Nau Mprơ Ơm 77:8 - Nau Brah Ndu Ngơi 2023

⁸ Nau ueh Păng lôch mro măng lĕ? Nau Păng ton roh n'ho ro mâu hôm lĕ?

Nau Mprơ Ơm 77:8 ပူးပေါင်းရင်းမြစ်များ

II Samuel 14:14

Lĕ rngôch he mra khĭt yơh, tâm ban ma dak lĕ nkhŭt jêh klơ neh, mâu hôm blau rƀŭn ndrel ôh. Ƀiălah Brah Ndu mâu mra sŏk lơi ôh nau rêh; ƀiălah, Păng gĭt tĭng joi trong gay nơm bu mprơh jêh mâu ăn du ngai đah Păng.

Nau Mprơ Ơm 13:2

Gâp geh nau rêh ni ngăn tâm huêng, Ăp nar geh nau rngot ndah jŏ tâm nuih n'hâm? Nơm rlăng đah gâp dơi n'hao prêh lơn gâp kŏ tât ndah jŏ?

Nau Mprơ Ơm 74:1

Ơ Brah Ndu! Mâm ƀư May chalơi hên ƀaƀơ? Mâm ƀư May ji nuih ma phung biăp tâm ndrêch gơ̆ nse May?

Nau Mprơ Ơm 85:6

May mâu mra ƀư nau rêh ma hên Gay ma phung ƀon lan May răm maak tâm May lĕ?

Êsai 27:11

Lah n'gĭng păng kro jêh ri bu nkê̆ch pă, Phung bu ur sŏk gay ƀư long sŭnh ŭnh. Yorlah phung ƀon lan aơ mâu ŭch gĭt rbăng ôh, Yor nây Nơm njêng khân păng mâu yô̆ nđach ma khân păng ôh, Nơm njêng khân păng mâu ăn nau ueh ôh.

Yêrêmi 15:18

Mâm nau ji gâp mâu rlu, Sôt rmanh gâp mâu dơi săm Jêh ri mâu ŭch bah? Di lĕ ma gâp, May nâm bu dak n'hor mƀruh nchơt, Nâm bu n'hor dak lĕ suăt dak tu hĕ?

Nau Kơp Bunuyh 14:34

Khân may hăn n'hut uănh ndah âk nar, jêng puăn jât nar, pôri khân may mra anh nau rmal yorlah nau tih khân may nơm dôl puăn jât năm, ăp nar ntrok ma du năm. Dôl nây khân may mra gĭt nau rmal Gâp.

Nau Kơp Bunuyh 23:19

Brah Ndu mâu jêng du huê bunuyh ôh dĭng păng ngơi mƀruh, Mâu đŏng jêng du huê kon bunuyh kŏ tât păng rgâl nau păng mĭn. Moh nau Păng hŏ ntăm jêh, mâu hĕ Păng mra ƀư ăn tât nau nây? Moh nau Păng hŏ ton, mâu hĕ Păng mra ƀư ăn tât nau nây?

Samƀŭt Pôl Njuăl Ăn Ma Phung Nsing Ta Ƀon Rôm 9:6

Ngơi tâm ban pônây mâu geh ntĭt jêng nau ngơi Brah Ndu jêng nau rai yot ôh. Yorlah mâu di lĕ rngôch luh bơh Israel jêng phung Israel.

II Pêtrôs 3:9

Kôranh Brah mâu mbrĕ mbrơi ma nau Păng ton tĭng nâm ƀaƀă mĭn, ƀiălah Păng srôih đah khân may, mâu ŭch ôh du huê khĭt roh, ƀiălah ŭch ma lĕ rngôch rmal nau tih da dê.