Nau Mprơ Ơm 78:49 - Nau Brah Ndu Ngơi 2023

⁴⁹ Păng nkhŭt ta klơ khân păng ŭnh ji nuih ktang, Nau ji nuih, nau suai rak jêh ri nau mhĭk tât, Nây jêng lĕ rngôch du phung tông mpăr dơi njuăl văch gay ƀư rai.

Nau Mprơ Ơm 78:49 ပူးပေါင်းရင်းမြစ်များ

II Samuel 24:16

Tơlah tông mpăr yơr ti gay ƀư rai ma Yêrusalem, Brah Yêhôva tâm rgâl nau mĭn ma nau ƀư mhĭk nây, jêh ri lah ma tông mpăr nơm gŭ ƀư rai phung ƀon lan: “Găp jêh! Aƀaơ ri rhuăt hom ti may.” Rnôk nây taơ, tông mpăr Brah Yêhôva gŭ êp ntŭk mprah ba Y-Arauna, bunuyh Jêbusit.

Ndrom Samƀŭt bơh Yôp 1:12

Brah Yêhôva lah ma Satan: “Nĕ aơ, Gâp jao lĕ drăp ndơ Y-Yôp tâm ti may, ƀiălah may mâu dơi yơr ti pah ôh ma Y-Yôp.” Satan du luh ro bơh tanăp măt Brah Yêhôva.

Ndrom Samƀŭt bơh Yôp 20:23

Brah Ndu nkhŭt nau ji nuih tâm păng, Ƀư ăn bêng nuih n'hâm păng kơnh, Hoch nau dŭt ji nuih jêng ndơ sông sa ma păng.

Nau Mprơ Ơm 11:6

Păng mra nkhŭt dak mih nau mhĭk tât ta klơ phung ƀai: Ŭnh hit, lŭ mô ŭnh jêh ri sial duh Mra jêng kachok prăp êng ma khân păng.

Nau Ngluh Êjipt 12:13

Mhĭng mham ta klơ ngih khân may dôl gŭ, mra jêng nau tâm mbên ăn ma khân may. Nôk Gâp ƀư nau nđêh nji tâm n'gor Êjipt, saơ mham nây Gâp mra hăn rgăn jêh ri mâu mra geh ôh nau mhĭk tât gay ƀư rai khân may.

Nau Ngluh Êjipt 15:7

Ma nau rnam dŭt prêh ngăn, May dơi lơh phung rlăng. May mpơl nau ji nuih, Su khân păng nâm bu ŭnh sa rhe.

Êsai 42:25

Yor nây, Kôranh Brah hŏ nkhŭt jêh nau ji nuih hâu ngăn Jêh ri nau tâm lơh ktang ngăn ta klơ păng; Ŭnh sa văr jŭm jêh păng, ƀiălah khân păng mâu gĭt rbăng ôh, Ŭnh sa jêh păng ƀiălah păng mâu mĭn rvê ôh.

Nau Nhĭm Vơl 4:11

Brah Yêhôva hŏ ƀư jêh djoh nuih, Nkhŭt nau Păng ji nuih; Păng sŭnh ŭnh ta ƀon Siôn, Ŭnh sa lĕ rngôch mbon păng.

Sôphôni 3:8

Yor nây, Brah Yêhôva lah: “Gŭ kâp hom Gâp, Kŏ tât nar Gâp mra dâk mbơh ăn jêng nanê̆; Yorlah Gâp hŏ mĭn jêh tâm rgum lĕ mpôl băl bunuyh Jêh ri plơ̆ rgum tay lĕ bri hađăch, Gay nkhŭt ta khân păng nau ji nuih, Nây jêng lĕ rngôch nau Gâp ji nuih hâu ngăn, Yorlah lĕ rngôch bri dak mra rai lôch. Ma ŭnh nau Gâp ntôn.