch ndŭl mpôl phung Israel, jêng ntŭk Gâp mra dơm amoh Gâp gŭ n'ho ro.

II Nau Rêh Jêng 21:11

Hađăch ndâk đŏng lĕ ntŭk prêh klơ lĕ yôk Yuđa, ƀư ăn phung ƀon lan gŭ tâm ƀon Yêrusalem yơk mbah rup brah, jêh ri njŭn leo phung Yuđa hăn lăp trong nhhơt.

Nau Mprơ Ơm 79:5

Ơ Brah Yêhôva! Ndah jŏ? May mra ji nuih mro mrăng lĕ? Nau May ntôn mra hit nâm bu ŭnh sa boh?

Nau Mprơ Ơm 97:7

Ăn lĕ rngôch ma phung mbah rup brah, Jêh ri phung ngơi blă blơ ma rup brah geh nau bêk prêng da dê. Ơ lĕ brah, yơk mbah hom ma Brah Yêhôva!

Nau Ngluh Êjipt 34:14

Lơi yơk mbah ôh ma brah êng, yorlah Brah Yêhôva, amoh Păng jêng Nơm blau ntôn; nanê̆ Păng jêng Brah Ndu blau ntôn.

Yêrêmi 8:19

Aơ, geh bâr bu ur ƀon lan gâp kuăl rklaih, Plơ̆ sĭt bơh bri ngai ngăn: “Brah Yêhôva mâu hôm gŭ tâm ƀon Siôn hĕ? Hađăch Siôn mâu hôm gŭ tâm ƀon nây hĕ?” “Mâm ƀư khân păng dŏng rup trah khân păng Jêh ri brah dơm dam phung bu năch, Ƀư srônh ji nuih Gâp?”

Ndrom Samƀŭt bơh Ôsê 13:2

Aƀaơ, khân păng ƀư tih lơ hâu âk lơn; Khân păng ƀư ma khân păng nơm âk ma lĕ rup brah tŏ chiăr, Sŏk ma blau mĭn khân păng nơm tŏ chiăr lĕ rup brah ma prăk; Lĕ rngôch jêng nau kan bơh bunuyh blau rhăk! Bu lah ma phung nhhơr ndơ ƀư brah pô aơ: “Kon bunuyh chŭm nkhơng ndrôk kon!”

Kan Lêvi 26:30

Gâp mra ƀư rai ta lĕ ntŭk prêh khân may, kăl lơi lĕ nơng ƀư brah gŭch ndơ ƀâu kah jêh ri bun săk jăn khĭt khân may ta klơ rup brah khân may. Nuih n'hâm Gâp mra ƀơ̆ ƀơch ma khân may.

Nau Kơp Bunuyh 33:52

ăn khân may mprơh lĕ rngôch phung ƀon lan tơm bri luh bơh panăp khân may, ƀư rai lĕ rngôch rup brah trah jêh ri rup tŏ jêh ri ƀư rai lĕ rngôch ntŭk prêh khân păng.

I Kôrintô 10:22

Mâu lah he ŭch ƀư ma Kôranh Brah ntôn lĕ? He ktang lơn ma Păng lĕ?

Nau Vay Nkah Tay 12:2

Ăn khân may ƀư rai lơi lĕ rngôch ntŭk phung ndŭl mpôl khân may mra mprơh, ntŭk khân păng hŏ pah kan jêh ma phung brah khân păng, mâu lah ta klơ yôk prêh, ta klơ gôl mâu lah tâm dâng ăp tơm si ndrêh.

Nau Vay Nkah Tay 12:4

Lơi yơk mbah ma Yêhôva Brah Ndu khân may tĭng nâm phung ƀon lan nây mbah ma brah khân păng.

Nau Vay Nkah Tay 27:15

‘Rak rtăp ma nơm ƀư rup trah mâu lah rup tŏ, jêng ndơ Brah Yêhôva tâm rmot ngăn, jêng ndơ bơh ti blau bunuyh ƀư, jêh ri ndâk ndơ nây tâm ntŭk ndâp gay mbah!’ Ăn lĕ rngôch phung ƀon lan mra plơ̆ lah: ‘Amen!’

Nau Vay Nkah Tay 32:21

Khân păng nsônh ăn Gâp ji nuih đah brah mâu di jêng Brah Ndu ôh, Ƀư ma Gâp ji nuih yorlah nau dơm dam bơh khân păng; Gâp ƀư đŏng ăn ma khân păng ntôn đah du phung ndŭl mpôl mâu di jêng phung ndŭl mpôl, Jêh ri ƀư ăn khân păng ji nuih yorlah du phung ƀon lan rluk.

Phung Kôranh Phat Dôih 10:6

Phung ƀon lan Israel plơ̆ ƀư tay nau djơh tanăp măt Brah Yêhôva. Khân păng pah kan ma brah Baal jêh ri brah Astarôt, nđâp lĕ brah phung ƀon lan Aram, lĕ brah phung ƀon lan Sidôn, lĕ brah phung ƀon lan Môap, lĕ brah phung ƀon lan Ammôn, jêh ri lĕ brah phung ƀon lan Philistin. Khân păng chalơi Brah Yêhôva, mâu hôm ôh pah kan ma Păng.

Phung Kôranh Phat Dôih 2:17

Ƀiălah khân păng mâu ŭch iăt đŏng nau ngơi phung kôranh phat dôih yorlah khân păng ƀư nau văng tĭr đah phung brah êng jêh ri chon mbah panăp phung brah nây. Khân păng gơnh chalơi trong phung chô yau khân păng hŏ hăn jêh, mâu kơt tĭng ôh phung chô yau khân păng djôt prăp lĕ nau vay Brah Yêhôva ntăm.

Phung Kôranh Phat Dôih 2:20

Yor ri, Brah Yêhôva hao ji nuih ma phung Israel, jêh ri Păng lah: “Yorlah phung ƀon lan mâu gŭ răp jăp ma nau tâm rnglăp Gâp hŏ ntăm ma phung chô yau khân păng, jêh ri yorlah khân păng mâu ŭch tông ôh bâr Gâp,

Phung Kôranh Phat Dôih 3:19

Hôm păng, nôk hăn tât ta rup lŭ gŭ dăch Gilgal, plơ̆ tay jêh ri lah: “Hơi hađăch, gâp geh du nau ndâp ŭch mbơh ma may.” Jêh ri hađăch ntĭnh: “Gŭ rklăk!” Lĕ rngôch phung kâp kơl păng hăn luh ro.