Nau Mprơ Ơm 78:37 - Nau Brah Ndu Ngơi 2023

³⁷ Nuih n'hâm khân păng mâu jêng nâp ôh đah Brah Ndu, Khân păng mâu đŏng gŭ răp jăp đah nau Brah Ndu tâm rnglăp.

Nau Mprơ Ơm 78:37 ပူးပေါင်းရင်းမြစ်များ

I Phung Hađăch 19:10

Păng plơ̆ lah: “Gâp khŏm nsrôih ngăn ma Yêhôva Brah Ndu ma phung tahan. Yorlah phung ƀon lan Israel lĕ chalơi jêh nau tâm rnglăp đah May, ƀư rai lĕ nơng ƀư brah May, sŏk đao nkhĭt lơi phung nơm mbơh lor May; knŏng êng du huê gâp hôm e klen, jêh ri khân păng dôl tĭng joi gay nglôch lơi nau rêh gâp.”

Nau Mprơ Ơm 119:80

Ăn nuih n'hâm gâp ƀư rĭng tâm lĕ nau vay May dăp; Gay ma gâp mâu bêk ôh.

Nau Mprơ Ơm 51:10

Ơ Brah Ndu! Dăn njêng tâm gâp du nuih n'hâm kloh rsang Jêh ri ƀư mhe tâm gâp du huêng sŏng.

Nau Mprơ Ơm 78:8

Jêh ri ăn khân păng mâu tâm ban ôh ma phung chô yau khân păng, Jêng ndŭl mpôl dăng bôk jêh ri uh ah, Du ndŭl mpôl mâu geh nuih n'hâm nâp Jêh ri mâu geh răp jăp đah Brah Ndu.

Yêrêmi 31:32

Nau tâm rnglăp aơ mâu di nâm bu nau tâm rnglăp Gâp ƀư jêh đah phung chô yau khân păng tâm nar Gâp kuăn ti têk njŭn khân păng du luh tă bơh n'gor Êjipt, nau tâm rnglăp khân păng hŏ ƀư rai lơi jêh, nđâp lah Gâp jêng Sai khân păng,” Brah Yêhôva lah pônây.

Êsêkiêl 16:30

Kôranh Brah Yêhôva lah: ‘Mâm nuih n'hâm ay rŏng ir kơt nây! Lĕ nau ay ƀư tih lĕ rngôch nau nây jêng nau bu ur văng tĭr mâu gĭt bêk prêng

Ndrom Samƀŭt bơh Ôsê 10:2

Nuih n'hâm khân păng pă bar; Aƀaơ khân păng mra geh nau tih jêh. Kôranh Brah mra ƀư rai lơi nơng ƀư brah, Jêh ri ƀư rai n'gâng ƀư brah khân păng.

Ndrom Samƀŭt bơh Ôsê 7:14

Khân păng mâu lĕ nuih n'hâm kuăl mbơh sơm ma Gâp, Ƀiălah gŭ nter klơ sưng bê̆ch khân păng; Khân păng rek tor êng khân păng nơm gay dăn ba ƀlê jêh ri ndrănh mhe; Khân păng ƀư rlăng ma Gâp.

Ndrom Samƀŭt bơh Ôsê 7:16

Khân păng mâu rle mpeh ma Nơm Dŭt Prêh Klơ; Khân păng nâm bu na lĕ djơh jêh, Phung kôranh khân păng cha lôt yor ma đao Yorlah mpiăt khân păng luh nau ngơi ji nuih ngăn. Khân păng jêng ndơ bu gơm mưch Tâm n'gor bri Êjipt.

Kôranh Oh Mon 8:21

May mâu geh du kô̆ mâu lah mâu dơi tâm pă tâm kan aơ, yorlah nuih n'hâm may mâu sŏng ôh tanăp Brah Ndu.

Nau Vay Nkah Tay 31:20

Yorlah Gâp mra njŭn phung ƀon lan aơ lăp tâm n'gor Gâp hŏ ton ăn jêh ma phung chô yau khân păng, jêng n'gor bêng ma dak toh jêh ri dak sŭt; ƀiălah tơlah khân păng sa kŏ tât hơm bêng jêh ri lay dăng khân păng mra nchuăt tĭng phung brah êng jêh ri pah kan ma khân păng, mưch ma Gâp jêh ri rlau nau tâm rnglăp đah Gâp.