Nau Mprơ Ơm 78:5 - Nau Brah Ndu Ngơi 2023

⁵ Păng njêng jêh nau ntĭnh ma Yakôb, Dơm du nau vay tâm phung Israel, Jêh ri ntrŭnh nau ntăm ma phung chô yau he Ntĭm nti tay hom ma phung kon sau khân păng;

Nau Mprơ Ơm 78:5 ပူးပေါင်းရင်းမြစ်များ

Nau Ntơm 18:19

Gâp săch jêh păng gay ntĭm nti ma phung kon sau jêh ri noi deh păng nar kăndơ̆ gĭt djôt prăp trong Brah Yêhôva, ƀư nau sŏng srăng jêh ri nau di, gay ăn Brah Yêhôva ƀư n'hêl nê̆ nau Păng hŏ ton jêh đah Y-Abraham.”

Nau Mprơ Ơm 119:152

Bơh kăl e ri, bơh nau May ntĭnh, gâp gĭt rah vah May yơh rdâk khân păng kŏ tât n'ho ro.

Nau Mprơ Ơm 147:19

Păng tâm mpơl nau Păng ngơi ma Yakôb, Nau vay dăp jêh ri nau vay Păng ƀư ma phung Israel.

Nau Mprơ Ơm 19:7

Nau vay Brah Yêhôva jêng nŭm rĭng, Ntop nau rêh tâm huêng Nau ntĭnh bơh Brah Yêhôva jêng nanê̆, Ƀư ma phung rluk mâl jêng blau mĭn.

Nau Mprơ Ơm 81:5

Păng rdâk nau nây jêng nau mbơh ma Yôsep Tơlah păng hăn tâm lơh đah bri Êjipt. Gâp tăng du ntil nau ngơi gâp mâu gĭt:

Nau Ngluh Êjipt 12:27

Ăn khân may ơh: ‘Kan aơ jêng nhhơr mpa ƀư brah ma Nau Găn tanăp Brah Yêhôva. Yorlah nôk ƀư nau nđêh nji phung Êjipt, Păng hŏ găn lĕ ngih phung Israel jêh ri rklaih ngih phung he.’”

Nau Ngluh Êjipt 25:16

Ăn may dơm tâm trôm hip Nau Tâm Rnglăp Gâp mra ăn ma may.”

Nau Ngluh Êjipt 25:21

Ăn may dơm ndrŭp nau yô̆ ta klơ hip jêh ri dơm tâm trôm nây Rlat Nau Tâm Rnglăp Gâp mra ăn ma may.

Nau Ngluh Êjipt 40:20

Păng sŏk Rlat Nau Tâm Rnglăp dơm tâm hip, nsro mâng tung, dơm ndrŭp nau yô̆ ta klơ

Nau Ngluh Êjipt 40:3

Dơm hom Hip Nau Tâm Rnglăp ta nây jêh nây sŏk bok nkŭm hip nây.

Êsai 38:19

Nơm rêh, knŏng nơm gŭ rêh yơh, mra tâm rnê lah ueh ma May, Tâm ban ma gâp ƀư nar aơ. Phung ƀư mbơ̆ ntĭm hom kon khân păng Gĭt năl nau răp jăp May.

Êsai 8:20

Hăn tĭng hom nau vay jêh ri nau mbơh! Tơlah khân păng mâu ngơi tâm ban pônây, n'hêl nanê̆ mâu mra geh nau ƀhit rvi ang ma khân păng ôh.

Samƀŭt Pôl Njuăl Ăn Ma Phung Nsing Ta Ƀon Rôm 3:2

Nau khlay tâm lĕ rngôch ntil. Lor lơn, nau ngơi Brah Ndu ăn ma phung Yuđa

Êphêsô 6:4

Hơi phung mbơ̆, lơi ƀư ma oh kon khân may ji nuih, ƀiălah mât rong hom khân păng tâm di keh jêh ri nau ntĭm nti tâm Kôranh Brah.

Nau Vay Nkah Tay 11:19

Ăn khân may ntĭm lĕ nau ngơi nây ma phung kon khân may, jêh ri nkah đŏng nôk khân may gŭ tâm vâl tâm ban ma dôl khân may hăn rŏ trong, dôl khân may lâng săk bê̆ch nđâp ma nôk khân may dâk.

Nau Vay Nkah Tay 31:13

Phung kon sau khân păng jêng phung ê mâp gĭt ôh nau vay nây mra dơi iăt jêh ri dơi nti nau klach yơk ma Yêhôva Brah Ndu khân may, tâm lĕ năng nar khân may dơi rêh tâm n'gor khân may mra pit in, jêh khân may rgăn dak krong Yurdan.”

Nau Vay Nkah Tay 32:46

Y-Môis ntĭnh ma khân păng: “Djôt prăp hom tâm nuih n'hâm lĕ rngôch nau ngơi gâp mbơh jêh ma khân may nar aơ, jêh ri ntuh tay ma phung kon sau khân may gay ma khân păng dơi njrăng tĭng kơt lĕ rngôch nau ngơi tâm nau vay aơ.

Nau Vay Nkah Tay 4:45

Aơ jêng lĕ nau ntrŭnh jêh ri lĕ nau vay dăp jêh ri lĕ nau vay ƀư bơh Y-Môis ngơi jêh ma phung ƀon lan Israel, nôk khân păng luh bơh n'gor Êjipt,

Nau Vay Nkah Tay 6:7

Ăn gơih ntĭm nti hom nau nây ma phung kon khân may, jêh ri nkah hom dôl khân may gŭ tâm vâl tâm ban ma nôk hăn trong, dôl khân may gŭ bê̆ch tâm ban ma nôk kah rngăl bê̆ch.