Nau Mprơ Ơm 78:38 - Nau Brah Ndu Ngơi 2023

³⁸ Ƀiălah yor nau Păng yô̆ nđach, Păng yô̆ an nau tih mhĭk Jêh ri mâu ƀư rai khân păng ôh; Âk tơ̆ Păng nkân nau ji nuih, Mâu ăn nau ji nuih hao toyh ôh.

Nau Mprơ Ơm 78:38 ပူးပေါင်းရင်းမြစ်များ

II Samuel 24:16

Tơlah tông mpăr yơr ti gay ƀư rai ma Yêrusalem, Brah Yêhôva tâm rgâl nau mĭn ma nau ƀư mhĭk nây, jêh ri lah ma tông mpăr nơm gŭ ƀư rai phung ƀon lan: “Găp jêh! Aƀaơ ri rhuăt hom ti may.” Rnôk nây taơ, tông mpăr Brah Yêhôva gŭ êp ntŭk mprah ba Y-Arauna, bunuyh Jêbusit.

II Phung Hađăch 13:23

Ƀiălah Brah Yêhôva ăt ƀư ueh ma khân păng. Păng yô̆ nđach jêh ri uănh treng khân păng yor nau tâm rnglăp Păng hŏ ƀư jêh đah Y-Abraham, Y-Isăk jêh ri Y-Yakôb. Păng mâu ŭch ƀư rai khân păng, jêh ri n'ho tât ma nar aơ, mâu lĕ mprơh khân păng roh panăp măt Păng.

II Phung Hađăch 21:20

Păng ƀư nau mhĭk tanăp măt Brah Yêhôva, nâm bu Y-Manasê, mbơ̆ păng ƀư jêh.

Nau Mprơ Ơm 99:8

Ơ Yêhôva Brah Ndu hên, May plơ̆ sǐt lah jêh ma khân păng; May jêng Brah Ndu vay yô̆ an, Ƀiălah May har plơng lĕ nau khân păng ƀư mhĭk.

Êsai 48:9

Yor amoh Gâp dĭng Gâp ât lơi nau ji nuih; Yor nau chrêk rmah Gâp dĭng Gâp nkân lơi nau ji nuih đah may, Gay ma mâu ƀư rai may.

Êsêkiêl 20:17

Nđâp tơlah pônây, măt Gâp uănh yô̆ jêh ma khân păng, mâu ƀư rai ôh khân păng mâu lah ƀư rai lĕ khân păng tâm bri rdah.

Ndrom Samƀŭt bơh Ôsê 11:9

Gâp mâu mra ƀư ôh tĭng nâm nau Gâp ji nuih Jêh ri mâu mra ƀư rai ôh Êphraim. Yorlah Gâp jêng Brah Ndu mâu di jêng bunuyh ôh; Gâp jêng Nơm Kloh Ueh gŭ ta nklang may, Gâp mâu mra văch ma may tâm nau ji nuih.

Amôt 7:3

Brah Yêhôva tâm rgâl nau mĭn ma nau kan aơ. Brah Yêhôva lah: “Nau aơ mâu mra tât ôh.”

Amôt 7:6

Brah Yêhôva tâm rgâl nau mĭn ma nau kan aơ. Brah Yêhôva lah: “Nau aơ mâu mra tât ôh.”