Nau Mprơ Ơm 78:55 - Nau Brah Ndu Ngơi 2023

⁵⁵ Brah Ndu mprơh lĕ phung bu năch bơh nklang khân păng; Tâm nchroh tâm pă neh ƀư drăp ndơn, Njŭn phung mpôl băl Israel gŭ tâm ngih bok phung nây.

Nau Mprơ Ơm 78:55 ပူးပေါင်းရင်းမြစ်များ

Nau Mprơ Ơm 44:2

May sŏk ti May nơm mprơh du phung mpôl băl bunuyh, Ƀiălah ăn phung chô yau hên gŭ ta nây; May ăn ma phung mpôl băl bunuyh rai lêk, Ƀiălah ăn ma phung chô yau hên jêng ndrŏng.

Nau Mprơ Ơm 44:3

Yorlah mâu yor ma đao khân păng dơi geh n'gor, Mâu lĕ yor ma ti khân păng dơi jêh, Ƀiălah yor ti ma May, Nting tur ti jêh ri ma nau ang muh măt May yơh, Yorlah May rŏng ma khân păng.

Êsai 34:17

Brah Ndu yơh hŏ ƀư nau tâm nchroh ma bu, Ti Păng dŏng rse veh tâm pă kô̆ ma khân păng. Lĕ mpô mpa bri aơ mra pit sŏk neh nây n'ho ro, Jêh ri gŭ ta nây ntơm bơh rnôk aơ tât rnôk ri.

Nau Kơp Bunuyh 33:54

Nchroh n'hôr hom gay tâm pă n'gor tĭng nâm ndŭl mpôl khân may. Ndŭl mpôl âk lơn ăn khân may ăn drăp ndơn toyh lơn; hôm ma ndŭl mpôl djê̆ ăn khân may ăn drăp ndơn jê̆ lơn. Ăp nơm mra dơn kô̆ păng nơm tĭng nâm nau nchroh n'hôr păng geh dơi. Ăt tĭng ăp ndŭl mpôl phung chô yau khân may gay tâm pă n'gor.

Yôsuê 13:7

Pônây aƀaơ ri, tâm pă hom bri nây ma sĭn ndŭl mpôl, jêh ri ma du n'gul ndŭl mpôl Manasê.”

Yôsuê 19:51

Nĕ jêng lĕ drăp ndơn kôranh ƀư brah Y-Êlêasar, Y-Yôsuê, kon bu klâu Y-Nun, jêh ri phung kôranh ndŭl mpôl lĕ ndŭl mpôl Israel nchroh n'hôr tâm pă ta ƀon Silô, ta Ngih Bok Nau Tâm Rƀŭn Brah Yêhôva. Pônây, khân păng tâm pă bri lôch jêh.

Yôsuê 21:43

Pônây, Brah Yêhôva ăn ma phung Israel lĕ bri Păng ton jêh ăn ma khân păng pit sŏk jêh ri gŭ tâm bri nây.

Yôsuê 23:4

Aơ, gâp nchroh n'hôr jêh ăn neh ma lĕ ndŭl mpôl khân may jêng drăp ndơn khân may jêh ri nđâp ma lĕ rngôch neh phung gâp ƀư rai jêh, bơh dak krong Yurdan tât ta Dak Mƀŭt Toyh, mpeh nhâp nar.